BEHDÎNAN – Koordinasyona Komalên Jinên Ciwan di derbarê 27’emîn salverga şehadeta Hevrê Bêrîtan de daxuyaniyek nivîskî weşand.
Daxuyaniya Koordinasyona Komalên Jinên Ciwan wiha ye:
Ji bo hemû Gelê me ê Kurdistanê û Jinên Ciwan ên Welatparêz;
“Em di 27’emîn salverga şehadeta fermandara me a mezin hevrê Bêrîtan ku li dijî xeta îxanetê û hevkariyê rihê berxwedanê yê Jina Kurd derxistiye holê û buye sembol, bi rêzdarî û hurmet bibîr tînin.
Heval Bêrtîn wek şopdara Besêyan ku li Dersîmê teslîmyetê qebûl nekiriye û xwe ji Kendalê avêtiye, di nava Têkoşîna Aazadiya Kurdistanê de rê nedaye îxanetê û helwesta dijî hevkariyê nîşan me daye.
Îro jî li Heftanînê hevrêyên Bêrîtanan li dijî îxanetkarên ku li kêleka dagirkeran dimeşin berxwedanek mîna destanê raber dikin. Hevalê Rûstem mîna şopdarekî Bêrîtan got teslîmyet îxanet e, û xwe ji Kendalê avêt, bi vê seknê tevlî kerwanên şehîdên nemir bû. Dîsa Nûcan, Esmer, Zelal ku bi berxwedanê navê xwe di dîrokê de nivîsandine, rihê berxwedanê yê jina Kurd cardin nîşan daye.
Dijminê faşîst ku li ser kîna hebûna gelê Kurd û bi ferasetê qirkirinê xwe daye xuliqandin, di asta ku dibêje hebûna Kurdan tunebûna min e, li dijî nirxê me, hebûna me, çanda me, û rumeta me bi rêbazên herî qefçil êrîşên xwe pêk tine. Yê herî zêde dûçarî wan êrîş û polîtîkayan dimînin jinên ciwan in. Çawa rihê civakê yê berxwedêr, çanda wê, nirxên wê yê exlaqî bi jinê tê avakirin, kolekirina wê jî tê wateya şikandina îradeya civakê, û nemana nirxên exlaqî. Em di demek wiha de ne ku jiyana exlaqî-polîtîk a gelan bi hîşê dijminê yê faşîzane herî zêde zilmê dibe, destdirêjiyên li ser zarokan çêdibin û xwesteka tunekirina nirxên exlaqî di asta jor de tê jiyîn. Gavên ji bo avakirina civakek ku qetlîamên jinan û destdirêj herî zêde tê de hebe, tu mafê demokratîk û mîrovî ku tê de nebe tên avêtin.
Ciwan û taybet jinên ciwan ên ku li hemberî êrîşên dijî nirxên exlaqî bêdeng dimînin wê beramberî mirin û tunebûne neçar bimine. Yek Gel ji bo hebûna xwe biafirine, îradeya xwe a cewherî, nirxên xwe ê exlaqî, û çanda xwe ji bo biparêz, bi ciwanên birêxistinkirî ê di nava wê civakê de ku xwe berpirsyar dibine pêkane. Dixwazin Jinên Ciwan bê bertek û pasîf bihêlin, da ku bixe amûrekî şerê taybet ê dijmin. Li dijî vê em wek Komalên Jinên Ciwan di çarçoveya pêngava “Em Dibêjin NA” 25’ê Cotmehê ku Bêrîtan li dijî xeta îxanetkariyê gotiye NA û li kendalê buye dengvedana azadiyê, di heman demê 27’ê Mijdarê salverga partiya me bi vejîn û berxwedanê ev meh watedar buye, li ser vî esasî em bi rihê seferbertiyê vê mehê wek meha tevlîbûna nava Têkoşîna Azadiya a Kurdan îlan dikin. PKK partiyek jina ye, bersiva herî mezin ji bo xeyalên jiyana azad a jinê ye. Di salverga damezrandina partiya me de pêwiste hemû jinên ciwan ê welatparêz û şoreşger berê xwe bidin çiyayên azad.
KJK ku pêngava ‘Li dijî qirkirina li ser jinan, dema parastina jin û civakê ye’ dabû destpê kirin. Em jî wek tevgera jinên ciwan di çarçoveya kampanyaya xwe de bi armanca hilweşandina zihniyeta mêr ya serdest, û ji bo xwe gihandina jiyana azad em ê vê mehê bikin meha ku jinên ciwan berê xwe didin çiya.
Ciwantiya me a dînamîkê û sekna radîkal dide me, herwiha cewherê jin yê civakbuyînê û fedakartiyê ku di kesayeta jinên ciwan digihêjîn hev, pêwiste ji vê zihniyeta faşîst ku dixwaze me ji civakê biheşifîne, pasîf û bê îrade bike bêje NA. Ji bilî jiyanek nava destdirêj, dest avêtin û qetlîama jinan de, tu cihê din ku mafê jiyanê dide jinan nema ye. Pergala faşîst a mêrê serdest ji bilî tunebuyînê û mirînê tu tiştê din nade jinan. Hemû alternatîfên jiyanê ku ji destê jinên ciwan hatiye girtin, bi xistina nava fuhûş an jî sîxuriyê, pariyên mayî yê azadiyê dixwazin tune bikin. Li dijî van xweferzkirinê jiyana bêexlaq û îxanetî, bersiva herî rast bi tevlîbûna nava refên azadiyê, dayîna têkoşînek bi rumet e.
Dewleta faşîst ku jinên ciwan ji çanda wan dur dixe, wan ji rastiya gelê wan qut dike, bi ceribandina hezar û yek rê hestên wan ê bilind qirêj dikin, bi navê eşk û hezkirinê jiyana jinên ciwan didîzin, bi tecawiz û şantajê dixwazin civakek ku îradeya wê şikestiye ava bikin. Li dijî ev bênasnamekirin û ji cewherê wê derxistinê, jinên ciwan dikarin encax li çiyayên azad şûnwarekî pîroz bibînin.
Di qonaxa heyî de, li dijî zihniyeta faşîst bi riyên demokratîk têkoşînkirin nepêkane, ji ber derfetên wê nema ne. Di nava sîstemek ku li hemberî xwesteka jiyana azad ketiye panîkê û bi wehşetî êrîş dike, bi binçavkirin û zêdekirina zextan ku heta fikrandin tê de qedexe ye, têkoşîna avakirina jiyanek azad û demokratîk nikare were meşandin. Rewşa heyî vê nîşan dide ku, ger jinên ciwan bixwazin hemberî vê sîstemê têkoşîn bikin, pêwiste ji vê sîstemê derkevin. Pergala faşîst ku dixwaze zincîra koletiyê li mejiyê û dilê me bixe, bersiva herî mezin ew ku em hîşmendî û îradeya azad biafrînin. Jinên Ciwan pêwiste ji faşîzmê re, bê îradebuyînê re, ji tune hesibandinê re bêje NA û berê xwe bide çiyayên azad.
Çawa Şehîd Bêrîtan li dijî xeta îxanetê got NA û dîrokê berxwedanê nivîsand, pêwiste hemû jinên ciwan ê welatparêz jî bi vê kevneşopiya berxwedanê ji jiyanek bêexlaq û bêîrade re bêje NA, û têkoşîna bi rumet hilbijêre. Azadî bi sekinandinê nayê, êdî dema avêtina gavên pîroz hatiye. Eger li dijî hebûna me, çanda me û nasnameya me êrîşên topyekun hebe, pêwiste bersiva vê jî bi rihê seferbertiya topyekun û bi berxwedanê bêdayin.
Li ser vî esasî em dîsa hevrêyên xwe ku di dîrokê, di nava têkoşîna azadiyê a bêeman de bûne efsane, bi lehengiyê destanan nivîsandine, û li dijî dehaqên di wextên me de bi rihê Apoyî ê fedayî ji bo rizgariya gelan û mirovahiyê gihiştiye şehadetê bi rêzdarî û hurmetî bibîr tinîn. Û em soza xwe a mîrateya şehîdan bi serkeftinê tacîdarkirinê nû dikin”.
