NAVENDA NÛÇEYAN – Endama Koordînasyona KJK’ê Besê Erzîncan li ser Komploya Navneteweyî ya li ser Rêberê Gelê Kurd Abdullah Ocalan ji ANF’ê re axivî.
Erzincan anî ziman ku 15’ê Sibatê ji bo Kurdan rojeke reş e, diyar kir ku Rêberê Gelê Kurd Abdullah Ocalan li dijî dewleteke herî faşîst û zalim a cîhanê li ber xwe dide, pêşengtiyê ji jiyana nû re dike. Erzîncan bal kişand ser êrîşên qirker-dagirker ên dewleta Tirk ya li Garê jî bang li gelê Kurd ku xwedî li berxwedana gerîla derkevin.
Erzîncan bal kişand ser berxwedana Rêberê Gelê Kurd Abdullah Ocalan a 22 salan a piştî Komploya navneteweyî û got: “Rêber Apo 22 salan di nava zindaneke yek kesî de bi kedekî mezin, berxweanê mîna ku bi derziyê bîrê bikole seknekî ya têkoşînê da nîşandan. Di nava bêderfetiyê de derfer, ji bo gel û jinan bi pradîgmayeke nû û ji rewşên awarte re jî pêşengtî kir. Ji bo vê yekê Rêberê xwe Abdullah Ocalan ê ku 22 sal in li zindana Îmraliyê bi berxwedanekî mezin û seknekî azadiyê nîşan dide bi minet, heskirin û rêzdarî silav dikim.”
Erzincan qala sîstema êşkenceyê ya li Îmralî kir û wiha pêde çû: “Rêbertiya me di nava tecrîdeke êşkenceyê ya herî hovane ku li deveyî hiqûq, exlaq û wijdanê ye tê ragirtin. Tecrîd cezayê herî mezine ku ji bo mirovan tê dayîn. Sîstema êşkenceyê ya li Îmralî tê kirin, ne tenê sîstemeke ku ji aliyê Tirkiye ve hatiye danîn. Tecrîdeke bi pêşengtiya DYE’yê pêk hatiye, sîstemeke ya îzalasyonê ye. Ji bo wê yekan e berpirsê ku Rêbertiya me di nava şertên dermirovî de hatina hiştin ne tenê Tirkiye, heman demê DYE, Rûsya û welatên Ewropa yên destekê didin polîtîkayên qirker ên dewleta Tirk a di serî de li ser Rêbertiya me, gel û jinan, berpirs in. Rast e rast ji girtina Rêbertiya me DYE berpirs e.”
Erzincan di dewama nirxandinên xwe de bal kişand ser van xisûsan:
“Rêber Apo nakokiya cins a yek ji nakokiyên herî kevin a mirovahiyê ye, rêbaza çareserkirina pirsgirêka azadiya jinê rizgariya mirovahiyê dike hedef. Ji bo vê ye ku cara yekem di dîroka mirovahiyê de li dijî Rêberê gelan komployek ewqas berfireh û hevkariya gelek deweletan hate kirin.
Rêbertıya me ne tenê li dijî sîstema dewleta Tirk li ber xwe dide, heman demê li dijî hêzên modernîteya kapitalîst a ku 5 hezar sal in serwer in, li ber xwe dide. Em bi rastiyeke wiha yar Rêbertiyekê re rû bi rû ne.
Operasyona Garê dewama komployê ye. Dixwazin gerîla tesfiye bikin, qirkirina gel û jinan, heman demê zêdekirina êşkenceyê ye. Di vê rewşê de PDK bi her awayî alîkarî dide dewleta Tirk. Bicihkirina evqas leşker, hêz û îstixbarat a dewleta Tirk a li Başûrê Kurdisanê yekan e berpirs PDK ye. Gelê Kurd wê vê yekê qet ji bîr neke. Divê gelê me xwedî li berxwdana gerîla derkevin.
Rêber Apo 22 salan di nava zindaneke yek kesî de bi kedekî mezin, berxweanê mîna ku bi derziyê bîrê bikole seknekî ya têkoşînê da nîşandan. Di nava bêderfetiyê de derfer, ji bo gel û jinan bi pradîgmayaeke nû û ji rewşên awarte re jî pêşengtî kir. Ji bo vê yekê Rêberê xwe Abdullah Ocalan ê ku 22 sal in li zindana Îmraliyê bi berxwedanekî mezin û seknekî azadiyê nîşan dide.
Jinên li Şengalê divê ne tenê asayîşê biparêzin, divê rêveberiya xweser esas bigirin û ji bo bê naskirin bibin seferber. Ji bo wê di vê jinên Êzidî pêşengtiyê ji civakê re bikin.
Sedsala 21’ê wê bibe sedsala ku xeta azadiya jinê ya Rêber Apo. Wê jin ji bo valaderxistina Komploya 15’ê Sibatê hê bi ezim û bibiryardarî rola xwe bilîze. 15’ê Sibatê û sala 2021’ê ya li pêşiya me pir krîtîk e. Rêbertiya me ji bo azadiya jin, gelê me, gelên cîhanê û komên baweriyan roleke mezin ê pêşengtiyê kir. Raman û fikrê cîhana mirovahiyê ya di tarîtiyê de ronî kir. Çareseriya Rêber Apo wê mirovahiyê rizgar bike.
Em ê tim şoreşgeriya xwe di her kêliya têkoşînê de ji bo azadiya fîzîkî ya Rêbertiya xwe pêş bixin, şer bikin; eger ku heta nima me Rêbertiya xwe azad nekiriye, wek tevger li gorî tê xwestin me pêşengtî jêrenekiriye dide nîşandan. Di vê mijarê de rexnedayîna xwe didin Rêbertî, gel, jinan û gelên Rojhilata Navîn. Soz didin di dema pêş de kêmaniyên xwe yê heyî bi dawî bikin, şaştiyên xwe rast bikin û bi hêztir pêşengtiyê bikin. Sedsala 21’ê wê teqez bibe sedsala jinê, wê bibe sedsaleke ku xeta azadiya jinê ya Rêbertiya me lê serwerbibe. Wê gerîla, jin, ciwan pêşengtiya vê bikin. Ji niha ve bi hêz û biryardarî 8’ê Adarê pêşwazî dikin. Em ê bi teqez ser bikevin. Azadî wê bi têkoşîn û berxwedanê bi ser bikeve.”
