BRADOST – Di demek ku xelkê herêma Bradostê xwe amade dikir, li dijî dagirkeriya dewleta Tirk xwepêşandanê lidarbixin, PDK parlamenterên xwe şand herêmê û xelkê teşfîq dikin daku dijî aliyên Kurdî xwepêşandanê lidarbixin.
Îro danê sibê şandek endamên fraksiyona Partiya Demokrata Kurdistanê (PDK) ya li parlamentoya Herêma Kurdistanê, serdana herêma Bradostê kirin û bi rêveberê navçeya Sîdekan û xelkê herêmê re civiyan.
Li gorî agahiyan şanda PDK’ê daxwaz ji xelkê herêmê kirin ku dijî Partiya Karkerên Kurdistan (PKK), hizbên Rojhilatê Kurdistanê helwest nîşan bidin û xwepêşandanê lidarbixin. Herwiha parlamenterên PDK’ê ji xelkê herêmê re gotin ku ji ber hebûna PKK û hizbên Rojhilat, Tirkiye û Îran herêmê bombebaran dikin.
Balkêşe ev hewldana PDK’ê di demek wisan deye ku, xelkê herêma Bradost, xwe amade dikir dijî bombebarana dewleta Tirk xwepêşandek lidarbixin.
Dihat payîn xelkê herêmê duh piştî nimêja Înê xwepêşandan lidarxistiban. Lê ji aliyê rêveberên herêmê hatin asteng kirin û PDK dixwaze helwesta xelkê herêmê berevajî bike.
Lê heya niha PDK’ê nekariye xelkê herêmê bixe nava pîlana xwe, xizmeta dagirkeran bike û ji bo berjewendiyên xwe bikarbîne.
Ev kesê ku bi leşkerên Tirk re tê dîtin, Erşed Hisên Lolanî ye. Erşed Hisên di 1’ê Hezîrana 2018’an de bi cil û bergên Kurdî li gundê Bermîze pêşwaziya leşkerên Tirk yên dagirker kiribû. Erşed Hisên Lolanî niha parlamenterê PDK’ê ye.
