BEHDÎNAN – Daxuyaniya Navenda Çapemenî û Ragihandinê ya HPG’ê wisa ye:
“Di 22’ê Sibata 2021’an de li bejahiya gundê Xankê yê Metînayê êrîşeke hewayî hatibû kirin. Di vê êrîşê de rêhevalên me Eren, Karker û Tolhildan şehîd bûne.
Dewleta Tirk a dagirker ji bo ser têkçûna xwe ya li Garê bigire û krîza di nava xwe de derbas bike, êrîşên xwe yên li ser qadên gerîla didomîne. Dewleta Tirk tu encam ji van êrîşan nestendiye û nikariye îradeya azadiyê ya gelê me bişkîne. Desthilatdariya AKP, MHP û Ergenekonê ya faşîst di serî de bi berxwedana Rêber Apo, rêhevalên me û ya gelê me hatiye asta têkçûnê. Êdî gelekî baş tê zanîn, ligel van êrîşan jî desthilatdariya faşîst wê nikaribe pişta xwe rast bike û wê aqûbeta faşîstan were serê wan jî. Di van êrîşên faşîst de rêhevalên me şehîd bikevin jî wê ev şehadet ji bo dara azadiyê ya gelê me bibe ava jiyanê. Rêhevalên me Eren, Karker û Tolhildan jî tevlî nav karwanê şehîdan bûn û di dara azadiyê ya PKK’ê de wê bibin kulîlkek.
Rêheval Eren ên ji Kopa Mûşê de li dûrî Kurdistanê li metrepolên Tirkiyeyê mezin bûye lê di warê fikr û giyanî de tu carî ji Kurdistanê veneqetiyaye. Li dijî polîtîkayên asîmîlasyonê ya dewleta Tirk a qirker wî rastiya civakî û siyasî ya Kurdistanê ji dil hîs kiriye û hê di ciwaniya xwe de tevlî nav xebatan bûye. Çand û exlaqê Apoyî di kesayetiya wî de şoreşên mezin pêk aniye. Dema ku li ser gelê me êrîşên mezin çêbûye, rêheval Eren biryar daye ku tevlî nav refên gerîlayan bibe. Rêheval Eren bi felsefeya Rêber Apo kesayetiya xwe ava kiriye û bi perwerdehiyên îdeolojîk û leşkerî bûye yek ji milîtanên Apoyî.
Rêheval Karker jî li Meletiyê ya ku yek ji navenda Plana Şark Islahatê ya dewleta Tirk e, ji dayik bûye. Rêheval Karker dûrî Kurdistanê li Ewropayê Tevgera Azadiyê ya Kurdistanê nas kiriye û bi bandorkee mezin biryar daye ku tevlî nav refên partiyê bibe. Rêheval Karker li gelek qadan têkoşiyaye û di her firsendê de xwestiye ku li çiyayên Kurdistanê têbikoşe. Rêheval Karker piştî ku tevlî nav refên gerîlayan bûye, di nava demeke kurt de adapteyî jiyana çiyê bûye, bi hêzeke xurt a manewî, ji bo pêkanîna peywir û berpirsyariyên xwe yên pêngava serfiraziyê têkoşiyaye. Rêheval Karker li her qada xebatê dev ji rêgez û milîtaniya Rêber Apo bernedaye û bûye yek ji rêhevalê baş ê Rêber Apo.
Rêheval Tolhildan jî li Amedê di nav malbateke welatparêz de ji dayik bûye û ji ber vê jî Têkoşîna Azadiyê ya Kurdistanê ji nêz ve nas kiriye. Rêheval Tolhildan helwesteke rast nîşanî rastiya şehadetê ya tevgera me daye, piştî şehadeta apê xwe çeka wî rakiriye û şerê li dijî dewleta Tirk a dagirker ji xwe re kiriye esas. Ji bo vê jî tevlî nav refên gerîla bûye. Piştî tevlêbûna nav refên gerîla îdeolojiya Rêbertî ji nêz ve nas kiriye û ketiye nav hewldana pratîzekirina felsefeya Rêber Apo.Rêheval Tolhildan bawerî vê yekê aniye ku serfirazî bi gerîlatiya profesyonel dikare pêk were û ji bo ku bibe gerîlayekî profesyonel kedeke mezin daye.
Em soza xwe dubare dikin ku em ê serfiraziya ku xeyalê van rêhevalên me yên qehreman pêk bînin û malbatên wan ên hêja di serî de em sersaxiyê ji gelê Kurdistanê re dixwazin.
Nasnav: Tolhildan Amed
Nav û paşnav: Mehmet Salih Ak
Cihê jidayikbûnê: Amed
Navê dê û bav: Sabîha – Mehmet Emîn
Dîrok û cihê şehadetê: 22’ê Sibata 2021’an/Metîna
Nasnav: Karker Kurecîk
Nav û paşnav: Huseyîn Înal
Cihê jidayikbûnê: Meletî
Navê dê û bav: Gulay – Kemal
Dîrok û cihê şehadetê: 22’ê Sibata 2021’an/Metîna
Nasnav: Eren Muhammed
Nav û paşnav: Omer Eren
Cihê jidayikbûnê: Mûş
Navê dê û bav: Herdemşah – Silêman
Dîrok û cihê şehadetê: 22’ê Sibata 2021’an/Metîna
