NAVENDA NÛÇEYAN – Ji bo dagirkerî û desthilatdarî emrê xwe dirêj bike pêwîste hertim di nava lêgerîna çavkaniyên kedxwariyê de ye. Îttîhat Terraqî di roja me îro de bi nav û awayên cuda derdikeve pêşberî me; desthilatdarî bi nixumandînê tevgerên dagirkeriyê û armancê wê xistiye pêk bine, lê her carê tasfiye buye. Her carê ku tasfiye buye ketiye nava lêgerîna ditîna rehê jiyanê.
Taybet bi çêbûn û pêşketina PKK’ê Îttîhat Terraqî tengav bû û berbi tunebûnê ve çû. Wek rûyê Îttîhat Terraqî faşîzma Akp/Mhp û Ergenekon derket pêş û dixwaztin vê pêvajoyê lêztir pêşbixe.
Hemû dewletên li cihanê bi yek hişmendiyê tê rêvebirin. Ev hişmendî ji bo armanca stratejîk û hebûna teqez bicih bine serî li her rê û rêbazê dide û hewl dide heta dawî xwe bi maf û rewa bide nîşandan. Ev nebe nikara jiyan bike. Lê ev hişmendî wek têgîn ji ew wateya ku li tevahî cihanê wek hişmendî tê zanin cudatir e. Bi giştî ev wate tê qebul kirin, di hişmendiyê de şaştiyek hatiye kirin û ji vê tercûbe hatiye derxistin, ji bo neyê dûbare kirin ev tecrûbe ji kesên din tê dewr kirin. Lê bes di Akp-Mhp’ê de behsa vê hişmendiyê kirin zehmete. Ger me behsa vî hişmendiyê bikara ew dem wê ji kêmasiyên û şaştiyên xwe ders derxista û ev e bi xwezayî pêşketa. Dema rewş ev be, pirsa ev hişmendiya dewletê kiye tê hîşê mirov. Ji ber niha ne mijara me ye em pir nakevin nav, lê bes pêwîste li ser vê mijarê bê sekinandin. Desthilatdarî û diktatoriya Akp-Mhp’ê bi serxweşiya dagirkeriyê hewl dide rizgariya xwe ji tasfiyebûnê bi operasyonên xwe ê dagirkeriyê pêk bine, lê em baş dizanin ku ev hewldanên dawî ne. Di vê çarçoveyê de bi her gavê xwe her ku diçe bin dikeve, êdî di vê pêvajoya ku ketinê rizgariya wan ne gengaze, wek mamoste Nasreddîn wan jî tevgerekê xistiye meryetê.
Malbatên ku zarokên wan jiyanek di bin desthilatdariyê qebûl nakin, ji bo azadiya xwe têkoşîn dikin, bi şantaj, gef û dayîna pereyan dibin ber dêriyê avahiya HDP’ê, yê ev dike ‘Navenda Şerê Taybet’ bixwe ye. Bi vê yekê ew çîroka ku mamoste Nasreddîn vala vala hewldida bi cihana hişmendiya xwe jiyana xwe bide pênaskirin a bi navê ‘Göle Maya Çalmak (Ji golê re Maya lêbide)’ tine hîşê mirov. Çawa ku di nav xefletê maya davê golê û li bendê ye ku mast jê derkeve, û xwe dixapîne, Navenda Şerê Taybet a Akp-Mhp jî bi şandina ew kesan hêvî dike ku faşîzma wan li hemberî Gerîla û tevlîbûnên nava Gerîla biserkeve. Lê ev mijar fîgurên xeyalî jî derbas kiriye û wê tucarî encam negre. Dîrok jî vê pişterast kiriye.
Bersiva pirsa “Ev rewş ji ku derket” ne pir dûr e an jî ne bi awayî ye ku nayê ditîn. Ev jî bê guman xwe ji şerê bêexlaq ku li dijî Gerîla dide meşandin û her roj derbe li ser derbê dixwe, xwe wek hawara artêşa tirk a dagirker derdixe pêş. Bi mîlyonan dolar û kompereyan teknolojiya herî dawî a çekan û çekên giran, xwedî teknolojiya her pêşketî ya serdemê şerê dide meşandin û dîsa jî her roj wendahiyên mezin didin ji bo dagirkeran ne rewşek hesane. Her wiha artêşa ku bi hêviyên mezin hatiye amadekirin ku li hemberî Gerîla çong lê hatiye şikandin, wê bi çi awaye din bide veşartin? Ji bo binketina xwe veşêre rêbaz ku xistiye meryetê ew ku hişmendiya mirov şilû bike. Bi gotinên belkî biserkeve, bi operasyonên leşkerî felaketa xwe ji niha ve amade kiriye.
Ji ber heqîqat tiştekî wusa ye ku tu çi bike jî wê teqez raste û wê xwe nîşanî herkesî bide. Têkoşîna Azadiyê ku bi pêşengtiya PKK’ê tê meşandin jî; bi duristî, ji bo azadiyê têkoşîn kirina wê, bêyî ku li benda berjewendiyek ji bo xwe bimînin xwe ji bo mirovahiyê feda dike bi pêşengtiya kadroyan pêşketiye. Ji ber vê heqîqetê jî tu propagandayên rêşkirinê, û şerê taybet bandora xwe li ser nake û her roj bêtir mezin dibe.
Hişmendiya mezin a Gerîla, bi ked û fedakariyê bi awayekî profesyonel têkoşîna şoreşgerî dide meşandin û dagirker li hemberî vê nikare xwe bigre û rastiyê veşêre. Hewldanên dagirker ê veşartina rastiyê hewldanên vala ne, em ê vê di demek kurt de dîsa bibînin. Bila be, dibe ku hindek kes bêje tu çavkaniya xwe ji ku digre ku tu vî tiştî wusa dibêje. Bersiva wê jî di “av jî nikare pratîka şer a Gerîla bibe” de ye. Ji bo ditîna vê jî pêwîste destpêkê em rehbera şerê taybet a Akp-Mhp û Ergenekonê, yanî medyaya wê wek televîzyon ji lîsteya xwe xera bikin ji bo ku mejiyê xwe ji vîrusê rizgar bikin. Dema bombebarana şerê taybet ji ser we biçe ew dem heqîqet bi hemû pakîjiya xwe wê dekeve pêşberî we.
Harun Xweza
