NAVENDA NÛÇEYAN – Ciwanên Welatparêz û Jinên Ciwan ên Tekoşer, di 30 Hezîranê de li Qendîlê di bin şîara “Ji Bo Kurdistaneke Yekgirtî û Azad Faşîzmê û Dagirkerî BIRÛXÎNE” Pêngava Seferberiya Heftanînê de ragihandibû. Divê çarçoveyê de gelek ciwan û jinên ciwanên Başur diyar kiribû ku ji bo li Heftanînê li gel Gerîlla şer bike amadeye. Lê ji ber rênedana PDK’ê ciwanan nikarîbû xwe bigihîne Heftanînê. Ji ber vê yekê jî 5 ciwanên Başur xwe gihandibû qadên azad û tevlî nava refên Gerîlla bibû.
Di çarçoveya Seferberiya Heftanînê de jinek ciwan ya ji Başurê Kurdistanê berê xwe da qadên azad û tevlî nava refên gerîlla bû. Jina ciwan di nava Gerîlla de navê Gerîlla Sofiya hilbijart û di çarçoveya tevlîbûna xwe de wiha axifî: “Navê min Şar Laçim Husên e. Ez di dîroka 1995’an de li Çemçemal dayikbûme. Ji eşîreta Hemewandim. Li Zanîngehê Beşa Felfeseyê min qedandiye. Kodê min Gerilla Sofiya ye. Ji ber tevlîbûna xwe nav hevalan de pir keyfxweşim. Xeyalê min bû wek jinekî armançê xwe pêk bînim, bibim pêşengek û bi xwedî fikr û felsefek jinan re riyek nîşan bidim. Wan jî bînim ser riya ku ew pê bawerin. Ji bo gelê xwe dixwazim bibim keyfxweşiyek.
Ez wek jinekî bingeh û tevgerandina civakê me. Jin di civaka me ya Kurd de di rewşekî nexweş û xirab de derbas dibe. Ez jî ji bajarê Çemçemalim, rewşa jin di rewşekî herî jêr de ye. Jinên Çemçemal di malê de, di fikir de tê tecrîd kirin. Fikrê wan nîn e. Ji bo rewşa heyî ew jî îkna bûne. Asta kolebûnê ku ketêne tê de ji xwe re qebûl kirine. Jinên ku bifikirin nebûn. Ê me heke bixwazin wek jinek jiyan bikin. Divê ku balbikşînin ser pirsgirêkên jin û armançê min di jiyan de çî ye? Jiyan bo min çi wateyek heye? Em heta niha dijîn ji bo ku bimrin.
Pêwîste jin ji xwe pirs bikin. Min çima ev rewşa ji bo xwe qebûl kiriye? Jin vînekî polayiye, dikare van astengiyan derbas bike. Ji bo me planek hatiye amadekirin divê em wê planê birûxînin. Wisa dikin ku em nefikirin di bin siya kapîtalîzm û teknolojî de jiyan bikin. Jinek wek metayek lê hatiye. Lê nabe ku wisa dewam be. Nabe ku jin di bin siya zilamsalarî de bikeve odeyek û tecrîd were kirin bibe zindanî. Jin divê ji herî destpêk de ji xwe pirsiyar bike. Ez kî me?
Ez hezdikim ku ez jin im û serfiraz im. Ez ê bibim xizmetkarê gelê xwe. Ez pir kêyfxweşim ku beşdarî hevalan bûme. Pirsên min li vir hate bersiv dayîn. Min civakekî wiha de jiyan kiriye ku nikare pirsên xwe pirsyar bike. Bersivê xwe bigire. Ji bo na wî jî min bo bersivê wan pirsan çûm û astengiyan têk şikand. Xewn û xeyalên min ên herî dûr û dirêj ew bû ku ez bibim Jin. Ez dixwazim di wateya peyvê de bibim Jin. Ne ku ew jinê ku hatiye çêkirin. Ez dixwazim bibim xwe. Rastî jî xwedî teoriyek bûm lê belê xwedî pratîk nebûm. Ji ber vê yekê beşdarbûm wê ez ê pratîk jî bikim. Jinbûn erkekiye ku li ser milê me ye. Divê ez erkên xwe pêkbînim. Her wiha ku zilam xwe serwer û pîroz kiriye, jin jî dikare bikêje otorîteyekî û pîrozbûnek. Bûyîna xwe erkekî zor pîroze. Her kes divê ji bo na wî têbikoşe.
Divê ew perdeya ku ser heqîqetê girtiye, em ew perde rabikin. Heqîqet şênber be û bikeve ber çavan. Heke heqîqet veşartî be, mirov raste dijî lê wek miriyek dijî. Dema ku mirov şiyar be pirs dike, di lêgerîn de ye û çalake. Dema ku jin pêy pirsên xwe dikeve nayê wê wateyê ku di nav civakê de rê li aloziya vedike. Rewşa ku ez tê de bûm û civaka me tê de bû ji bo mijara pirsê bû. Çend jin ji bo namus tê kuştin, çend jin tê şewitandin, çend jin ji bo pirsgirêkan aware dibin. Ev girêdayî aloziyekî kûr û dirêj de ye. Ez wek Gerîlla Sofiya, dixwazim ku jinan xwe nasbike, cihê xwe nasbike. Ji ber ku tirsa ava dibe, dibe sedema çokdanînê divê ev were şikandin.
Bang dikim li hemû jinan û heta zilaman jî ku dest ji wî pergala desthilatdar berdin. Ta ku jin xwe nasbike. Pêwîste kategoriya cinsî nemîne. Ku ew sepandina bi dawî were anîn. Jin çalak bibe. Divê em wan astengiyan bişkînin. Nifşê dahatû azad bijî. Ev bibe kevneşopiyek, dîrokek.
Li gel hevalanim, dixwazim xebat bikim, xizmet li jinan bikim.”
