BEHDÎNAN – Daxuyaniya Navenda Ragihandinê û Çapemeniyê ya HPG’ê wiha ye:
“Beriya niha me ji gelê xwe re û raya giştî re aşkere kiribû 26’ê Tîrmehê li derdora gundê Bêxme ya navçeya Xelîfanê ya Başûrê Kurdistanê têkiliya me qut bûye. Li gel bangên me û serlêdana malbatên van hevrêyên me yên li Hikûmeta Başûrê Kurdistanê û PDK’ê jî, heta niha ti bersiv nehatiye dayin.
Nasnameya hevrêyên me ku li derdora gundê Bêxme yê Xelîfanê ku têkiliya me ji wan qut bû, wiha ne:
 |
Nasnav: Serwer Serhat Nav Paşnav: Erdal Aslan Cihê Bûyinê: Erzirom Navê Dê û Bav: : Zahide – Seyitxan |
 |
Nasnav: Wargeş Çavreş Nav Paşnav: Ayhan Tatlı Cihê Bûyinê: Şirnex Navê Dê û Bav: Heyiç – Suleyman |
 |
Nasnav: Dijwar Berxwedan Nav Paşnav: Mahmut Xelef Cihê Bûyinê: Hesekê Navê Dê û Bav: Ros Xelîl – Hesen Xelef |
Hevrêyê me Serwer Serhed li navçeya Karaçobanê ya Erzeromê li nav malbateke welatparêz çêbûye. Hevrêyê me Serwer hê bi zaroktî Têkoşîna Azadiya Kurdistanê nas dike, bi hîsên welatparêzî mezin dibe û hê dema ciwan e li rê û rêbazên têkoşînê digere. Sala 2005’an dema ku ciwanên Kurdistanê bûbûn Mertalên Zindî tevlî nav refên gerîla bûne, tevlî nav refên gerîla bûye. Ji Xakurkê heta bi Qendîlê, ji Xinêrê heta bi Zapê li gelek herêmên Qadên Parastinê yên Medyayê gerîlatî kiriye. Di pratîkê de gihaştiye, bûye xwedî tecrûbe, bi hîsên kûr ên welatparêziyê, li her herêma Kurdistanê li serkeftinê asê bûye, heq ji her cure zoriyê derketiye û têkoşiyaye. Li dibistanên partiyê perwerde dîtiye, ji xwer e kiriye rêgez ku bibe milîtanekî bêduilî yê xeta Apoyî.
Sala 2010’an derbasî herêma Bakurê Kurdistanê bûye, li vir 8 salan têkoşîneke bênavber daye. Li her herêma eyaleta Xerzanê bi rihekî têkoşer ê bilnd gerîlatî kiriye, bi her astê bi peywirda fermandariya pêşeng rabûye. Li Xerzanê gelek caran bi dijimn re singesing şer kiriye, her carê derb li dijmin dane û encamên serkeftî bi dest ve aniye.Pêşengî li gelek çalakiyên li Xerzanê kiriye. Hevrêyê me Serwer li ber ti zor û zehmetiyan meşa xwe ya azadiyê nesekininandiye, li qadên herî giran jî ji vîna Apoyî tawîz nedaye. Li nîvê zivistanê li nav sermayê û berfê maye, piyê wî şewitîne û dîsa jî ji ya xwe nehatiye xwarê, vîna xwe qeyimtir kiriye û têkoşîna xwe domandiye. Piştî ku ji pratîka Xerzanê bi tecrûbeyên zêde vedigere ji bo ku van tecrûbeyên xwe bi perwerdehiya partiyê biqulibîne ser dersên encamgir û bi hevrêyên xwe re par ve bike, li akademiya leşkerî perwerde bûye. Piştî perwerdehiyê li Fermandariya Eyaletê ya Xakurkê xwe di ber peywirê re kiriye, li vir peywira fermandariya Apoyî ya pêşeng bi rengekî serkeftî bi cih aniye û bûye yek ji rêxistinkarê çalakiya ku gelek derbên giran li dagirkeran xistî. Dema ku bi rengê fermandarê eyaletê ber bi cihê xwe yê peywirê ve diçû ku bigihaşta Behdînanê 26’ê Tîrmeha 2021’an li derdora gudnê Bêxme yê Xelîfanê hêzên PDK’ê êrîş bi ser wan ve birine û ji wê demê û şûn ve têkiliya me bi wan re nameye.
Hevrêyê me Çavreş ji eşîra Sorî ku eşîreke welatparêz a Kurdistanê ye û li Şirnexê çêbûye. Li nav malbateke nirxan ku welatparêz û şehîdên xwe hene, mezin bûye, kesayata wî bi hîsên welatparêz çêbûye. Malbata xwe zilm û zor û zexta dijmin dîtiye, hê dema zarok ji bo ku endamên malbata xwe bibîne, li ber deriyên zilma TC’ê maye. Van kêlî û hîsan di bîra hevrêyê me Wergeş de cihê xwe hiştiye, her wiha li dijî rejîma TC’ê ya faşîst bi hêrs û daxwaza tolhildanê mezin bûye. Sala 2012’an ketiye ber tesîra Şerê Şoreşgerî yê Gel ê Kurdistanê û operasyonên karîger ên şoreşger, li Qada Bestayê ya Botanê biryar li ser daye ku tevlî nav refên gerîla bibe. Ji ber jiyana gerîla koçbertiy3e bi çiyayên re di zik hev de ye zû hînî jiyana gerîla bûye, zêde zor û zehmetî nekişandiye. Li qada Bestayê perwerdehiya şervanê nû dîtiye û dest bi pratîka gerîla kriiye. Hevrêtiya PKK’ê û jiyana gerîla pir bandor li ser dike, hewl daye ku layiqî vê jiyanê be. Sala 2013’an pêvajoya vekişînê derbasî Qadên Parastinê yên Medyayê bûye. Li akademiya leşkerî perwerde bûye, xwe ji bo gerîlatiya serdema nû xwe hazir kiriye û li her devera ku çûyê û di her peywirê de bûye xwedî tevlêbûneke bi fedakarî. Dema ku diçû ser qadeke dî ya peywirê li gel hevrêyê me Serwer piştî PDK êrîş aniye ser wan, têkiliya me jê qut bûye.
Hevrêyê me Dijwar Berxwedan li bajarê Hesekê yê Rojavayê Kurdistanê çêbûye. Ji zaroktî ve bûye şahidê polîtîkayên rejîma BAAS ku Kurdan tine dihesibîne. Pêvajoya Şoreşa Azadiyê ya Rojava bi hîsên welatparêz tevgeriyaye û weke ciwanekî Kurd ê xwedî rûmet bawerî pê aniye ku ji bo gelên Sûriyê têbikoşe û tevlî nav Şervanên Azadiyê yên Rojava bûye. Hevrêyê me li Bakur-Rojhilatê Sûriyê di tinekirina faşîzma DAÎŞ’ê de û di azadkirina gelek qadan de bi roleke çalak rabûye, her demê xwestiye ku bigihije çiyayên Kurdistanê ku tim xeyala wê dikir. Bi vê xeyalê sala 2017’an gihaştiye çiyayên azad ên Kurdistanê, jiyanek nûkûnû nas kir. Kelecanî û kêfxweş bûye ku bi temamî ji jiyana modernîtya kapîtalîst derketiye, bi sirûşt û jiyana sirûştî ya PKK’ê xwe xweştirs nas kiriye. Li perwerdehiya leşkerî perwerde bûye, tecrûbeya leşkerî ya di serfiraziya dijî paşverûtiya DAÎŞ’ê de ragihandiye, her wiha bûye milîtanekî zîrek ku tecrûbeya bi dehan salan a gerîlatiyê serifandiye. Hevrêyê me Dijwar ku bi îdîa û biryardariyeke mezin peywira xwe dikir, 26’ê Tîrmeha 2021’an li gundê Bêxme yê Xelîfanê li gel hevrêyên xwe, êrîşa PDK’ê hatiye ser wan, ji wê rojê û wir ve ji wî û hevrêyên me yên din ti agahî nehatiye standin.”
