NAVENDA NÛÇEYAN
Em beşa duyemîn a nivîsa xwe bi sernivîsa “Provakasyonên li Amedê û Rastiya wan” bi we re parve dikin. Di vê beşê de em lîstok û polîtîkayên qirêj ên dewleta tirk a dagirker li ser malbatên me ên welatparêz û malbatên gerîla bigrin dest. Nirxandinên di vê beşê de çavkaniyên xwe ji malbatên ku em bi wan re ketine nava têkilî, ji bernama ‘Kurmên Darê’ ya di Stêrk TV ku bi 6 beşan hatine weşandin û ji lîstokên MÎT’ê ku ev cend rojên dawî li Amedê bi alîkariya medyaya yekalî pêşdixe digre. Beriya em dest bi mijara xwe bikin em bûyerên rojên dawî bi kurtasî bigrin dest.
Wek tê zanîn di 19’ê Tebaxê dewleta tirk a dagirker qeyûm avêtin ser Şaredariyên Gel ê Amed, Wan û Mêrdînê. Bi hilbijartinên xwecihî ên di 31’ê Adarê de û piştî wê bi dûbare kirina hilbijartinê li Stenbolê prestîja serçete Erdogan bi erdê re bu yek. Gelê Kurd ku li Bakurê Kurdistanê qeyûman têkbir, li Tirkiyeyê jî bi Akp’ê da wendakirin. Dewleta tirk a dagirker ku nikaribû vê yekê rake, dîsa li Bakurê Kurdistan li ser sê Şaredariyên di destên HDP’ê de bi hencetên bêkok qeyûman avêtin şûna Hevserokan.
Qeyûmên dagirker ji roja destpêkê ku hatin ser Şaredariyan di pêşengtiya Amed, Wan û Mêrdînê Berxwedanên Gel pêşketin û hin jî didomin. Roj bi roj ku ev berxwedan bajar bi bajar bi girseyên mezin pêşdiketin çavê îttîfaka Akp-Mhp û Ergenekonê tirsand, ji bo wê jî bi hezar lîstokên qirêj malbatan xistin bin desthilatdariya xwe û wan şandin ber avahiya HDP’ê a li Amedê. Bi Medyaya xwe 24 saetan ew malbatana mezin dike, derdixe pêş û bi hezaran derewan pêş dixin. Medyaya Şerê taybet hema bêje li ber avahiya HDP’ê ji xwe re kamp daye avakirin û ji wir naçe…
Dewleta tirk a dagirker bi teknîka NATO hebûn û tunebûna xwe xistiye şerê li dijî hêzên Gerîla, ku her roj jê derbên giran dixwe. Bi wan lîstokan dixwaze çalakiyên derewîn pêşbixe û bi vî awayî vî şer’î ji rojevê derxe. Dagirker êdî ketiye rewşek wusa neçar ku li ber malbatên zarokê wan tevlî Refên Azadiyê bûn digere ji bo wan bikar bine. Îttîfaka qirêj a Akp-Mhp û Ergenekon ji 24’ê Tîrmeha 2015’an ve li dijî Gelê Kurd êrîşên dijwar destpê kiriye û li Bakurê Kurdistan taybet li ser malbatên welatparêz zextên mezin dide meşandin. Di bernama Kurmên Darê îtirafkara ev zextan wusa anîn ser ziman; Bi destdirêjî û gefan sîxurtiyê ser malbatan û kesên welatparêz ferz dike. Ev zextana carna bi maddiyat, car carna jî bi manewiyatê tê pêk anîn. Ji bo wan zextana hin malbatên welatparêz eşkere kiribûn ku endamên MÎT’ê bi zorê dihatin mala wan û sîxurtiyê ser wan ferz dikir. Eger em wan agahiyên ku malbatan eşkere kirine berçav derbas bikin, em ê fêm bikin çawa ev malbatên li ber avahiya HDP a Amed hatine gelhev.
Serçete Erdogan helwest û berxwedanên li dijî qeyûmên dagirker ewqas mezin hêvî nedikir. Dewleta tirk a dagirker dixwaze bi wan lîstokên qirêj beriya berxwedanên Gelê Kurd li dijî qeyûmên dagirker bigre û HDP krîmînalîze bike. Dixwazin kesên ji derdorê cuda li dijî HDP’ê germ bike û piştgiriya wan ji bo faşîzma Akp-Mhp qezenc bike. Îttîfaka sê faşîzman a Akp-Mhp û Ergenekonê her roj bêtir derdixe holê ku wan çawa ev provakasyonan amade kirine. Dewleta tirk a dagirker destpêkê bi nûçeyê nava rojê dixwaztin hişmendiyê ava bikin, niha jî hemû medyaya xwe a yekalî xistiye xizmeta van provakasyonan û her nîv saetê carekê nûçe derdixe rojevê. Bi riya dijminên Kurdan û saziyên xwe di torên sanal de hewl didin rojevê ava bikin û vekirî vekirî zemîna girtina HDP’ê dixwaze bide rûniştandin. Serçete Erdogan di her fersendê li ber kamera bang dike ku hemû kes piştgirî bidin ew malbatên li ber avahiya HDP’ê. Bi gotinên wek “Dem hatiye ji bo em piştgirî bidin dayikan” bêrûtiya xwe dîsa derxistiye holê. Serçete Erdogan bi hezaran polîsên xwe ên faşîst bir ser Dayikên Kurd ên ku li dijî qeyûmên dagirker li qadan çalakiyên protestoyî lidar dixistin û îradeya xwe diparastin. Polîsên faşîst ên serçete Erdogan bi hemû hovitiya xwe êrîş bir ser Dayikên Kurd. Di wir de bêrûtiya serçete Erdogan vekirî tê xuyakirin…
WÊ BIDOME
NC/Harun Xweza
https://www.nuceciwan29.com/ku/2019/09/08/taybet-provakasyonen-li-amede-u-rasti-1/
