REQA- Şêniyên Kantona Reqayê bi armanca şermezarkirina êrîşên dewleta Tirk a faşîst ên li ser herêmên Bakur û Rojhilatê Sûriyê duh meşeke girseyî bi dirûşmeya “Na ji komkujî û wêrankirina herêmên Bakur û Rojhilatê Sûriyê re” li dar xistin.
Bi sedan şêniyên bajarê Rakayê, nûnerên saziyên sivîl û leşkerî û partiyên siyasî beşdarî meşê bûn. Meş ji Nexweşxaneya Zarokan a li navenda bajêr dest pê kir û gihişt qada Jina Azad.
Piştî meş bi dawî bû, beşdaran deqeyek rêz ji bo giyanê pakê şehîdan girtin. Piştre li ser navê Meclîsa Zenebuya jin û Rêxistinên Civaka Demokratîk axaftin hatin kirin.
Meş bi dirûşmeyên li dijî dagirkeriya dewleta Tirk û şermezarkirina êrîşên li ser herêman, bi dawî bû.
