BEHDÎNAN – Navenda Ragihandin û Çapemeniyê ya HPG’ê der barê çalakiya 14’ê Tîrmehê ya li navçeya Qilabanê ya Şirnexê daxuyaniyek weşand.
Di daxuyaniyê de ev agahî hatin parvekirin:
“Hêzên me li qada navbera gundên Osyan û Aqirê yên navçeya Qilabanê ya Şirnexê, tîmên taybet ên artêşa TC a dagirker ku demek bû li herêmê tevdigeriya, xistin bin kontrola xwe. Yekîneyên dijmin 14’ê Tîrmehê saet di 23:00 de li Girê Şehîd Kahraman bûn hedefa hêzên me. Ji cihekî nêz ve li çeper û stargehên dijmin hate xistin û di encamê de 2 çeper û konek hatin îmhakirin, bi qasî ku hate tespîtkirin 5 tîmên taybet hatin cezakirin. Hêzên me her wiha li stasyona bazê ya li ser heman girî xistin û di encamê de stasyona bazê îmha kirin. Ev çalakî ji bo bîranîna hevrêyên me yên li Pêngava Şoreşgerî ya Cenga Heftanînê li dijî dijmin bi lehengî şer kirin û şehîd bûn hate lidarxistin.”
BALAFIRÊN ŞER ÊN TIRK BOMBE LI ZAPÊ Û XAKURKÊ BARANDIN
HPG’ê têkildarî êrişên hewayî jî ev agahî dan:
“16’ê Tîrmehê saet di 14:30’î de balafirên şer ên artêşa TC a dagirker bombe li qada Şikefta Birîndaran a herêma Zapê û zozanê Rotê yê qada Goşine ya herêma Xakurkê yên Herêmên Parastinê yên Medyayê barandin.
Ji ber bombardûmanê tiştek bi hêzên me nehatiye.”
