BEHDÎNAN – Navenda Ragihandin û Çapemeniyê ya HPG (HPG-BÎM) têkildarî çalakiyên gerîla yên li navçeyên Gever û Çelê yên Colemêrgê agahî da. HPG’ê got gerîlayan derbeyek giran li artêşa Tirk dane û di çalakiyan de 19 leşkerên Tirk hatine kuştin.
HPG’ê di daxuyaniyê de ev tişt diyar kir;
“Hêzên me di çarçoveya Pêngava Şoreşgerî ya Şehîd Bager û Şehîd Ronya de li navçeyên Çelê û Gever ên Colemêrgê derbeyek giran li artêşa TC’ê ya dagirker dan. Agahiyên têkildarî çalakiyên gerîla wiha ne;
LI GEVERÊ YEK JÊ FERMANDAR 8 LEŞKER HATIN KUŞTIN
Roja 27’ê Tîrmehê saetên sibê hêzên me li herêma Deriyê Cafer ê navçeya Gever a Colemêrgê yekîneyeke dijmin xistin bin kontrola xwe. Heman rojê saet 10:30’an hêzên me li yekîneya xistîbûn bin kontrola xwe dan. Ji nêz ve bi serketî li yekîneya dijmin hate xistin, yek jê fermandarê yekîneyê bi giştî 8 leşkerên dijmin hatin kuştin. Yekîneya me ya ev çalakî pêk anî bi silametî gihişte baregeha xwe.
LI ÇELÊ 11 LEŞKERÊN TIRK HATIN KUŞTIN
Roja 26’ê Tîrmehê saet 05:30’an hêzên me bi tektîka kemînan li dijî artêşa TC’ê ya dagirker ku ji bo ewlehiya rêya Girê Xereqol ê navçeya Çelê ya Colemêrgê yekîneyek bicih kiribûn, çalakiyek li dar xist. Ji nêz ve bi du baskan li yekîneya dijmin hate xistin, 11 leşker hatin kuştin û 2 leşker jî birîndar bûn. Hêzên me hemwext li baregeh û çeperên dijmin ên li Girê Xeregol dan. Di vê çalakiyê de hejmara kuştî û birîndaran nehate tespîtkirin. Piştî çalakiyê artêşa TC’ê ya dagirker kuştî û birîndarên xwe bi helîkopterên Skorsky ji herêmê rakir û qada çalakiyê bi balafirên şer, topên hawan û obusan bombe kir. Di vê bombeberanê de hevreyên me Çiya û Xwînrej şehîd bûn. Artêşa TC’ê ya dagirker piştî ku derbeya giran xwar li herêmê dest bi operasyonê kir. Ev operasyon bi şêweyê kemîn danînê didome.
Nasnameyên hevreyên me yên şehîd wiha ne;
 |
Nasnav: Çiya Amed Nav û Paşnav: Ramazan Bozkûrt Cihê Jidayikbûnê: Amed Navê Dayik – Bav: Adalet – Mehmet Cih û Demê Şehadetê: Çelê / 26’ê Tîrmeha 2019’an |
Çiya – Ramazan Bozkûrt
 |
Nasnav: Xwînrej Çarçella Nav û Paşnav: Bîlal Kaplan Cihê Jidayikbûnê: Colemêrg Navê Dayik – Bav: Sarya – Şaban Cih û Demê Şehadetê: Çelê / 26’ê Tîrmeha 2019’an |
Xwinrej – Bilal Kaplan
Rêhevalê me Çiya li Amedê di malbateke welatparêz de ji dayik bûye û di temenekî ciwan de têkoşîna me ya azadiyê nas kiriye. Dema ku dewleta dagirker a Tirkiyeyê êrîşên xwe yên li ser gelê me zêde kiriye, rêheval Çiya li her qada ku maye, bi berpirsyarî nêzikî peywirên xwe bûye. Di nava demeke kurt de li ser tarzê gerîllatiya profesyone bûye şervanekî jîr û zana. Rêheval Çiya di çalakiya Xeregolê de li dijî dijmin bi fedakarî şer kiriye û tevlî nav karwanê şehîdan bûye.
Rêhevalê me Xwînrêj jî li Colemêrgê ji dayik bûye û di temenekî ciwan de rastiya dijmin fêm kiriye û li hemberî polîtîkayên faşîzan ên dijmin tevlî nav refên gerîlayan bûye. Rêheval Xwînrêj di nava demeke kurt de hînî jiyana gerîla bûye û herî dawîn di çalakiya Xeregolê de heta nefesa xwe ya dawîn şer kiriye û bi qehremanî şehîd bûye.
Malbatên hêja yên rêhevalên me Çiya û Xwînrêj di serî de, em sersaxiyê ji hemû gelê Kurdistanê re dixwazin û em soza xwe dubare dikin ku em ê alaya azadiyê ya şehîdên xwe bigihînin serfiraziyê.
ÊRÎŞÊN HEWAYÎ
Di 27’ê Tîrmehê saet di 11.30’an de balefirên şer ên artêşa TC a dagirker qada Xantûrê ya Heftanînê ya Herêmên Parastinê yên Medyayê bomberdûman kiriye. Di vê bomberdûmanê de tiştek bi hêzên me nehatiye û agir bi daristanê ketiye.
Di heman rojê de saet di 14.00 û 15.00’an de qereqolên artêşa Tirk a dagirker ên li ser xeta Heftanînê bi obus û hawanan qada Bektoryayê bomberdûman kirine û agir bi qadê ketiye.”
