Ji Çalakvanên Greva Birçîbûnê ya Strasbourg’ê Denîz Sûrgût bi rêya dîmenê li ser navê Çalakvanên Strasbourgê ji 2’mîn Konferansa Ciwanên Rojhilata Navîn axîvî. Sûrgût got: “Pêwîste her ciwan ruh û heyecana ji vê konferansê girtine biherîkînin qadan û qadan vê ruhê ve bixemîlînin. Pêwîste her ciwan di vê têkoşînê de cihê xwe bigire.”
KOBANÊ- Ji Çalakvanên Greva Birçîbûnê ya Strasbourg’ê Denîz Sûrgût bi rêya dîmenê li ser navê Çalakvanên Strasbourgê ji 2’mîn Konferansa Ciwanên Rojhilata Navîn axîvî. Sûrgût di axaftinê xwe de got: “Hevalno em bawerin ku di vê Konferansê de nîqaşên pir xurt were kirin û berxwedan hêj mêzintir were kirin. Pêwîste her ciwan ruh û heyecana ji vê konferansê girtine biherîkînin qadan û qadan vê ruhê ve bixemîlînin. Pêwîste her ciwan di vê têkoşînê de cihê xwe bigire.”
Denîz Surgût wiha dest bi xaftina xwe kir: “Hevalên Hêja û Ciwanên Qehraman di destpêkê de li ser hemû çalakvanên greva birçîbûnê ya Strasbourgê we silav dikin û konferansê we niha ve pîroz dikin. Greva birçîbûnê yê bêdem û bêdorveger a ku di pêşengiya Leyla Guven de hat destpêkirin di roja xwe ya 105’an de ye. Dîsa li Zindanên Tirkiye hevalên me 65 roje di berxwedanê de ne. Dîsa di cihên cuda de hevalên me di bercxwedana çalakiya greva birçîbûnê de ne.”
Sûrgût di berdewamiya axaftina xwe de got: “Dema ez dest bi vê çalakiyê kiribû, min bi yek armancê ve destpêkir. Ew armanc jî tecrîda li ser Rêber Apo tê meşandin şikandin bû. Ji ber ku em dizanin tecrîda Rêber Apo tê meşandin tecrîda li ser me hemuyan e. Bêguman di vê rêya berxwedanê de dewleta Tirk a faşîst xwest bi hîn rê û rêbazan ve, bi taktîkên şerê taybet ve vê berxwedana me vala derxe. Bi hevdîtinekî kin bi Rêber Apo re, tehliyekirina Leyla Guven, wekî armanca me ya dawî bû xwest vê berxwedanê dawî bikin. Lê me bersivê vê leyîstokan da û me got em di ferqa leyîstokê we de ne. Heya tecrîda li ser Rêber Apo neye şikandin, heya Rêber Apo bi şeklekî azad kare xwe bide meşandin em ê berxwedanê xwe bidomînin. Li dijî van em hêj bêhtir çalakiya xwe mezintir bikin. Me got bila dost û neyar bizanibin jiyanekî bê Rêber Apo em ê qebul nekin. Em ê jiyana koletiyê qebul nekin. Jiyanekî ku bênasname em ê qebul nekin. Em ê jiyanekî ku ruhê ciwantî hatiye dizîn qebul nekin. Me dîsa got heya dilopek xwîn di laşê me de bimîne em ê heman sloganê biqîrin. Em ê dîsa jî bêjin “Bijî Serok Apo”. Lewra ev konferansa pêk tê bêguman pir dîrokiye û pirgirînge. Nîqaşkirin û nirxandinên paradigmaya Rêber Apo îro çareserkirina herî esasî ê ku ji bo gelên Rojhilata Navîn û ciwanên Rojhilata Navîn e. Ji bo vê girîngiyekî wî heye. Ji bo vê Rêber Apo ji bo me hemûyan mifteya xilasiyê ye.”
Sûrgût axaftina xwe wiha dawî kir: “Hevalno em bawerin ku di vê Konferansê de nîqaşên pir xurt were kirin û berxwedan hêj mêzintir were kirin. Pêwîste her ciwan ruh û heyecana ji vê konferansê girtine biherîkînin qadan û qadan vê ruhê ve bixemîlîne. Pêwîste her ciwan di vê têkoşînê de cihê xwe bigire.
Em bawer dikin ku ruhê îro li Strasbourgê bi ruhê Konferansê we re heman renge û dibêje “Bijî Serok Apo”
Axaftina Denîz Sûrgût ji aliyê ciwanan ve bi çepikên xurt bi diruşman hat silavkirin. Ciwanan ji peyama çalakvanan coş û moralek mezin jiyan.
