PARÎS – Weke rêxistinên ji Abya Yala, ku ji 3’ê heta 5’ê Mijdarê 2023’an beşdarî Yekemîn Konferansa Ciwanên Cîhanê ‘Ciwan Dîrokê Dinivîsin’ bûne, em êrîşên leşkerî li ser herêmên Kurdistanê şermezar dikin. Agahiyên bombebaranên di vê demê de li ser Dêrikê li Rojavê Kurdistanê, herêmên xweser ên Şengalê û kampa penaberan Mexmurê pêkhatin di me de hêrsbûnekê mezin avadike. Ev êrîş ne tesaduf in û ne tiştekê nû ne jî: Rojava ji 2012’an ve bûye mînaka şoreşekê civakî, femînîst û ekolojîk û bi vî awayî xizmetekê mezin ji pêşxistina jiyanekê demokratîk û pirreng re kiriye, îspat dike ku cîhanekê din mumkin e.
Dibe ku ji gellek însanan re ev deverên em behs dikin pir dûr û xerîb tên, lê ji bo me ewder welat, erd û çiyayên ku mirov xwe lê rêxistinkirine û ji bo jiyanekê bi rûmet têkoşîn dikin, îfade dike. Weke gellek tevgeran, ew jî bi awayekî koletîf di lêgerîna pêşerojekê adîl ji bo gel û zarokên xwe de ne û li ser vê bingehê bi çeteyên faşîst û îslamîst ên DAÎŞ’ê, her wiha bi dewletên qirker li vê herêmê Tirkiye, Suriye, Îran, Iraq û Îsraîl rûbirû tên.
Herçiqasî di navbera me de bi hezaran kîlometer mesafe hebe jî, empatî û piştgiriya me sînor û rengên netewan derbas dike. Em heman hêrs û biryardarî li beramberî neheqî û ji bo xweseriyê parvedikin. Li Abya Yala jî em rûbirûyî hêzên ku dixwazin bi darê zorê û zilmê re me têkbibin dimînin, lê têkoşîna me ji bo xweserî û rûmetê îro jî mîna beriya 500 salan bi hêz e.
Cihêrengbûna me û dengê me ji bo piştgiriya bi gelê Kurd û tevgera wê re dibe yek. Têkoşîna wan tê wateya parastina mafê xwe-rêvebirina azad û xweseriya xwecihî ye. Rojava ji bo me mînakekê bihêzbûna gel û berxwedana siyasî di çarçoveya şoreşekê rasteqîn de ye.
Wek gel, civakên xwecihî û kevnar, cotkar, gelê bi koka Afrîkî, jinên reş û palenqueras, jin û însanên queer, yên bindest û marjînalkirî, bajarî û şoreşger, em bê şert li kêleka gelê Kurd û têkoşîna wan li hemberî hêzên kapîtalîst, zilamsalar û pergala mêtingeriyê disekinin. Em di vê baweriyê de ne, hebûn li ser esasî parastina axa mirov çêdibe. Li ser van axan zordestiya zilamsalar ê rejîmên mêtinger, êrîşên pergala kapîtalîst ku rûmeta mirovan nasnake tê meşandin. Ji bo destxistina qezecekê zêde jiyan û xweza tê binpêkirin û axên me yên kevnar û tarzên jiyana me ya komînal tên tunekirin.
Em alîgirên aştiyekê bi rûmet in, aştiyekê ku teslîmbûn têda nîne, aştiyekê ku nirxên û rêgezên me yên jiyanê nasdike. Li ser vê riyê, em dengê xwe ji azadiya tevahî girtiyên siyasî bilind dikin, bi taybet ji bo Abdullah Öcalan, ji ber girtina wî tê wateya êrîşekê li ser daxwaz û hêviyên rewa yên gelekî. Gelekî ku dixwaze li gorî çand û kevneşopiyên xwe dixwaze azad jiyan bike.
Em îro bi hemû hêza xwe piştgirî didin gelê Kurd, têkoşîna Rojava û tevahîyên ku ji ber têkoşîna xwe ji bo parastina ax, welat û mafê xwe bin êrîşan de ne û yên ku di zindanan de ne. Dengê piştgiriya me wê ciya û behr derbasbike, da ku di nava bêdengiya hucreyên zindanan de deng vede.
DAWÎ LI ŞERÊ HEMBERÎ GELÊ KURD, FILISTÎN, MAPUCHE, GUARANÍ KAIOWA, ZAPATÎSTA Û HEMÛ GELÊN JI BO JIYAN Û XWESERIYÊ TÊDIKOŞIN BÎNIN!
AZADÎ JI BO GIRTIYÊN SIYASÎ YÊN MAPUCHE Û HEMÛ GIRTIYÊN SIYASÎ YÊN LI CÎHANÊ!
BAŞUR LI HER DEVERÎ BAŞURÊ DUNYAYÊ BERXWEDIDE!
JI BO AX, EDALET Û AZADÎ!
Asamblea de los Pueblos Indígenas del Istmo en Defensa de la Tierra y el Territorio – APIIDTT (Oaxaca, México)
(RAJ) Retomada Aty Joven (Brasil)
Proceso de Comunidades Negras, Afrocolombianas, Raizales y Palenqueras (Colombia)
Consejo Regional Indigena del Cauca – CRIC (Colombia)
Pueblo indígena Yukpa de la Serranía del Perijá (Colombia)
Territorio Lavkenche – Wallmapu (Chile)
Liberación (Chile)
FOB- Federação das Organizações Sindicalistas Revolucionárias do Brasil (Brasil)
Comunes ( Colombia)
Poder Popular (Argentina)
Federación Nacional de Mujeres Campesinas, Artesanas, Indígenas, Nativas y Asalariadas del Perú (Perú)
Lêgerîn Abya Yala
