Di dîroka gelê Kurd de li hemberî her berxwedaniyekê xiyanetek hatiye jiyîn.Lê tevî van xiyanetan jî gelê Kurd û Tevgera Azadiyê berxwedaniya xwe domandiye û mezin kiriye. Xilasbûna xwe her tim di berxwedaniyê de dîtiye. Ango mirov dikare bêje li hemberî her cûre kirêtiyên dijmin, berxwedanî bûye xilaskera gelê Kurd. Lewma di dîrokê de ti carî dijberên Kurdan serneketine û negahane armanca xwe. Hemû pêşengên Kurdan kuştin, darvekirin û qetilkirin. Lê dîsa jî gelê Kurd tine nebû. Li ber çemê dîrokê, gelê Kurd hebûna xwe bi berxwedaniya xwe ya bêhmpa meşandiye. Êş, kûl û janên xwe ji bîr nekirin. Di her serhildaneke wan de mirovên ku dihatin qetilkirin ji bîr nekirin. Jinên ku dihatin qetilkirin û tacizkirin jibîr nekirin. Hêrsa xwe ya tolhildanê ti carî ji bîr nekir û digotin elbet wê rojek were em ê tola van qetliyaman hilînin.
Bi derketina Rêber Apo re êdî gelê Kurd xwe ji nû ve nas kir û zivirî dîroka xwe ya winda . Bi salan bû yên ku digotin Kurd nînin û hebûna wan jî nedihat hesibandin êdî wê bibînin ku hêza me Kurdan çiqas mezine. Wê bibînin ka em çiqas bi axa xwe ve girêdayîne û têkoşîna me çiqas mezine. Çawa ku Rêberê mirovahiyê Rêber Apo gelê Kurd şiyar kir û her qad kir qadên berxwedaniyê, gelê kurd êdî raboriya xwe nas kir û bû xwedî serkeftinên herî mezin. Ji ber ku gelê Kurd bi derketina Rêber Apo re şiyar bû û xwe nas kir, dixwestin di şexsê Rêber Apo de dubare gelê Kurd tine bikin û binax bikin. Lê belê ev daxwaz, xewn û xeyalên wan pêk nehatin . Gelê Kurd û berxwedaniya Rêber Apo hemû dekûdolabên wan vala derxistin. Lewma hema her roj di nav listok û komployên xwe de digevize. Her roj ji bo berxwedanî û hêviya gelê Kurd ya azadiyê bişkêne serî lîstokekê dide. Ji ber xwesteka hêzên dewletparêz pêk nayê, her roj aloziyekê di nav civakê de pêş dixin. Lê weke ku di dîrokê de hatiye dîtin gelê Kurd ti caran bi komplo û listîkên wan tine nebûye û berxwedaniya wan nerawestiye. Di bin pêşengiya fikir û ramanê Rêber Apo de her roj gelê Kurd mezin bû û niha bûyê hêvîya tevahî gelên cîhanê yên bindest. Lewma niha ev mirovê azad di bin tecritek giran de tê radestgirtin. Ji ber ku hemû rastiyên dewleta fasîst derxistin holê niha ya ku li hemberî van rastiyan ku derxistine ser dika dîrokê tecritek dijî mirovahiyê ye. Desthiltdarî û zihniyeta wan ya netewparêz çavên wan sorkirine. Lewma her tişt û her mirovê li ser riya heqîqetê dixwazin di dîrokê de tine bikin. Lê ev çavsorî û listîkên wan wê ti carî wan nebe dawiya xeyalên wan.
Êdî dîrok gelê Kurd û hemû gelên bindest vedibêje. Dîroka desthilatdariyê êdî di bin listok û komployên xwe de difetise. Ji ber ku Rêber Apo dîrok dubare zivirand ser jina xwedevend û berxwêdêr. Jin êdî di civakê de hebûna xwe bi saya Rêber Apo her roja ku diçe di hemû qadên civakê de diyar dike. Jin dubare zivirî ser textê xwedewendiyê. Tişta ku di serî de Rêber Apo danî pêşiya xwe û kir armanc hêza jina azad derxistina holê bû. Lewma şerê berxwedanî û azadiyê ku îro li her çar parçeyên Kurdistanê tê meşandin, di bin pêşengiya jina ku Rêber Apo hêza wê ya berxwedaniyê derxistiye holê tê naskirin. Jin û gelê Kurd bû xwedî nasname û hebûna xwe li her derê bang kir.
Di roja îro de her çiqasî Rêber Apo bi komployeke navnewetî hatibe dîl girtin û di bin tecriteke giran de bê radestkirin jî lê belê berxwedaniya gelê kurd nesekinî. Bi dîlgirtina Rêberê mirovahiyê berxwedanî nesekinî û gelê Kurd bêdeng nebû. Bi van komployên xwe yên ji rêze re nikarin gelê Kurd bêdeng bikin. Carekê ev deng li cîhanê belav bûye, êdî negengaze ku ev dengê azadiyê ku her roj dengek din lê zede dibe bê qutkirin. Ji ber ku Gelê kurd bindestiya ku bi salan li ser hatiye meşandin êdî qebûl nake. Ji ber ku çareserî, xilasbûn û azadiya xwe di azadiya Rêber Apo de dibîne.
Cîhan û jiyaneke bê Rêbertî wê her tim di nav qirîz û kaosan de bigevize. Deriyê van qirîz û aloziyan vekirina deriyê Îmraliyê ye. Ger ev deriyê ku ketiye navbera gelê Kurd û Rêber Apo de neyê vekirin, wê cîhan û hemû mirovahî ber lehiyek şêlû ve biçe. Îro hemû cîhan berê xwe dide ramanên azad ji ber ku çareseriya hemû cîhanê azadiya Abdullah Ocalan e. Ger dîrok ji nû ve şiyar bû û dîroka ku hezar salî hatî berevajîkirin ji nû ve bi hemû rast û heqîqeta xwe ve hate nivîsandin, êdî negengaz e ku ji vir û şûn de bizivire wan rojên xwe yên tarî. Bi taybet di bin pêşengiya berxwedaniya jinan de wê diwarên Îmraliyê werin hilweşandin. Îro hemû qad bûne qadên berxwedaniya jinê. Jin bi berxwedaniya xwe ya bê hempa wê Rêberê xwe azad bike. Berxwedanî û çalekiyên jinên pêşneg wê zihniyeta dewleta komploger têk bibe û serkeftina xwe ya azadiyê bi dest bixe.
Kajîn Botan
Navenda Lêkolînên Stratejîk a Kurdistanê
