KOBANÊ – Dewleta faşîst ya Tirk li dijî qadên Gerîla 17’ê Nîsanê de êrişeke dagirkeriyê dabû destpêkirin. Êrişa ku ji aliyê gerîla ve rastê berxwedaneke bêhempa hat ji aliyê gel û ciwanên kurdistanê ve jî rastê nerazîbûneke tûnd hat.
Ev nerazîbûn taybet di şexsê ciwanên Rojava de îro derket lutkeyê. Tevgera Ciwanên Şoreşger a Suriyê li dijî dagirkeriya dewleta Tirk û hevkariya Berzanî seferberî îlan kirin.
Ciwanên Kobanê ên di heman demê de endamên Ciwanên Şoreşger û Yekitiya Jinên Ciwan di derheqê mijarê de ajansa me Nûçe Ciwan re axivîn.
Jina ciwan Firyal wiha got:
Destpêkê navê min Firyal e. Berdevka jinên ciwan ya herêma Firatê.
Ev sînorê ku tê dayîn ne tenê em dikarin bêjin bi destê malbata Berezanî ye, ji xwe berî niha bi demekê malbata Berezanî û dewleta tirk bi hev re hevdîtin kirin ev piroje derxistin ev piroje jî ji bo qutbûnekê di nava Kurdistanê de çêbikin. Ji xwe malbata Berezanî ev ne cara yekemîn e ku kiryareke wisa dike, em dikarin bêjin ew behsa mafê kurdan dike,lê bi wê yekê îxanetê dike,ev îxanet jî her berdewam e û êdî asta xiyanetê derbas kiriye em dikarin malbata Berezanî êdî weke dijmin jî bibînin.
Tiştê ku diqewime ji xwe berçav e, mirov dikare vê yekê zêdetir têbigihêje û binirxîne û bibîne ji xwe cara borî jî malbata Berezanî êrîşî gerîla kir û dîsa têk çû. Niha jî xwest sînorekî di navbera me de çêke ji bo qutbûnekê çêbike,em jî weke jinên ciwan yên Kobanê bi çi rengî dibe emê riya xwe diyar bikin, di aliyê çalakiyan û rengê jinê de û rihê ciwantiyê emê malbata Berezanî û dewleta tirk têk bibin. Bangewaziya me jî ji tevahî jinên ciwan yên Kurdistanê re heye ku vê tiştî ji xwe re qebûl nekin, ji ber ku PDK asta xiyanetê derbas kiriye êdî dijmin e. bangewaziya me ji bo çar perçeyên Kurdistanê heye ku vê dijminahiyê ji xwe re qebûl nekin. Di dawiyê de Bijî berxwedana gerîla ,Bijî Serok APO, Bimire xiyanet!.
Ciwanê ku bi xwe Masîro jî wiha got:
Navê min masîro ye. Ez jî weke ciwanekî Kobanê ez îxaneta PDKê dibînim her ku diçe mezintir dibe. Îxaneta PDK e ji berê de heye lê niha derbasî dagirkeriyê dibe, weke dagirkerekî şerê me dike. Berê bi xiyanet êrîş dikir lê niha bi awayekî eşkere bi rûyekî dagirkerî bi dewleta tirk re li hember me êrîş dike. Niha bi dewleta Tirk re xizmet dike û dibe alîkar ku bibe sînorek di navbera me û gerîla de da ku alîkariya me ji bo gerîla bide qutkirin û parçebûnekê di navbera me û gerîla de çêbike. Ev xiyaneta PDK jî di dema ku em derbasî deriyê sêmalka bûne da ku em cenazeyên Şehîdên xwe bigirin bi êrîşeke dagirkerî û bi mermiyan, weke dewleta tirk bi bombeyên xwazê û çekan êrîşî hevalên me kirin û cenazeyên me jî nedan me. Ev jî nîşana mezin ya PDKê ye ku ji me re diyar dike ku ew dagirker e û êdî sînorê xiyanetê derbas kiriye.
Helwesta me ew e ku em vê yekê qebûl nakin. Heya em dikarin emê xwe li hember dagirkeriya QDP’ê rêxistin bikin û tu carî dev ji gerîlayên serê çiyan bernadin û em li pişta wan in û em tu carî sînora dagirkeriyê ya di navbera me û çiyayên kurdistanê de qebûl nakin.
