WAŞOKANÎ, HESEKÊ – Ji 4’ê Cotmehê ve dewleta Tirk a faşîst êrîşên xwe yên hovane yên li ser Rojava û Bakur û Rojhilatê Sûriyeyê careke din zêde kir. Di van rojên dawî de gelek sivîl şehîd û birîndar bûne. Her wiha dewleta Tirk a faşîst êrîşî saziyên sivîl ên wek dibistan, stasyonên av û petrolê û nexweşxaneyên kir. Dewleta Tirk a dagirker çalakiya Enqereyê ji bo êrîşên xwe ya hovane dike hincet. 1’ê Cotmeha 2023’an li Enqereyê roja ku Meclîs dest bi kar bike li pêşiya Midûriyeta Giştî ya Emniyetê ya Wezareta Karên Hundir çalakiyeke fedaî hate kirin. Dewleta Tirk a faşîst, ji bo ku çalakiya dîrokî ya Enqereyê ji gel re veşêre, niha zêdetir êrîşî Rojava dike. Ji bo ku bala gelê Tirk ji çalakiya Enqereyê bikişîne, ya ku nîşan da ku dewleta Tirk bi çiqasî lawaze, dixwaze rojeva gel biguhere.
Di serî de dewleta faşîst bi wan êrîşên dawî dixwaze balê ji salvegera komploya navneteweyî ya li dijî Rêberê APO dûr bixe. Isal bibe 25’emîn salvegera komploya 9’ê Cotmeha 1998’an a li dijî Rêber Apo û di heman demê de salvegera çaremîn a dagirkirinê Serêkaniyê. Dewleta Tirk 9’ê Cotmehê 2019 de êrîşê Serêkaniyê û Gîrê Spî kir. Di heman demê de roja destpêkirina wan êrîşan salvegera komploya navneteweyî ya li dijî Rêberê APO ye. Sedema roja hilbijartî ya dagirkirinê Serêkaniyê jî ew e ku dewleta Tirk a faşîst ji ramanên azadiyê yên Rêber Apo ditirse.
Ji ber ku fikrên Rêber, bingeha jiyana demokratîk û aştiye Rojava ye. Ji ber vê yekê dewleta Tirk êrîş û dagirkirina Rojava dike armanc.
Ji bo bidestxistina van armancan dewleta Tirk wê li ber tiştekî naraweste. Di dema êrîşa Serêkaniyê de dewleta Tirk a faşîst qanûnên şer binpê kir û fosfor, çekên kîmyewî (Jehr) avêt ser gelê sivîl. Yek ji mexdûrên li Serêkaniyê wê demê zarokekî 11 salî, bi navê Mohammed Hamid ye. Mihemedê ku êdî mezin bûye û li kampa Waşokanî (Hesekê) dijî, çîroka xwe ya sala 2019’an ku dewleta Tirk bi çekên kîmyewî êrîşî Serêkaniyê kir, vedibêje. Bi çîroka xwe balê dikişîne ser êrîşên hovane yên Tirkên faşîst. Mohammed behsa hestên wî yên roja êrîşê dike û paşê çawa li Başûrê Kurdistanê hatiye dermankirin. Mohammed jî wiha dibêje: “Doxtor diyar kirin ku fosfora spî hatiye bikaranîn. Doxtor wê demê ji bavê min re gotibûn ku tenê ez ne qurbanê çekên kîmyewî me. Ji ber bikaranîna çekên kîmyewî ji aliyê dewleta Tirk ve gelek mexdûrên hebûn. Mohammed di dawiyê de balê dikişîne ser dewleta Tirk a faşîst, ya ku îro jî çekên kîmyewî li dijî gerîllayan bikar tîne û Mohammed dibêje ku ev tiştekî nayê qebûlkirin.
