QAMİŞLO – Rêveberiya Ciwanên PYD’ê Fatman Mûrad û Endamê Tevgera Ciwanên Şoreşger Salih Ahmed di derbarê êrîşên ku dagirkeriya dewleta Tirk li ser Xakurkê û Başûrê Kurdistanê dike her wiha xiyaneta PDK’ê ku niha dide meşandin, ji Ajansa me re axivîn û wiha diyar kirin “Demê mirov dibêje PDK tiştê yekser tê hişê mirov mînaka îxanetê ye”.
Fatman Mûrad di dest pêka axaftina xwe de wiha got; “Di serî de êrîşên ku li ser Xakurkê hatin kirin ev wekî Îxanetê ye, yanî dijmin her çiqas Şerê Taybet dide meşandin nikare îradeya gelê me bişkîne ji ber ku îradeya gelê me ew e ya ku xurte û ya ku bi serdikeve. Çiqasî hêza wî hebe, çiqasî dewleteke ku bi teknîka xwe xurt be jî lê belê îradeya gelê me li tevahî cîhanê û her çar parçeyê Kurdistanê bi serdikeve”.
Fatman di axaftina xwe de bal kişand li ser xiyaneta PDK’ê û wiha got; “A din jî PDK’ê yanî demê mirov dibêje PDK’ê ji me re dibe mînaka îxanetê, mînaka ku dibêje xiyanetekî xurt bi Kurdan re dike, ku îro xiyaneteke xiyanet bi gelê xwe re dike, bi hevalên xwe re dike yanî ew rih dikujin lê ama ew nizanin ku berî zerarê bighînin derdora xwe yan netewa xwe, zerarê dighînin xwe. Ji ber vê yekê PDK’ê gihiştiye vê astê ku bûye mînaka îxanetê ji her kesî re. Em bêjin PDK’ê niha agahiyên li ser Rojavayê Kurdistanê, Rojhilatê Kurdistanê, Başûrê Kurdistanê, Bakurê Kurdistanê ku dide dagirkeriya dewleta Tirk, ji dijmin Kurdan re ê herî mezin agahiyan dide û PDK’ê ji xwe re wekî hêzekê amadekiriye ji bo ku Kurdan, Rêveberiya Xweser, Biratiya Gelan, Netewa Demokratîk bi dawî bike, lê belê ew nizane dema ku van êrîşan dike hêzekî zêdetir di nav me de ava dibe, Îradeyekî bêhtir di nava me de diçîne, xurtbûneke diha bêhtir di nava me de dide çêkirin, ew ewqasî bêjê ez bi xurtbunekî nêz dibim, bi hêzekî nêz dibim, nizane ku ew bi lawaziyekê nêz dibe ji ber ku ev rêbaz ne rêbazekî insanetiyê ye yan jî rêbazekî mirovatiyê ye ji bo vê jî em dibêjin PDK’ê mînaka herî mezine ji bo Îxanetê ye”.
Fatman di dawiya axafitina xwe de wiha anî ziman û got; “ Banga me ji bo her Ciwanekîye, ne ku ew ciwanê tenê temen biçûk her yekî ku ew rih Ciwantî di kesayeta wî de zindiye lê ka ew rihî derxîne. Ew rihê Ciwantî ê ku ji biçûkatî di rihê me deye bi me re roj bi roj mezin bûye heya ku gihiştiye asta berxwedaniyê, asta Canfedayiyê, asta ku canê xwe feda bike ji bo Welatê xwe. Banga me ya herî bingehîn ji bo tevahî Ciwanan ew e ku girîngiyê bidin vê Şoreşê, Şoreşa ku 9 sale berdewam dike heya niha Serkeftinên cuda cuda bi dest xistine, ewqasî pêşengtiyê hatiye kirin, êdî wekî Ciwan divê heya ku ji me bê rola me, rola pêşengtî be, em rola herî bingehîn bilîzin ji bo ku em bighêjin azadiya rast, em riya Şehîdên xwe bişopînin, li ser fkir û felsefeya Rêberê Gelan Abdullah Ocalan jiyan bikin û em vê Şoreşê bi serbixin û bighêjin armanca xwe ku Neteweke Demokratîk avabikin li her çar parçê Kurdistanê”.
Di heman demê de Endamê Tevgera Ciwanên Şoreşger Salih Ahmed êrîşên Dewleta Tirk a dagirker û hevkarên wê li ser Xakurkê şermezarkir û wiha got; “Em wek Ciwanên Kurdistanê bangewazî li hemû ciwanên Kurdistanê dike ku hemû ciwan dest bidin hev li hemberî êrîşa Dewleta Tirk a dagirker ya li ser Xakurkê û Kurdistanê Serî Hildin berxwebidin. Pêwîste em bi hezaran Ciwan tevlî Mertalên Zindî yê Qendîlê bibin û her canek ji me bibe Mertal û Dagirkeriya Dewleta Tirk li ser axa Kurdistanê em ji holê rakin”.
NC / NUDA ELEFTİRYA
