NAVENDA NÛÇEYAN – Yekîneyên Antî Terorê (Y.A.T) ên ser bi Meclîsa Leşkerî ya Minbicê ragihand ku li Minbicê sîxurekî MÎT a Tirk zevt kirine.
Daxuyaniya Y.A.T.’ê ya li ser mijarê wiha ye:
“Di çarçoveya xebayên Yekîneyên Antî Terorê ya Meclîsa Leşkerî ya Minbicê de, di encama şopandina tevgerên biguman ên demdirêj û dema me erkên xwe yên şopandina wan tevgeran di 03.01.2022’yan de pêk anî, me kesê bi navê Xalid Mihemed Selame (Ebû Udey) girt. Ebû Udey li Xan Şêxûn ê Idlibê di 1977’an de hatiye dinê. Piştî şopandina mala wî û tevgerî wê ji nêz ve hate eşkerekirin ew sixûrekî MÎT’a Tirk li Minbicê ye.
Bi komkirina îsbat, delîl û agahiyan re, hate eşkerekirin Ebû Udey dîmena koordînata mayîneke berê hatibû çandin girtiye û ji MÎT’a Tirk re şandiye. Ji wê zêdetir jî mayîneke din bi cih kirine û mîqadareke mezin ji cebilxane li mala xwe veşartiye. Her wiha ligel wî dîmenê mala alîkarê Sekreterê Giştî yê Partiya Sûriya Pêşerojê Ebû Erac hate dîtin. Armanca wê jî mala wî biteqînin. Di dema lêpirsîna bi her du hevjînên wî, Emel Neime û Nexem Sibhî re ku şahidên peywendiyên navbera wî û gelek kesên yekser bi MÎT’a Tirk re diaxivin bûn, her duyan li xwe mikur hatin ku di navbera wî û gelek kesan de têkilî hebûn û ji hêla MÎT’a Tirk ve dihat erkdarkirin. Têkildarî lêpirsîn û îtîrafa her du hevjînên wî hin encam hatin bidestxistin:
Ebû Ûdey bi kesê bi navê (Ebû Îbrahîm Ezaz) re, bi istixbaratên dewleta Tirk re di nava pêwendiyê de bû. Ebû Îbrahîm Ezaz mayînek şand ji Ebû Ûdey re da ku alîkarê sekretêrê giştî yê Partiya Sûriya Pêşerojê Ebû Erac li Minbicê bikujin. Ebû Ûdey dîmenê mala Ebû Erac li Minbicê kişand û ji Ebû Îbrahîm re şand ku ji bo istixbaratên dewleta Tirk re dixebite. Dema ku Ebû Îbrahîm mayîn şand ji Ebû Ûdey re, Ebû Ûdeyî demekê mayîn di mala xwe de veşart. Bi rêya şopandina Yekîneyeke Anî Teror, Ebû Ûdey hate girtin. Piştî çend rojan Ebû Îbrahîm nas kir û bi hevîna Ebû Ûdey re kete nava pêwendiyê. Navê hevjîna wî jî Emel Nehme ye. Jê xwest ku mayînê bide kesê ku ji aliyê wî ve hatiye şandin û ew ê dê xwe bide naskirin. Hevjîna Ebû Ûdey mayîn radestî wî kesî kir. Piştî demekê Yekîneyeke Antî Teror li Minbicê hevjîna Ebû Ûdey girt û ew jî li xwe mukir hat.
Ji bo hevjîna wî ya duyemîn Nexem Sibî El-Sûs ji Idlibê ye, li hevjînê xwe mukir hat û teqezî li ser axaftina hevjîna wî Emel derbarê bûyerên ku mayîn çawa gihaşt mala wan bi rêya hevjînê kir û wiha axivî: Beriya ku em biçin mala xwe ya nû. Ez ketim zirêdiyê da ku tiştên ji min re pêwîst bînim. Ebû Ûdey hin tişt di zirêdiyê de veşartibûn ku me jî nizanibû. Lê wî hişyarî da me ku nêzî wan nebin û destê xwe nedin wan. Dema Emel xwest zirêdiyê paqij bike bavê Ûdey ew agahdar kir ku nêzî wan tiştan nebin, ji ber girêdayî wî ne. Piştî ku çûn maleke nû hemû alavên malê yên kevin bi xwe re birin tevî tiştên di zirêdiyê de jî. Ji bilî wî tiştî. Min û Emel nizanîbû ku mayîne û em nêzî wê nedibûn.
Her wiha Nexem di nava mukirhatinên xwe de wiha got: Dema Ebû Îbrahîm bi Ebû Ûdey re bi rêya dîmen axivî û kilîta zirêdiyê ji min xwest. Piştî demeke kurt dîmenê mayînê kişand û daket. Me nizanîbû ku çi di navbera Ebû Ûdey û Ebû Îbrahîm de çêdibe. Piştî girtina Ebû Ûdeyî, Ebû Îbrahîm bi Emel re kete nava pêwendiyê de û got ew ê hin kesan ji aliyê xwe ve bişîne da ku mayînê radestî wan bike bêyî ku pirsa nasnameya wan bike. Ji bo girtina Ebû Ûdey jî kesekî bi navê Mehmûd Kabircî bi min re axivî, min pirsa sedema girtina wî kir. Wê demê got ew girtiye ji ber mayîn di mala me de heye.
Her wiha di mala wî de miqdarek çek û madeyên hişbirê hatin dîtin û hatin desteserkirin:
Kalaşnîkov (2), BKC (1), cercûrên klaşinkov (8), RBC (2), heşweyên B7 (2), guleya B7 (3), Kalaşnîkov a bêdeng (1), rextekê çeka klaşinkov (2), zincîra BKC (3), mayîneke erdê (1), madeyeke hişbir ji cûreya H-pozê 3 kg.
Yekîneyê Antî Teror wê ji bo parastina welat û sekina li hember çi hewldana xirakirina aramî û ewlehiya bajarê Minbicê dê bixebite.”
