NAVENDA NÛÇEYAN – Milîsên Azadiya Kurdîstanê (MAK) li dijî êrîşên li ser Rojava daxuyaniyeke nivîskî da û got, “Roj roja ku ji bo Rojava seferberbûyîn û gelê xwe li dijî çeteyên barbar parastinê ye. Îro roja tekoşîna bi ruhê Arîn Mîrkan û bilindkirina şerê rûmetê ye. Em bang li hemû gelê Kurdistanê û hêzên xwe yên azadiyê dikin ku ji bo Rojava li ber xwe bidin û beşdarî şerê rûmetê bibin.”
Daxuyanî wiha ye:
“Em bi ruhê seferberiyê li dijî dewleta Tirk a dagirker û çeteyên barbar, Rojava biparêzin!
Êrîşên çeteyan ên li Rojava û Sûriyeyê ji aliyê dewleta dagirker a Tirk ve hatin organîzekirin û gelê me yê li herêmê dijîn bi konseptek êrîşeke mezin re rû bi rû man. Bi van çeteyên ku bermayiyên El Qaîde û DAIŞ’ê ne, dîsa hawîrdora şer û kaosê hat afirandin. Dewleta Tirk a dagirker di vê rewşa kaosê de plan dike ku gelê me û destkeftiyên me yên li Rojava bi dest xistine bike hedef. Êrîşên qirkirinê yên ku bi Kobanê destpê kirin û li hemû qadan belav bûn, niha jî hewl didin careke din li gelê me werin kirin. Divê her kes bizane ku ev pêla êrîşan a bi Helebê re destpê kir ne tiştekî asayî û ji nişka ve ye, bi tevahî encama planên qirêj ên dewleta Tirk a dagirker û hêzên din ên di vê komployê de cih girtine. Armanca van êrîşan ne azadiya gelê Sûriyê ye, weke ku medyaya şerê taybet diyar dike, armanc ew e ku şoreşa Rojava têk bibe û gelê Sûriyê di taritiya çeteyan de ber bi mirinê ve biheyle. Divê gelê me ji bo azadiya gelê Rojava û Sûriyeyê bikevin nava liv û tevgerê û bi ruhê berxwedana Kobanê li dijî çeteyên xwînmij seferber bibin û bersîv bidin. Divê hemû gelê me û her kesê ku ji xwe re dibêje ez mirobekî bi rûmet im li dijî van êrîşan seferber bibe û bersiva pêwîst bide.
Divê gelên cîhanê ji bîr nekin ku çeteyên barbar ên xwînmij ên DAIŞ’ê bi pêşengiya jinên Kurd ên leheng li Rojava têk çûn. Îro DAIŞ û polîtîkaya berfirehkirina dewleta Tirk ne tenê ji bo Kurdan, ji bo gelên Rojhilata Navîn û tevahiya cîhanê jî xeteriyek e. Em bang li gelê xwe û hemû gelên ku ji bo azadiyê têdikoşin dikin ku xwedî li Rojava derkevin û berxwedanê mezin bikin. Divê hêzên me di vê pêvajoya seferberiyê de erka xwe ya welatparêziyê bi cih bînin û ji dewleta Tirk a faşîst-barbar a ku çeteyan dixwe û êrîşî gelê me dike, hesab bipirsin. Divê hemû ciwanên Kurdistanê bi ruhê seferberiyê tevlî têkoşînê bibin û di şerê rûmetê de cihê xwe bigirin. Em ê bi ruhê berxwedana Kobanê li dijî her êrîşan li dijî Rojava li ber xwe bidin û çalakiyên tolhildanê li her qadê belav bikin. Em bang li milîsên xwe dikin ku bi çalakiyên tolhildanê hemû Kurdistanê bikin qada berxwedanê. Heta çeteyên ku gelê me yê li Rojava hedef digirin û dewleta Tirk a faşîst a ku xwarinê dide wan ji axa Kurdistanê bê rakirin em ê têbikoşin.
Îro roja seferberiya ji bo Rojava û parastina gelê xwe li dijî çeteyên barbar e. Îro roja tekoşîna bi ruhê Arîn Mîrkan û bilindkirina şerê rûmetê ye. Em bang li hemû gelê Kurdistanê û milisên xwe yên azadiyê dikin ku ji bo Rojava li ber xwe bidin û beşdarî şerê rûmetê bibin.”
