NAVENDA NÛÇEYAN –
Dîroka PDK’ê û Mesûd Berzanî dîroka îxanetê ye. PDK û Malbata Berzanî her rojên zor û zihmet de li dijî menfaatên gele Kurd cihên xwe girtine. Îro jî PDK disa Başûr û Rojavayê Kurdistanê de dijminên kurdan re hevkariyeke qirêj dike. Başur de PDK wek Piyonekî li gel Dewleta Tirk a faşist cihê xwe digre û li Rojavayê Kurdistanê de jî li dijî destkeftiyên kurda hevkariya çeteyan dike.
Herî dawî Mesûd Berzanî serçeteyê ku bi navê Naser El Herîrî yê ku deste wî xwîna Kurdan de heye re hevdîtinek kir û ev kes hembêz kir. Li ser vê li her derê Kurdistanê û derveyê Kurdistanê gelê kurd bertêkên mezin nîşanê Serokê PDK’ê Mesûd Berzanî didin.
Me wek Ajansa Nûçe Ciwan di derheqê vê mijarê de nêrîna gele Kurd ên li her çar parçeyên Kurdîstan û derveyê welat pirsî. Bersiv û nirxandinên gel wek beşa duyemin em ji we re par vedikin.
Di vê mijarê de Sebrî Dep Wiha got:
“Di destpêkê de ez hemû gelê me yê Kurd silav dikim. Bi rastî jî di demên dawî de dema kû mirov mêze dike kirinên malbata BerzanÎ ya li hemberî gelê Kurd dilê mirov û mijîye mirov pir dêşîne. Tevahî dinyayê ev sedsal kirîye sedsala Kurdan lê mixabin Malbata Berzani ev sedsal li gorî berjewendîyên xwe yên malbatî kiriye sedsala ixanet û dijminatîya li heberî gelê Kûrd. Îro malbata Barzanî destê xwe kirîye destê dijminê gelê Kûrd û yên kû li Rojavayê Kûrdistanê komkujî pêk anîye bi wan re dirûne, dicive û li ser xwîna gelê Kûrd peymana datîne. Ev dîmenên derdikeve ber çavan bi rasatî jî gelekî me dêşîne. Ez bawer dikim Mela Mistefa Barzanî di gora xwe de hestîyên wî diêşe. Ji ber ku zarokên wî û nevîyên wî xwedî li nirxên Mela Mistefa Barzanî dernakeve. Em dixwazin malbata Berzanî xwedî li nirxên Kûrdatîyê derkevin. Ji ber kû xwe wekî pêşeng û serokê Kûrdan dibînin, divê rol û mîsyona serokatîyê tevbigerin. Divê ev malbat bi dijminên me re tevnegerin û hevpeymana daneynin. Ji ber kû ev dijmin naxwaze em li ser axa xwe tasek av vexwun û naxwaze em li ser axa jîyan bikin. Ew serokê kû bi dijminên Kûrda re dirûnin û fotoxrafa dikşînin di dilê tû Kûrdekî de wekî serok nayên dîtin. Gotineke bav û kalan heye; dijminên bav û kalan nabe dostê lawan. Malbata Berzanî jî li gorî vê tevbigere û rol mîsyana xwe bilîze dikarin serokatîyê bikin.”
Dayika ku bi navê Beyan Ferec ya ku Hevjîna Şehîd Bekir jî got ku:
“Eger îro Nasir Harîrî tê başûrê Kurdistanê û hukumeta vir wî bi germî pêşwazî dikin, em bêjin Nasir Harîrî kiye? Ew Elî Kîmyawiyê ku li Başur bi hezaran komkujî çêkirin, yê ku Mihemedê Serêkanî bi fosfor şewitand bi destê kî bû? Bi destê Nasir Herîrî bu. Yê ku li pişt Herîrî ye kî ye? Pişt wî de dewleta Tirk heye. Jiber ev rêveberiya ku li Rojava heye dewleta Tirk û neyarên Rojavayê Kurdistan û gelê kurd îro çavê wan bi van destkeftiyan ve nabe. Bi veşartî tên bi Herîrî re hevdîtin dikin. Yê wî pêşwazî kirine ne nunerên gel û ne yê başûrê Kurdistanê ne, ev çi dest wan de heye? Mal û mulkê vê welatê xistine xizmeta dewleta Tirk. Dewleta Tirk jî bi şêwazên herî hovane li Başur, Rojava, Bakur û Rojhilatê Kurdistan roleke wî ya sereke heye ji bo teror kirina Kurdan. Lê gelê Kurd îro gihaye ev hêza ku li ser çiyayên serkêş ên Kurdistanê, li şerê Garê dewleta Tirk binket, Siyasetên dewleta Tirk û hevkarên wê situya şikest û ruyê wan reş bu li hember ev serkeftina gerilla. Îro nefesa wan qut buye, ji bo van statuya tine bikin, lê ez ji vir de ji PDK re dibêjim, ji Erdogan re û desthilatdarên Başur, pêwîste ev hatina Herîrî şermezar bikin. Nehêlin car din şaştiyek wiha dubare bibe, bên ser televizyona lêburîna xwe ji malbatên şehîdan bixwazin. Yê ku îxanet li başurê Kurdistanê dike, nabe nunerê wî. Xwediyê Başur ewin ku şehîd dane ji ber zorî zehmetiyan êş dikişînin, yê bi kimyasal wenda bun, ên li çiya brîndar bun, ev nunerê gelê Kurdin û nunerê perlemanin ne ev perlemana hilweşiyayî, pêwîste ev perleman deryê wê were girtin. Êdî PDK çi bêje em nikarin bêjin hêzeke Başur e, yê Erdogan dike ew jî li vir dike, li zîndanên wî binêr, li rewşa başur binêr her milî de başur qirîz jî derbas kirye.”
Dayika Sadiye ya ku dayika Şehîd Helment (Diyar Xerîb) jî wiha got:
“Weke gelê Kurd dostên me kêmin û dijminê me pirin. Hêvî dikim hemî dostên gelê Kurd li çar perçeyên Kurdistanê, yê ku dikarin tiştina bikin, bila haya wan ji dayikên ku kezebê wan şewitye hebin. Weke dilê me şewitye bila ên kesî din neşewite. Taybet zarokên ku hîna zikê dayika xwe de bun bavên wan hatine qetil kirin, Ez hemî vana silav dikim.
Ne tenê gelê Kurd jî, Erebek jî şehîd dibe dayik û bavê wî hene, kesên wî hene. Ev jî weke me êş dikşînin, kesek li Tirkye tê Kuştin dayika wan heye. Ev qas anfal çêbun, li sêwsênan, helebce û qeladize, ewqas însan ne pêşmerge bun û ne jî Gerîlla bun. Ji bo wê banga min li her kesê ye yê dikare tiştek bike bila vê şerê bidin sekinandin.”
