“Li gorî Erdogan divê li Sûriyeyê cihekî ji bo kurdan tunebe. Ez çima vê dibêjim, Erdogan dema ji bo civîna Neteweya Yekbûyî bere xwe da Amerîkayê got ‘Em dixwazin bakurê Sûriyeyê bidin xwediyê wan, ew jî ereb in.’ Di feraseta Erdogan de li Sûriyeyê kurd nîne. Dem dem dibêjin ‘em kurdan jî diparêzin’ lê êdî bi derewên wiha jî nikarin rastiyan veşêrin. Di derewkirinê de ji Erdogan jêhatîtir kes nîne. Lê aliyê xerab hîn jî hin kesên ji bo xwe dibêjin ew kurdan bi gotinên Erdogan bawer dikin, Erdogan dê li Sûriyeyê siyaseta wan destek bike. Lê di rastiya Efrînê de jî derket holê ku siyaseta Erdogan bi temamî bûye dijberê kurdan, ev kurd navî wî Apocî yan jî Barzanî be, ferq nake. Çinkî ji bo Erdogan dema ev aliyên kurd dijberî hev bin, kîjan ji bo xwe dijber bibîne, ji yên din re çavê xwe digire. Lê heta yên din ji nav dibe. Piştre yên din jî ji nav dibe. Me ev siyaseta Erdogan di referamdûma başûrê Kurdistanê de, li Efrînê bi zelalî dît. Lê mixabin hin aliyên ji xwe re dibêjin kurd li rojava û başûr dixwazin pişta xwe bidin Erdogan.
Wan rojan Erdogan derdikeve û dibêje li Sûriyeyê kurd nîn in, divê em şaş nemînin. Çinkî feraseta Erdogan li ser înkarkirina kurdan hatiye avakirin. Li gorî Erdogan jixwe li bakurê Kurdistan û Tirkiyeyê kurd nîne. Lê niha bi wê jî sînordar namîne, li gor Erdogan li Sûriyeyê jî kurd nîn in. Bajarê kurdan nîne, axek kurdan nîne. Çinkî gotina ku dibêje bakurê Sûriyeyê cihê ereban e, ev aşkera dide xuyakirin.
Ger dubare be jî em hafizaya xwe zindî bikin. Erdogan û çeteyên xwe ku piraniya wan bermahiyên DAIŞ’ê bûn, êrîşî Efrînê kirin. Erdogan got ‘em ê Efrînê bidin xwediyê wê.’ Li Sûriyeyê cihê koçberî herî kêm Efrîn bû. Berovajî vê gelek cihên Sûriyeyê kesên ji şer reviyabûn, bere xwe dabûn Efrînê û lê bicih bibûn. Herkes dizane bi hezar sal e Efrîn cihekî kurdan e, ger hinek ereb jî li herêmê hebin, ew jî encama siyaseta Baasê ya erebkirina herêmê kurdan e ku li vir hatine bicihkirin. Di encama dagirkeriya dewleta tirk û çeteyên bermahiyên DAIŞ’ê li Efrînê xwediyê Efrînê neman. Li şûna wan 300 hezar kesên Çîn, Ûygir û kesên cihê din ên Sûriyeyê hatin bicihkirin.
Kiryarên Erdogan bi guhertina demografî re sînordar neman. Hin kurdên ji bo dagirkeriya wan çepikan lêdidan jî, ji vê dagirkeriyê nasîbê xwe girt. Bi taybet kesên xwe wek dostên dewleta tirk nîşan didan û niha jî didin. Dibe ez bibêjim encama dagirkirina Efrînê carek din aşkera kir, yên herî zêde derb xwarin ew kes û siyaseta di dagirkirina Efrînê de destek dida dewleta tirk in. Hedefa Erdogan ew e ku li bakurê Sûriyeyê biqasî 30 km kûrahî korîdorek ji komên çeteyên DAIŞ, Cephet El Nusra, Ahrar Şam bide avakirin. Li gel wan koçberên ên ji gelek cihên cîhana yên radîkal wek Afganistan, Çîn û Ûygir hatine jî li welatê kurdan bi cih bike. Li gorî Erdogan dê ev kesan biqasî 2 milyon be. Ew wê tenê bandoriya xwe li kurdan bike. Li hemû niştecihên herêmê bike. Ereb, suryanî, asûrî dê ji vê siyaseta êrîşkariya Erdogan bandor bibe. Lê herî zêde dê kurd ji vê siyasetê bandor bibe, çinkî li gorî Erdogan jixwe kurd li vê herêmê najîn. Li bakurê Sûriyeyê tene ereb dijîn.
Li gorî Erdogan, kurdên bi hezaran sal e li vê axê dijîn, vir dagir kirine. Ew jî dixwaze vir ‘bide xwediyê wan.’ Dibe wek pêkenok be jî, rastiya siyaseta Erdogan ev e. Lê Erdogan pir aciz e, çinkî wek berê cîhan destekê nade komkujiya kurdan. Gelo çima hin kurd destekê didin komkujiya kurdan, bi taybetî jî PDK…”
ÇAVKANÎ: e-rojname – Ezîz Koyluoglu
