NAVENDA NÛÇEYAN – Ciwanên Welatparêz û Jinên Ciwan ên Tekoşer li hember êrîşên dewleta Tirk a dagirker li ser axa Başurê Kurdistanê di 30 Hezîranê bi şiyara, “Ji Bo Kurdistanek Yekgirtû û Azad Faşîzm û Dagirkeriyê BIRÛXÎNE” Pêngava Seferberiya Heftanînê ragihand.
Di vê çarçoveyê de gelek ciwanên Başur îlan kir ji bo axa xwe parastinê çi erk heye wê pêk bîne amadeye.
Endamê Komîteya Rêveber a PKK’ê Duran Kalkan piştgirî da seferberiya dijî dagirkeriya Tirk a ciwanên Başûrê Kurdistanê dane destpêkirin û banga beşdarbûna seferberiyeke çalak li tevahî ciwanên Kurd ên çar parçeyên Kurdistanê kir.
Duran Kalkan ji bo seferberî cihê xwe bigire, got divê neyê pasîfîze kirin. Kalkan divê derbarê de van hişyariyan da, “Ciwanên Qendîlê û Başûrê Kurdistanê, ji bo parastina Başûrê Kurdistanê û avakirina Kurdistaneke azad û serbixwe, banga seferberiyê kirin. Em piştgirî didin vê banga ciwanan. Birastî jî divê Heftanîn, Avaşîn û Zap, Xakûrkê bên parastin. Divê Rojava û Başûr ji êrîşên dagirkeriyê bên parastin. Ji bo vê jî pêwîste hemû ciwanên Kurdistanê seferber bibin. Lewma pêwîste ciwan berê xwe bidin qadên têkoşînê. Ciwanên Kurd divê tevlî gerîla bibin, rêxistin ava bikin, li çiya û bajaran li dijî êrîşan bicengin.”
Piştî daxuyanî û piştgiriya Endamê Komîteya Rêveber a PKK’ê Duran Kalkan, komekî Ciwanên Başurê Kurdistanê di çarçoveya Pêngava Seferberiya Heftanînê de xwe gîhand çiyayên Kurdistanê û tevlî nava refên Gerîlla bû.
Ciwanan li çiyayên Kurdistanê tevlîbûna xwe bi daxuyaniyek îlan kir û ji hemû ciwanên Başur û hemû ciwanên Kurdistanê re bangawaziya tevlîbûna gerîlla kir.
Daxuyaniya koma ciwanên Başur wiha ye:
“Dewleta Tirk a dagirker, di 15’ê meha Hezîrenê di çarçoveya planên xwe yên dagirkirina Başurê Kurdistan ve bi hemû hêzên xwe yên qirêj êrîşî Mexmûr, Şengal û heremê Başurê Kurdistanê kir. Dewleta faşîst qirker yê Tirk bi hemû hêzê xwe ve qirkirina Kurdan û dagirkirina Kurdistanê girtiye pêşiya xwe. Ji ber van planên xwe li Başurê Kurdistanê zarok, ciwan, dayik, bav her kî be hedef digire û şehîd dixe. Li herema Behdînan û Bradostan gundan bomberan dike û bi êrîşên xwe ve di pêvajoya dawî de bi dehan gund vala kiriye.
Dewleta faşîst qirker yê Tirk, bi nêzbûna salvegera Hevpeymana Lozanê ve dixwaze xeyalên xwe yên Mîsak-î Mîllî pêk bîne. Di vê çarçoveyê axa Başurê Kurdistanê yekemîn hedefa wî ya dagirkirinê ye. Bi planên xwe yên qirêj Partiya Karkerên Kurdistan (PKK) ji bo axa Başurê Kurdistanê dagir bike, ji xwe re dike hincet. Bi vî re Hukumeta Herema Kurdistan û PDK jî bi îxanetê ve ji ev hinceta re çavê xwe girtiye û bi her rê û rêbazî ji bo dagirkerî nokerî dike.
Di demên dawî de ji bo welatê me Kurdistan neyê dagirkirin Gerîllayên Azadiya Kurdistan li qada Heftanîn berxwedaniyekî pir mezin dide. Diyar bû ku ji bo dijminê Tirk ê dagirker axa me dagir neke Gerîlla heta dilopa xwîna xwe ya dawî li hember artêş û teknîka NATO şer dike. Bi rojane bi lehengî şehîd dikeve lê dîsa jî nahêle ku dijmin li ser axa me gavekî rehet û nefesekî ji dil bigire. 24 seat li hember dijmin di nava berxwedaniyê de ye.
Ciwanên Welatparêz û Jinên Ciwan ên Tekoşer, di 30 Hezîrenê de li Qendîlê di bin navê şîara, “Ji bo Kurdistanekî Yekgirtû û Azad Faşîzmê û Dagirkeriyê BIRÛXÎNE” Pêngava Seferberiya Heftenînê îlan kir. Em jî wek grubekî ciwan di çarçoveya Pêngava “BIRÛXÎNE” de tevlî qadên çîya bûn. Bi destpêka êrîşên dagirkeriya Tirk me xwest tevlî berxwedana Gerîlla bibin. Lê ji ber astengiyên PDK me nikarîbû xwe bigîhînin Gerîlla. Di çarçoveya Pêngava “BIRÛXÎNE” de me xwe gîhand Gerîlla û em tevlî Seferberiya Heftanîn dibin.
Li ser vî esasî taybet bangawaziya me ew e ku taybet ji ciwanên Başurê Kurdistan û hemû ciwanên Kurdistan û yên enternasyonal, ji bo dijminê axa me dewleta faşîst qirker Tirk were têkbirin, ji axa me were derxistin tevlî Berxwedana Cenga Mezin ya Heftenînê bibin. Dem hatiye heke îro em ji bo axa xwe tevlî berxwedaniya Gerîlla nebîn wê sibe em nikarin li ser vî axî jiyan bikin. Ji bo axa xwe parastinê tevlî Seferberiya Heftenînê bibin.
Bimre Dagirkeriya Tirk
Bijî Kurdistana Yekgirtû û Azad
Bijî Berxwedanîya Cenga Heftenînê
Bijî Şerê Gerîlla
Bijî Serok APO
Bijî Partiya Karkerên Kurdistan
Faşîzm û Dagirkerî BIRÛXÎNE”
