ENQERE – Xwendekaran diyar kirin ku ew ê boykota dersê bidomînin û gotin: “Eger me li hemberî qeyûman berxwedaneke xurt nîşan bida, îro ne li ser girtina Îmamoglû û ne jî li ser qeyûman nîqaşan dikirin.”
Xwendekarên Zanîngeha Teknîkê ya Rojhilata Navîn (ODTU) ku li dijî girtina Şaredarê Bajarê Mezin ê Stenbolê Ekrem Îmamoglû, polîtîkayên qeyûman, tundiya polîsan û zextên 24’ê Adarê dest bi boykota dersan kirin, banga berfirehkirina boykotê kirin û gotin: “Zext hebe ders nîne.”
Ji xwendekaran Çagla jî diyar kir ku di hemû beşên ciwanan de hêrseke mezin çêbûye û got: “Bi rastî bi betalkirina dîplomayê re çirûka ewil li li Zanîngeha Stenbolê hat pêxistin. Barîkat hatin derbaskirin. Piştre li tevahiya welêt belav bû. Xwepêşandanên li vir hatin lidarxistin û çalakiyên vir li Hacettepeyê jî dest pê kirin. Me hemûyan bi hev re vê banga boykotê kir. Me got, ‘Ger tundiya polîsan hebe, ger zorbetî hebe û zilm hebe, ders nîn e.’ Û me li dibistanan dest bi boykota akademiyê kir.”
Çagla Çakirê da zanîn ku muxalefetê li hemberî tayînkirina qeyûman ên li şaredariyên Kurdistanê bertekek baş nîşan neda û ev yek girtina Ekrem Îmamoglû hêsan kiriye. Çagla Çakirê got: “Muxalefeta civakî di serdemeke gelekî bêbasîret re derbas bû. Eger me di wê demê de karîbûya têkoşînê hîn bilindtir bikira û me ev têkoşîn li hemû aliyên welat belav bikira ne Îmamoglû dihar girtin ne jî qeyûm dihatin tayinkirin. Tayinkirina qeyûman di pêvajoya Îmamoglû de dest pê nekir. Me mînakên vê li gelek bajarên Kurdistanê dîtin. Mafên hilbijêran tên binpêkirin. Li dijî vê jî berxwedan heye. Divê ev berxwdan li rojavayê welaêt jî bê belavkirin. Ev berprisiyariya me ye.”
TUNDIYA POLÎSAN
Ji xwendekaran Meyra Şahûtoglûyê diyar kir ku ev çalakî têkoşîna maf û azadiyên demokratîk e û got ku di dema çalakiyan de cara ewil rastî gaza îsotê hatiye û tundiya polîsan bêhevseng bûye. Meyra Şahutogluyê anî ziman ku polîsan bi gaza îsotê û guleyên plastîk rasterast ew hedef girtine û got: “Gelek guleyên plastîk hatin bikaranîn. Rasterast avêtin ser çavê hevalekî me.”
Xwendekar Tarik Efe Yuksel jî diyar kir ku sedema bingehîn a çalakiyan tundiya li ser kêmaran a bi salan e dewam dike bi xwe ye û got ku ew xwendekarên ODTU’yê û xwendekarên din heya ji destê wan bê ew ê li dijî neheqiyê rabin û dengê xwe bilind bikin.
Berfîn Kînoyê jî anî ziman ku di protetsoyên li dijî tayinkirina qeyûm a li Şaredariya Bajarê Mezin a Wanê tundî li jinan hatiye kirin û jin bi destavêtinê re rû bi rû mane û got ku ev yek di protestoyên li dijî girtina Ekrem Îmamoglû de baş hatiye dîtin. Berfîn Kînoyê bilêv kir ku pêşengên berxwedanê jin in û li dijî van binpêkirina îşaret bi têkoşna berdewamî kir.
