ENQERE- Ji bo balê bikişîne ser şert û mercên giran ên tecrîda li ser Rêber Apo û çalakiyên greva birçîbûnê, 42 roj in ji aliyê girtiyên siyasî ve li girtîgehê didome. Îro li Şaxa ÖHD’ê ya Enqereyê bi pêşengiya Înîsiyatîfa Zanîngeha Demokratîk a Enqereyê panelek bi navê ‘Tecrîd û Zîndan’ hat lidarxistin.
Bi dehan xwendekar beşdarî panela ku bi rojeva “Rêxistina polîtîkayên tecrîdê yên li ser xwendekarên zanîngehê û helwesta ciwanên xwendekar” hat lidarxistin.
‘Nirxandina pêvajoya hiqûqî ya grevên birçîbûnê û polîtîkayên’ parêzer Çîgdem Kozan, ‘Binpêkirina mafên tenduristiyê û şert û mercên ne têrker ên li zindanan’ ji aliyê Endamê Komîsyona Mafên Mirovan a Odeya Tabîban a Enqereyê Doktor Onur Erdem û ‘Di çarçoveya mafên mirovan de polîtîkaya tecrîdê. ‘ ji aliyê Hevserokê Şaxa ÎHD’ê ya Enqereyê Omer Faruk Yazici ve hat kirin. Di panela bi navê ‘Tecrîd û zindan’ de ku mijarên ‘bandorên civakî’ hatin nirxandin. Ji aliyê xwendekaran de peyam hate dayîn û hate gotin; “Em ê bi rêxistinkirinê ve, berxwedana ku li zindanan li beramberî pêkanînên der mirovî tê dayîn li kampûs û di her qadê de emê xwe birêxistin bikin.”
Di panela bi navê “Tecrîd û Zîndan” de endama Zanîngeha Demokratîk a Enqereyê Emîne Akici axivî.
Akici bal kişand ser polîtîkayên şerê taybet ên sîstemê yên li ser ciwanên xwe û got, “Bi her cure polîtîkayên şerê taybet re hewl tê dayîn ciwan ji ramana civakî bêpar bimînin. Bi vî awayî hewl didin ciwaneke apolîtîk a pasîf ava bikin.” got. Di axaftinê de hate destnîşankirin ku bi taybetî li ser ciwanên Kurd û Kurdistanê hewl didin vê yekê pêk bînin û her wiha hate gotin ku hewl tê dayîn ciwanên Kurd ji rastiya xwe ya civakî û azadiya xwe haydar nebin.
Akîcî bandora qada aborî ya li ser ciwanan nirxand û got, “Hewl dide ciwanên Kurd bi aboriyê perwerde bike. Bi kiryar û gotineke herî biçûk ku li ser hebûna wî bibe xeterê, yekser bûrsa wan qut dike, gazî malbata wan dike û hin tacîzê dike. Carinan dibe ku ji dibistanê bê avêtin.” got.
Di axaftinê de hat gotin ku jiyana azadîxwaz, xweperest û ferdperest li ser ciwanan tê ferzkirin û wiha hat gotin: “Ger hûn li ber çavê dewletê welatparêz an jî demokrat bin, li ber çavê dewletê hûn dijminekî potansiyel in. “Ger hûn ji xeynî şêwaza jiyanê ya ferzkirî tiştekî din diparêzin, yekser wekî terorîst tê binavkirin.”
Di panelê de her wiha hate destnîşankirin ku hewl tê dayîn ciwanan ji xeta têkoşînê derxînin û bixin nava rewşeke pasîf û bêbandor.
Di nirxandinan de hat gotin ku li Rojhilata Navîn û cîhanê berxwedaneke bi heybet a mîrateya têkoşîna 50 salî ya li dijî tecrîdê tê meşandin, Hat gotin “Ji bo azadiya fîzîkî ya Birêz Abdullah Ocalan û ji bo kêmkirina tecrîda li ser hevalên me yên di zindanan de û bi giştî li ser gelê Kurd, divê em bi taktîkên bi bandor û bi encam li her qadê xwe bi rêxistin bikin û aktîf bikin.”
Panel bi dirûşmeyên “Bijî Berxwedana Zindana” bi dawî bû.
