ŞENGAL – Li bajarokê Sinûnê yê ser bi Şengalê li dijî dagirkeriya dewleta Tirk, dorpêça li ser Mexmûrê û kiryarên PDK’ê yên li dijî civaka Êzidî meşek hate lidarxistin.
Li bajarokê Sinûnê yê serbi Şengalê Tevgera Azadiya Jinên Êzidî (TAJÊ) Yeketiya Ciwanên Êzidî (YCÊ) li dijî dagirkeriya dewleta Tirk ali ser Başûrê Kurdistan, dorpêça PDK’ê ya li ser wargeha penaberan a Şehîd Rûstem Cûdî ya Mexmûrê û kiryarên PDK’ê yên li dijî civaka Êzidî meşek hate lidarxistin. Meş ji ber avahiya Meclîsa Gel a Sinunê despêkir heya ser rêya sereke ya bajarokê Sinunê berdewam kir. Di meşê de posterên Rêberê PKK’ê Abdullah Ocalan hatin rakirin û dirûşmên “Bimre xiyanet, Mexmûr Şengal yekin” gotin.
Piştî girse giha ser rêya sereke ya bajarokê Sinunê daxuyaniyek ji çapemeniyê re hate dayîn. Daxuyanî ji aliyê Endama Rêveberiya YCÊ Avesta Êzidxan ve hate xwendin.
Daxuyaniyê de hate gotin, “Berxedaniya ku di pêşengtiya jin û ciwanan de hatiye destpêkirin pêl bi pêl li her qada ku dijmin dagirkeriya xwe nîşan dide re bersivekê xurt dide nîşan dayîn. Vê dide nîşan dan heya ku jin ji bo guhertin û veguhertinê li ser piya bin û ciwan li hemberî vê dagirkeriyê serî hildın tu carî ev faşîzma heyî ser nakeve û dawiya faşîzma AKP/MHP û PDK’ê wê were.”
Dirêjiya daxuyaniyê wihaye; “Di serî de em jî wek Tevgera Azadiya Jinên Ezîdxan û Yekitiya Ciwanên Ezidî di vê berxwedaniya ku bi pêşengtiya dayîkên laçik spî ên ku li Mexmûr, Amed, Wan û Merdînê pêşengtiye dikin silav dikin û piştgiriya me heya dawî ji ve berxwedane re heya ku ev berxwedanî berxedaniyekê pîroze û ev berxwedanî wê serkeftinê mîsoger bike.
Ji dîroka zalîma heya roja me yî îro her di du xet derketina hole ku ev xet yek a berxwedane ye û yek jî ya îxanetê ya xwe firotinê ye. Bi taybet em wek jin û ciwanên Êzidî tu carî xeta îxanetê me ji xwa re qebul nekiriye, û bi saya fikir û felsefeya Rêber Apo re ser piya sekinîne û îro jinên Êzidî xwedî bawerî , hêz û rumetin. Her çiqas bi tehdît , faşîzm û dagirkeriyê xwestibin me xilas bikin jî lê ya ku em rizgar kirin ev fikre. Dîjminê hov jî vê dibîne ku tunekirina me encax bi tunekirina fikrê Serok APO ye. Ji ber vê yekê tecrît her roj mezintir dibê, û dixwazin me bê Serok Apo bihelîn. Roja me ya îro de jî ev polîtîka bi desteserkirina şaredariyên Bakur û waliyên qirkirinê bi navê din qeyyûman dîsa ketiye meriyetê. Faşîzm di hemû kêliyan de dixwaze gelê me bê nefes bihêle. Wisa dide hîskirin û nîşandan ku gel çi jî bike nikare li hember faşîzmê bisekine, siya faşîzmê her tim li ser gel e û berxwedanî tiştekî nikare bigûherîne.Rejîma faşîst ew e ku hêvî û baweriya gel a berxwedanê tune bike. Teslîmiyetek bi dilsozî di nava gel de pêş bixîne û her kesek binkeftinê qebûl bike. Faşîzma AKP û MHPê jî bi vê armancî êrîşê gelê me dike. Bi qeyyûman ev gîhîşt merhaleyekê din. Di vir de yê girîng ne desteserkirina şaredariyan e. Armanca veşartî û stratejik ew e ku di dil u mêjiyê gel de nefsiyeta bindestiyê bide avakirin u fêrî teslîmiyetê bike û em bi vî dijmine qirker rê dinav cengek mezin da ne. Ev şer tenê di aliye leşkerî vê naye jiyankirin. Erîşekê topyekûn heye, di milê leşkerî ,çandî , aborî û nefsî de li ser esasê tûnekirinê ye. Lê belê em li gel wî gelê berxwedêren ku li kuderê bê bila bê faşîzma ku desthilatdariya ku li ser fikrê azad tê em li hemberî xwe wek tehdît dibînin û emê heya dawî jî têkoşîna vê bidin meşandin.
Îro li ser xaka Şengalê jî ev dagirkerî berdewam dike , wek ku li Başurê Kurdistanê qanala ma a Êzidiyatî tê qedexekirin û naxwazin pêşketîn, reng û dengê Êzidiyatî belav bibe ev hêz derbikeve holê. Ji ber vê yekê ev zanabun ev tê kirin . Zanebûn mektebî Laleş a Başur ku ji bo zaroka fêrî ol û baweriya bike hate girtin .Sedema van giştî dixwazin hebûna me tune bikin û hebuna xwe ava bikin .Ev jî bi destê PDK-Barzanî tê kirin , îxaneta ku 3’yê Tebaxê PDK’ê kir, îro jî vê îxanetê berdewam dike. Li Bakur qayum danîna ser şaredariyên Kurdan, dorpêça li ser Mexmûr, gefên li ser Rojava û dagirkirina Başur hemû bi hevre giredayîne . Yek ji yekê qut nîne. Xilaskirina van erîşan jî bi hilweşandina diwarê Îmraliye, azadiya Rêber Apo re wê pêk were. Ê ku pêşengtiya vê bike jî jin û ciwanin. Em jî wek tevgera jin û ciwanên Êzidî vê îxaneta heyî tu carî ji xwere qebul nakin , na qayume ser şarederiyên xwe, ne dorpêça ser Maxmûrê, erîşên ser Başur, nejî gefên ser Rojava û Şengalê qebul dikin û em ê bi rihê tolhilgirtinê dinyayê ji dijmin rê teng bikin.
Bangawaziya me jî di serî de ji bo hemu jin û ciwanên Êzidî re ewe ku , vê dagirkeriya qebul nekin û ji bo azadiya Rêber Apo , Ji bo xweseriya Şengalê, ji bo jiyanek azad û rumet dem dema guhertin û veguhertinê ye.Dem dema tifaqa gelên azadîxwaz e. Encax em vê tifaqê pêk bînin , encax em li hemberî vê dagirkeriye ser piya bin , serî hildin em ê dawîde bi gihijîn serkeftinê. Ev jî bi berxwedanê bi têkoşînê wê pêk were.”
Piştî daxuyani hate xwendin girse dirûşmên “Bimre îxaneta PDK’ê, bimre faşîzma AKP/MHP’ê, li hemberî tecrîda li ser Rêber Apo serî hilde, ji guhertin û veguhertinê re jin rabin ser piyan” gotin û meş bi dawî bû.
