BEHDÎNAN – Navenda Ragihandin û Çapemeniyê ya HPG’ê têkildarî gerîlayên şehîd bûn ev agahî parve kir:
“Li hemberî êrîşa dagirkeriyê ku 14’ê Nîsanê bi êrîşên giran ên hewayî destpê kir û 17’ê Nîsanê bi daxistina leşkerî ya bi helîkoptera a li tevahiya Zapê ji bejahî destpê kir, berxwedaneke bêhempa ya dîrokî hate nîşandan. Artêşa Tirk tevî ku yek ji artêşên NATO’yê ye, bi rengekî çalak piştgiriya leşkerî û fînansî ji vê derê wergirt, her cûre teknîka şer bi dest xist, planên xwe yên qirkirinê bi hêzên hegemonîk da pejirandin, bombeyên qedexekirî û çekên kîmyewî bi rengekî veşartî bi dest xist, tevî ku sûcê şer e çavê xwe ji bikaranîna van çekan re girtin û piştgiriya Kurdên xayin noker ên bêkok wergirt. Tevî van hemûyan jî ev êrîşa dagirkeriyê li hemberî sekna esîl a fedaiyên Apoyî ku serî ıli ber dagirkeriyê netewandin, bêçare ma û nekarîn bi pêş ve biçin. Xwestin ku di demeke kurt de dagirkeriyê temam bikin, plana xwe bi ser bixin û ev daxwaza wan di ber wan de ma.
Artêşa Tirk a qirker mêtinger ji bo karibe planên dagirkeriyê teqez bi cih bîne, her cûre sûcên şer danî ber xwe û ev êrîşên xwe derbasî qonaxeke nû kir, di sala 2021’ê de bi taybetî jî di sala 2022’an de li dijî hêzên me bi rêk û pêk çekên kîmyewî û bombeyên qedexekirî bi kar anî. Çekên kîmyewî û bombeyên qedexekirî li ser tunelên şer bi kar anî, bi kepçeyên zirxî hewl da tunelên şer hilweşîne û qirkirineke komî pêk bîne. Ev sûcên şer ên artêşa Tirk ji aliyê hêzên me ve gelek caran hate belgekirin û pêşkêşî raya giştî hate kirin. Tevî ku dîmenên li tunelên şer ên Werxelê hatin weşandin û ji aliyê raya giştî ve hate temaşekirin, ne cihê gumanê bû, dengekî xurt li dijî vê yekê nehate bilindkirin û ev yek jî bû sedem ku ev êrîşên li dijî mirovahiyê dewam bikin.
Li herêma Zapê, tunelên şer ên Şehîd Xursî yên li mintiqeya gundê Saca yê nehiya Şêladizê ya navçeya Amediyê ya Başûrê Kurdistanê ji meha Tebaxê ve dibin hedefa artêşa Tirk a dagirker. Tunelên Şehîd Xursî bi balafirên şer, obus, hawan û teqemeniyên qedexekirî hatin bombekirin, ji bejahî ve jî xwestin ku bi her cûre êrîşan van tunelan bixin. Hevrêyên me yên li vê derê bi performansa şer a çalak, li dijî dijmin çalakiyên bi bandor kirin, mehekê nehiştin ku dijmin xwe nêzî tunelên şer bike, derbên giran lê xistin û gelek malzemeyên dijmin bi dest xistin. Artêşa Tirk piştî êrîşên giran ên mehekê karîbû xwe nêzî vê tunela şer bike, li dijî tunela şer her cûre çekên kîmyewî û bombeyên qedexekirî bi kar anî, lê belê sê mehan li tunelên şer ên li Şehîd Xursî berxwedaneke destanî hate nîşandan û hevrêyên me yên li vê derê timî bi çalakiyan derbên giran li dijmin xistin. Tevî ku sê mehan çekên kîmyewî û bombeyên qedexekirî bi kar anî jî dijmin fêhm kir ku nikare li hemberî sekna gerîla ya fedaî encamê bi dest bixe û hîn bêhtir giranî da ser bikaranîna çekên kîmyewî.
Di encama bikaranîna çekên kîmyewî û teqemeniyên qedexekirî yên giran û bi rêk û pêk, 5’ê Mijdarê li tunelên şer ên Şehîd Xursî 11 hevrêyên me şehîd bûn. Wezareta şerê taybet a di bin fermandariya Hûlûsî Akar de ye, eşkere kir ku şehadeta van hevrêyên me di şer de bûye, lê derew kiriye. Bi vê derewê hewl daye ku sûcê şer ê bi çekên kîmyewî veşêre. Hûlûsî Akar ê kîmyewî û sûcdarê şer, bêyî ku li ber xwe bikeve îdîa kirk u çekên kîmyewî bi kar neaniye, lê belê eşkere bû ku artêşa Tirk beriya ji Saca bireve di vê bûyerê de gelekî çekên kîmyewî bi kar aniye û bûye sedema şehadeta 11 hevrêyên me. Eşkere ye ku 11 hevrêyên me bi çekên kîmyewî şehîd bûne, dîmenên wan hatiye kişandin û bi belgekirin. Em vê gavê guncav nabînin ku van dîmenan bi raya giştî re parve bikin. Em dikarin bidin saziyên pêwendîdar ên mijarê lêkolîn bikin û sûcên şer ên dewleta Tirk piştrast bikin. Cihê ku ev hevrêyên me lê şehîd bûn nêzî gundê Saca yê nehiya Şêladizê ya navçeya Amediyê ya Başûrê Kurdistanê ye û em radigihînin ku yên bixwazin bên dikarin werin, yên dixwazin lêkolînê bikin jî em dikarin li gorî derfetan alîkariyê bidin wan.
Fermandariya me ya Biryargeha Navendî ya Parastina Gel di daxuyaniya 18’ê Cotmeha 2022’an de eşkere kiribû ku 17 hevrêyên me bi çekên kîmyewî şehîd bûne û rastiya ku destnîaşn kir, her wiha banga ku kir li nava gelê Kurd û dostên hêja û mirovên bi wijdan deng veda, veguherî nerazîbûneke mafdar, lê belê bikaranîna çekên kîmyewî û bombeyên qedexekirî dewam kir. Siyaseta dewleta Tirk a li dijî gelê Kurd ku sed sal e dimeşîne û bi taybetî jî di dîroka têkoşînê ya 50 salî de hewl dide qir bike, mêtinger bike, ji nû ve seferên dagirkeriyê bike, her wiha bêdengiya cîhanê ya li hemberî vê yekê radixe pêş çavan bê metirsiya li ser gelê Kurd çiqasî mezin e. Em weke gelê Kurd ê mezlûm ku têkoşîna herî mafdar, rewa û azadiyê ya dîrokê dimeşîne, ji bilî têkoşîneke bi rûmet, berxwedaneke bi lehengî û şerekî bi qehremanî rêyeke me ya rizgariyê nîne. Weke pêşengên fedaî yên doza azadiyê ya gelê Kurd, berdêl çiqasî giran jî be, em ê ti carî xwe ji parastina gelê xwe û jiyaan azad nedin alî. Tevî ku li hemberî me dijminekî qirker ê dûrî mirovahiyê û bi hêrsa desthilatdariyê hebe, tevî ku li hemberî me rastiyeke cîhanê ya li hemberî kiryarên li ser gelê me bêdeng dimîne hebe jî dilsoziya me ya bi nirxên esîl ên mirovahiyê yên demokratîk û azad wê dewam bike. Em ê bîranîna her hevrêyên xwe yên di vê oxirê de şehîd bûne bikin hinceta mezinkirina bawerî, biryardarî û têkoşîna xwe ya azadiyê û armancên wan teqez bi ser bixînin.
Ev hevrêyên me yên leheng her yek ji wan ji herêmeke cuda ya Kurdistanê ne. Di serî de malbatên welatparêz ên hêja yên van hevrêyên me bila serê gelên Kurd û Ereb sax be.
Agahiyên li ser nasnameya hevrêyên me yên şehîd bûne wiha ne:
 |
Nasnav: Ferman Kerîm Nav paşnav: Mesût Eren Cihê jidayikbûnê: Şirnex Dayik-Bav: Taybet-Bûrhan Dem û cihê şehadetê: 5’ê Mijdara 2022 / Zap |
 |
Nasnav: Sabrî Cîlo Nav paşnav: Xemgîn Şahînoglû Cihê jidayikbûnê: Colemêrg Dayik-Bav: Zubeyde-Muslum Dem û cihê şehadetê: 5’ê Mijdara 2022 / Zap |
 |
Nasnav: Jînda Serhed Nav paşnav: Eylem Akgun Cihê jidayikbûnê: Wan Dayik-Bav: Hanîfe-Harûn Dem û cihê şehadetê: 5’ê Mijdara 2022 / Zap |
 |
Nasnav: Helmet Viyan Nav paşnav: Bawan Mihemed Cihê jidayikbûnê: Silêmanî Dayik-Bav: Direqşan-Mihemed Dem û cihê şehadetê: 5’ê Mijdara 2022 / Zap |
 |
Nasnav: Dilşêr Reqa Nav paşnav: Ebîd Ebdilah Cihê jidayikbûnê: Reqa Dayik-Bav: Foza-Reşîd Dem û cihê şehadetê: 5’ê Mijdara 2022 / Zap |
 |
Nasnav: Adar Çiya Nav paşnav: Canda Îsmaîl Cihê jidayikbûnê: Amûdê Dayik-Bav: Zekiye-Îsmaîl Dem û cihê şehadetê: 5’ê Mijdara 2022 / Zap |
 |
Nasnav: Harûn Firat Nav paşnav: Yûnûs Alkan Cihê jidayikbûnê: Wan Dayik-Bav: Gulser-Osman Dem û cihê şehadetê: 5’ê Mijdara 2022 / Zap |
 |
Nasnav: Arvîn Tolhildan Nav paşnav: Pervîn Mûhammed Cihê jidayikbûnê: Kobanê Dayik-Bav: Bedîa-Îsmaîl Dem û cihê şehadetê: 5’ê Mijdara 2022 / Zap |
 |
Nasnav: Azad Pirsûs Nav paşnav: Îsmaîl Çelîk Cihê jidayikbûnê: Ûşak Dayik-Bav: Peyan-Muslum Dem û cihê şehadetê: 5’ê Mijdara 2022 / Zap |
 |
Nasnav: Hêvî Welat Nav paşnav: Silvana Mihemed Cihê jidayikbûnê: Heleb Dayik-Bav: Resmiye-Nûrî Dem û cihê şehadetê: 5’ê Mijdara 2022 / Zap |
 |
Nasnav: Sefkan Adar Nav paşnav: Îsa Kûrtay Cihê jidayikbûnê: Îdir Dayik-Bav: Emîne-Yûsûf Dem û cihê şehadetê: 5’ê Mijdara 2022 / Zap |
