NAVENDA NÛÇEYAN – Navenda Ragihandin û Çapemeniyê ya HPG’ê têkildarî mijarê ev agahî parve kir:
“28’ê Kanûna 2020’ê artêşa Tirk a dagirker herêma Mam Reşo ya Avaşîn bi dijwarî bombe kiribû. Di encama bomberdûmana balafiran de hevrêyên me yên bi navê Botan, Dîdar, Felat, Nûjiyan, Şoreş û Tekoşîn şehîd bûbûn.
Nasnameya hevrêyên me yên şehîd bûne wiha ne:
 |
Nasnav: Botan Çiya Nav û Paşnav: Hatîm Sayîr Beto Cihê Jidayikbûnê: Tirbespiye Navê Dayikê-Bav: Hesîna – Sayîr Cih û Dîroka Şehîdbûnê: Avaşîn/28’ê Kanûna 2020’an |
 |
Nasnav: Dîdar Ocalan Nav û Paşnav: Rojîn Muhammed Cihê Jidayikbûnê: Haleb Navê Dayikê-Bav: Fatma – Muhammed Cih û Dîroka Şehîdbûnê: Avaşîn/28’ê Kanûna 2020’an |
 |
Nasnav: Felat Amed Nav û Paşnav: Mûstafa Ograş Cihê Jidayikbûnê: Amed Navê Dayikê-Bav: Lamîa – Ramazan Cih û Dîroka Şehîdbûnê: Avaşîn/28’ê Kanûna 2020’an |
 |
Nasnav: Nûjiyan Herekol Nav û Paşnav: Evîn Acar Cihê Jidayikbûnê: Edene Navê Dayikê-Bav: Şemsî – Saît Cih û Dîroka Şehîdbûnê: Avaşîn/28’ê Kanûna 2020’an |
 |
Nasnav: Şoreş Mardîn Nav û Paşnav: Cemal Aktay Cihê Jidayikbûnê: Mêrdîn Navê Dayikê-Bav: Şemsîhan – Hayrettîn Cih û Dîroka Şehîdbûnê: Avaşîn/28’ê Kanûna 2020’an |
 |
Nasnav: Tekoşîn Piling Cûdî Nav û Paşnav: Bêrîvan Araz Cihê Jidayikbûnê: Şirnex Navê Dayikê-Bav: Sabahat – Îdrîs Cih û Dîroka Şehîdbûnê: Avaşîn/28’ê Kanûna 2020’an |
Di vê serdema girîng de ku têkoşîna me ya azadiyê di nav zor û zehmetiyan de dimeşe lê dîsa jî ew çend nêzî serfiraziyê ye, gelê me û zarên wan ên leheng dastanan dinivisînin. Hem li dijî çeteyên ku dijminê mirovahiyê ne û hem jî li dijî faşîzma AKP-MHP’ê ku hem sponsorê wan in û aqilmendê wan in berxwedaniyeke mezin tê dayin. Hişmendiya nîjatperest, qirker û faşîst ku di genên mêtingeriya Tirk de hatine kolan ti caran hebûna gelê Kurd qebûl nekiriye. Nokerên Kurd jî ku li rex dewleta faşîst dimînin, xwe di ber fedaîtiya dagirkeran dikin, piştî ku karê wan bi wan diqede komkujiya wan dikin û mafê jiyanê nadin wan, ev weke rastiyekê li ber me ye. Dîroka bedbîna a gelê Kurd bi van mînakan tije ye. Gotina, ”Kurdê herî çê yê mirî ye” ya dewleta Tirk a dagirker, hem dûsgtûra ku dijminatiya qirker esas digire û hem jî wesîqeya şermê ye ya li dijminatiya dîrokî ya gelê Kurd. Ji ber vê ti Kurdek divê bi gotinên qelp ên dijmin nexape û ji bo ji derfetên dewleta Tirk sûd werbigire li dijî gelê xwe nekeve rewşeke bêqidoş. Li gel van hemû rastiyan jî rawesta li nokertiyê, bi xayintiya li gelê xwe qebûlkirina rewşa bêrûmetiyê wê were maneya ku dawiya xwe bîne.
Li welatê me Kurdistanê xayintî û dagirkeriya ku xwe dispêrê nokertiyê xwe bi zorê ferz dike, têkoşîna me ya azadiyê ku li dijî vê dertê, li ber xwe dide û her roj dagirkeriyê têk dibe, gav bi gav ber bi serfiraziyê ve diçe. Bêguman têkoşîna me ya birûmet, bi berdêlên mezin ên gelê me û bi hewldana bêdawî ya şehîdên me yên leheng û bi xwîna wan hilm bi hilm tê rêvebirin. Şehîdên me ku pêşengiyê li berxwedana me ya dîrokî û meşa serfiraziyê dikin, ji bo şêwaza fedayî ya Apoyî, milîtaniya PKK’ê û welatparêziya heqîqî pêk were perspektîfa têkoşînê didin me, fermana peywira serdemê didin. Partiya şehîdan PKK, di fermandariya artêşa şehîdên nemir de wê azweriya azadiyê pêk bîne û serfiraziyê teqez bike.
Hevrêyên me Botan, Dîdar, Felat, Nûjiyan, Şoreş û Têkoşîn bi kedeke mezin di berxwedana gerîla de bi peywirên girîng rabûne, li her devera ku hatî xwestin bi tempoya bilind û şêwaza lêdanê ya teqez ku bi wêrekiyeke mezin li her deverê li dijî dagirkeran nîşan dane temsîla giyanê serfiraziyê yê serdemê kirine. Şehîdên me yên leheng ji Şemzînanê heta bi Geverê di gelek çalakiyên karîger de bi çalakî cih girtine û derbên giran li dijmin dane. Fedakariya ku wan li eyaleta Avaşînê nîşan dane, hevrêtî, keda mezin û wêrekiya ku dema bi ser dijmin de diçin nîşan dane, bi biryardariya tolhildana şehîdan, ew kirine milîtanên mînak ên Apoyî. Hevrêyên me ku bi vîneke qeyîm û bîreweriyekexurt hemû peywir û berpirsyariyên xwe bi cih anîn, helwesta fedayî ya Apoyî heta hilma xwe ya dawî jî bi lehengî temsîl kirine. Li dijî her cure êrîşên dijmirovî yê dewlta Tirk a dagirker û qirker şerê rûmetê geş kirine û wiha bersiv dane. Hevrêyên me Botan, Dîdar, Felat, Nûjiyan, Şoreş û Têkoşîn di nav têkoşîna gerîla de misyona xwe ya dîrokî û civakî bi layiqî pêk anîne, bûne kana rûmetê ya gelê Kurd. Gelê Kurd wê van dastanên lehengan ku zarên wan ên dilêr bi netirsî nivîsandine tim bi şerefê bi bîr bîne û bi dilsoziya bêdawî berz bike.
Helwesta hevrêyên me yên şehîn, jiyana wan û têkoşîna wan wê tim me rûmetdar bike, hêrsa me ya tolhildanê geş bike, biryardariya me qeyîm bik, şerê me geş bike û di meşa serfiraziyê de azweriya me gur bike. Li dijî dijminê qirker ku ji mirovahiyê ti para xwe negirtiye, li her qadê bi geşkirina têkoşînê em ê bêrîkirina wan a mezin a hevrêyên me yên şehîd û gelê me, bi Rêbertiya Azad re li Kurdistana azad bi pêkanîna hêviya afirandina serfiraziyê jiyana demokratîk û azad bi teqezî ava bikin. Bi vê bawerî û biryardariyê têkoşîna me wê geş bibe, şerê me yê sala 2021’an wê bêhtir encamgir be.
Li ser vê bingehê di serî de malbatên hêja yên hevrêyên me yên eşhîd, em sersaxiyê didine hemû gelê Kurdistanê yê welatpêz û soza ku me dayî şehîdan dubare dikin.”
