NAVENDA NUÇEYAN- Fermandariya Giştî ya Yekîneyên Parastina Jin (YPJ) bi daxuyaniyeke nivîskî şehadeta şervana xwe Destan Rojhat ragihand.
Daxuyanî wiha ye:
“Em di kesayeta şervana xwe Destan Rojhat de hevreyên ku di berxwedaniya sedsalê ya Bendava Tişrînê de bi rihekî fedayî şer kirin û gîhiştine asta şahadetê, bi bîr tînin û soz û peymana ku doza azadiyê gehandina serkeftinê nû dikin.
Di 27 Mijdara 2024’an şûn de dewleta Tirk a dagirker û çeteyên girêdayî wî bi konseptekî nû êrişên xwe li ser Sûriyeyê û Rojavayê Kurdistanê dijwartir kirin. Bê guman armanca çeteyên dewleta Tirk a dagirker ne tenê dagirkirina Şehba, Til Rifat û Minbic bû. Armanca wan di giştî sînorên Misakî Mîllî de hegemonyaya xwe nujenkirin bû. Bendava Tişrînê îro şahîdî ji gelek qehremaniyan re dike. Şervan û gelên heremê îro mil dane hevdû û dibin mînakên şerê gel ê şoreşgerî. Ji 7 heya 70 salî mirovên vê axê bedena xwe kirine bendavekî ku tu caran ji hevdû qut nabe.
Şervana YPJ’ê Derya Hecî bi nasnav Destan Rojhat, dema ku di eniyên herî pêş ên Bendava Tişrînê li Kobanê li beramberî çeteyên dewleta Tirk a dagirker şer dikir, di 8’ê Çileya 2025’an de bi erişên balafirên şer de gihîşt şahadetê. Di serî de em ji malbata welatparêz ya şehîd Destan Rojhat re, ji hemû gelan û rêhevalan xwe re sersaxî dixwazin. Di kesayeta wan de hemû şehîdên Bendava Tişrin û Qeraqozaqê bi bîr tînin. Em diyar dikin ku em ê tu caran xeyalên wan nîvçe nehêlin û xwe bigehînin Rêbertiya Azad û welatekî azad ku hemû netewe û ol bikaribin tê de bijîn.
Şervana me ya YPJ’ê Destan Rojhat di sala 2004’an de li Kobanê dayik dibe. Ew di malbateke welatparêz de mezin dibe. Malbata wê xwedî gelek şehîd in. Ji ber vê yekê Rêheval Destan bi destanên qehremaniyê mezin dibe. Ew bi van destanan dibe xwedî dilekî pak. Li ser têşe girtina kesayeta Şehîd Destan de Serhildana Qamişlo û berxwedana rumetê ya Kobanê bandorek mezin çêdike. Şehîd Destan di wê berxwadanê de dikeve ferqa hêza jin ku dikare serkeftinê bi peşengiya xwe bi afirîne.
Di sala 2021’an de rêheval Destan tevlî (Yekîneyên Parastina Jin )YPJ’ê dibe. Di tevlîbûna rêheval Destan de şerê Serêkaniyê û Girê Spî bandoriyekî mezin ava dike. Piştî ku tevlî refên azadiyê dibe ew kesayeta xwe û civaka ku tê de mezinbûye baştir dahûrandin dike. Ew wek jin xwe di rastiya Rêber Apo de zêdetir nas dike. Ji bo jiyanîkirina fîkrên Rêber Apo ên der barê jin de dibe xwedî bîryarekî bi wate. Dîsa sosyolojiya civaka ku tê de mezinbûye baştir dahûrandin dike.
Rêheval Destan bi heskirina xwe ya jiyanê hertim dibe moralê hevalên xwe. Ew di her keliya jiyanê de dibe xwedî kedekî bêhempa. Di nav hevalên xwe de bi dilnizmbûna xwe û dilpakbûna xwe tê naskirin. Piştî ku perwerdeyên leşkerî û bîrdozî dibîne di kesayeta xwe de sekna jina şerker dide avakirin. Ew di jiyan û şerê xwe de dibe xwedî ezmûnên YPJ’ê ên 12 salan. Ew dibe yek jî minaka herî şenber a berxwedana Bendava Tişrînê. Şervana me ne tenê di jiyanê de di şerê xwe de jî bi werekî û vîna xwe derdikeve pêş. Ew di vê zanebûnê de ye ku parastina Bendava Tişrînê parastina Bakur Rojhilatê Sûriyeyê ye. Rêheval Destan Rojhat ala ku ji Arîn Mîrkanan dewir girtî rakir asîmanên herî bilind. Ew bû Arîna nûjen ya welatê xwe.
Van şehîdan hişt ku em îro 12’emîn salvegera damezrandina YPJ’ê pîroz bikin. Em ê wek YPJ’ê hertim li mîrateyên van şehîdan xwedî derbikevin. Yên ku rêya me ronî dikin şehîdên me ne, ji bo vê em ê di ronahiya wan de heya ku doza azadiya jinan û gelan bi serkeftinê tacidar nekin nesekinin.“
Nasnameya şehîd:
Nav û Paşnav: Derya Hecî
Nasnav: Destan Rojhat
Navê Dayiik: Necme
Navê Bav: Hesen
Cih û Dîroka Şehadetê: 08.01.2025/Bendava Tişrînê.
(bb)
