NAVENDA NÛÇEYAN
Di şexsê pêşenga Jinên Şoreşger û Berxwedêr de Şehîd Zîlan tevahî jinên berxwedêr ên ku cihê xwe di dîroka zêrîn de girtin e bi bîr tînin. Mirov li gerdûna îro meyize bike, gerdûneke bi berxwedanî û fedekartiya Jinên berxwedêr hatiye afirandin. Ew gerdûna ku îro jî em tê de jiyan dikin, dîrokeke bi tîpên zêrîn hatiye nivîsandin li pey wê heye, ew dîroka bi tîpên zêrîn jî ji wê fedekartiya Jin hatiye nivîsandin. Di meha Hizêranê de jî yek ji jinên ku bûye Sembola berxwedanê ya Jinên Kurd û bi tîpên zêrîn cihê xwe di nava dîrokê de girtiye ew jî Zîlan e. Zîlana ku îro bi hezaran Jinên Kurd û jinên tevahî Cîhanê bi navê wê bang dikin, û bi rihê wê yê berxwedêr li hember Zihniyeta baviksalarî û desthilatdariya dewletê disekinin. Zîlana ku li hember zihniyeta dewleta desthilatdar sekinî, îro rihê yê berxwedêr li tevahî gerdûnê belavbûye. Bi wî rihê berxwedêr yê Zîlanan tevahî Jinên bindest berê xwe didin riya Azadiyê û Heqîqetê, da ku bibin şopdarên Sembolên Berxwedanê Zîlan û Semayan.
Wêrektiya ku bi Zîlan re derdikeve holê û birêxistin dibe xwedayi ye. Ger ruhê demê jî hebe, bê guman heye, bi mîsoger Zîlan ruhê Hezîranê ye. Ev li ser navê azadiyê, li ser navê wekhêviyê ruhê fedaî ye. Li ser navê lêgerîna jiyana bi wate ruhê çalakiya herî mezin e. Li ser navê hezkirina mirovahiyê û hezkirina jinê rûhê eşqa bi azwerî ye. Ruhê doktrîna azadiyê, felsefeya rizgariyê, girêdanbûna bi Rêber APO re ye. Ev ruh, ruhê mîlîtaniya tevgera azadiya jin a ji Bêrîtan, Bêrîvan, Zekiye, Viyan, Nûcanan herikiye ye.
Jinên ku bi Fedekartiya xwe navê xwe bi tîpên zêrîn di dîrokê de nivîsandin!
Zîlan xwedawenda jiyana azad e, di roja me ya îro de bi hezaran Jinên bindest berê xwe didin wê riya ku ronahiya xwedawenda jiyana azad Zîlan didiyê, da ku ew jî bibin şopdarên wê riya azadiyê ya ku Zîlan ji boyi wê canê xwe fedayi gelê bindest û Rêberê mirovahiyê Abdullah Ocalan kir. Yek ji wan jinên ku bû şopdara xeta Zîlanan Şehîd Sema Koçer bû, da ku ew jî xwe bighîne xeta xwedawenda jiyana azad Zîlan çalakiyeke fedayi pêk anî. Di roja îro de jî Şehîd Sema Koçer bi dilsozî û baweriya xwe Serdemeke nû da pêşiya me, da ku em bêdeng nemînin, hestên tolgirtinê di xwe de geştirbikin.
Çawa ku Rêberê mirovahî Abdullah Ocalan dibêje “ Zîlan Fermandara meye, em jî Leşkerên wê ne”. Di serdema îro de jî divê em bi ruhê xwedawendên jiyana azad Zîlan û Semayan bibin xwedî helwest û li hember wê Zihniyeta baviksalarî tekoşîna xwe xurtir bikin. Da ku em bighêjin wê riya ku Zîlan û Semayan bi tekoşîna xwe ronahîkirin e û bi tekoşîna wan bighêjin xeta Serkeftinê.
Zeryan Denîz Amed
