WAN – Li taxa Repetîk a Payîzavaya Wanê cerdevanê bi navê Faîk Dûral di 23’ê Kanûna 2021’an de êrişeke zayendî li keçeke 16 salî kiribû.
Malbata keçikê giliyê cerdevan Faîk Dûral kiribû û cerdevan Faîk Dûral hatibû girtin.
Piştî girtina Dûral xizmên wî zext li keç û malbatê kirin û xwestin gilîkirina xwe vekişînin. Ji ber zextan malbatê giliyê xwe vekişand.
Hefteya borî jî Dûral hate berdan. Hate diyarkirin Dûral li dadgehê soz daye ku wê keçikê re bizewice û ji ber vê hatiye berdan.
Hate diyarkirin Faîk Dûral ê hatiye berdan ji bo bi keça 16 salî re bizewice, zextan li malbatê wê dike.
Li gundê Bozyîgît ê Payîzavaya Wanê jî cerdevanê bi navê Ziya Karakoç ji ber êrişa zayendî ya li ser jinan hatibû girtin.
