DÊRÎK – Tevgera Ciwanên Şoreşger û Jinên ciwan ve, bi meşeke dirêj ya bi armanca piştgirî dayîna berxwedana Gerîla rabûn. Meşa ciwanên Şoreşger ji Guristana şehîdan a bajarê Qamişlo destpêkir û li ser sînora Sêmalkayê bi dawî bû.
Bi gihîştina ciwanan a ser sînorê Sêmalkayê êrîşên PDK’ê rûdan. ji ber êrîşên PDK’ê 15 ciwan birîndar bûn û du ciwan ji wan birîna wan giran bû. li ser xiyaneta PDK’ê jî Ciwanan di dawiya meşê de axivîn.
Hebûn Kobanê yê ku li ser navê Tevgera Ciwanên Şoreşger axiviye wiha got;
“Em meşa ciwanan yê ku îro sê roj berxwe dide di serî de li Rêber Apo û gerîlayên serê çiya pîroz dikin. Em li virin em hatine ji bo canazeya du cangoriyên xwe yên ku di destê PDK’ê de ye dikin. Em şehîdên xwe dixwazin, em mafên xwe dixwazin. Em îxanetkaran qebûl nakin, em çavê xwe jî li hember wan nagirin. Ji ber ku çavê ciwanan vekiriye, ewên yên ku rastiyê dibînin. Ewin yên ku fikir û felsefeya Rêber Apo naskirine. Wê heya dawiyê li ser vê riyê bin. Em tu carî nawestin ji ber ku em ciwanên Apoyî ne. em ciwanên şoreşgerin û em ciwanên fedayîne.”
Tolhildan Zeredeşt jî wiha berdewam kir;
“Di serî de meşa ciwanên şoreşger yên Sûriyê yê ku piştî sê rojan îro gihîşte ber deriya Sêmalka. Di serî de em weke ciwanên şoreşger yên sûriyê, em silav û rêzên xwe ji gerîlayên serê çiya ên ku nêzî neh mehan li hember Artêşa dewleta Tirk ya dagirker li berxwe didin. Emê roj bi roj, gav bi gav têkoşîna xwe mezin bikin, û emê gava xwe ya herî mezin bavêjin. Ji bo ku em pişta xwe bidin gerîlayan û em ser fikir û felsefeya Rêber Apo bimeşin, weke ciwanên Rojavayê Kurdistanê û ciwanên Bakur û Rojhilatê sûriyê emê heya dawiyê gava xwe bavêjin.”
Girêdayî xiyaneta PDK’ê ya li hember Gerîla jî bi vê awayî berdewam kir;
“Îro şerê ku li çiyayên Kurdistanê tê kirin di nav de destê PDK’ê jî heye , bi hevkariya bi dewleta Tirk re berê xwe dide gerîla. Gerîla ji bo şerefekê şer dike, ji bo welatekê şer dike. Ji bo ku kurdistan rizgar bike gerîla şer dike. Ji bo ku hemû gelê bindest rizgar bike.”
“Heya em cenazeya şehîdên we negirin em bê deng namînin”
“Emê heya dawiyê li ser perspektîva Rêber Apo bimeşin. Bila hemû îxanetkar bizanibin û bi taybet PDK’ê bila bizanibe heya ku em cenazeya Şehîdên xwe negirin em bê deng namînin. Bi hezaran ciwanên ku li vê derê amade bûne xwedî helwestin. Ji bo ku em şehîdên xwe bigirin. Em dibêjin bese ji bo îxanetê. Îxaneta PDK’ê di dîroka wê de diyare, her te îxanet kiriye, tu bi îxaneta xwe nagihîne encamekî. Bese tu destê xwe bixwe destê dewleta Tirk û tu li dijî Kurdan şerbikî. Dîsa tu îro berê xwe dide gerîlayên kurdistanê û tu li hember wan şer dikî. Ji ber vê jî em careke din te lanet û şermezar dikin. Em bi îradeya Rêber Apo, gerîlayên serê çiya sê rojin li qadanin û bang dikin, em dibêjin bijî gerîlayên serê çiya emê heya dawiyê jî her vê bêjin.”
Herî dawî jî ciwanan bi siloganên Bimire Îxanet, Bijî Serok Apo û Bijî berxwedana gerîla çalakiya xwe bi dawî kirin.
