Koordnînasyona Komalên Ciwan li ser biryara YNK ku girtina Navendên Tevgera Azadiyê daye raya gişti re daxuyaniyek da.
NAVENDA NÛÇEYAN- Koordnînasyona Komalên Ciwan li ser biryara YNK ku girtina Navendên Tevgera Azadiyê daye raya gişti re daxuyaniyek da. Komalên Ciwan got ku ”em bangawazî dikin ku li hember her leyîstokên xiyanetker bi şiara SERÎ HILDE di serî de Ciwanên Başûr û tevahî ciwanên sosyalîst, şoreşger, dijber biryara ku YNK girtiye helwestek nişan bidin û têkoşînê bilind bikin.”
Daxuyaniya Komalên Ciwan wiha ye:
Di demek ku em pîrozbahiyên salvegera 41’ê mîn yê partiya me ya şoreşger PKK dijîn, meşa azadiya bi heybet yê PKK ji her deme bêhtir bihêz û bibiryar berdewam dike. Di pêşengtiya Rêber APO de Tevgera PKK sînorên Kurdistanê derbas kiriye û ji tevahi gelên Rojhilata Navîn re û her çûye ji tevahî mirovatî re bûye hêviyekê mezin. Rûxmê êrişên dewletên Evropa û dewletên paşverû û faşist yên heremê , di nav tevahî mirovatî de bandora şoreşgeriya mezin nehatiye şikandin û meşa PKK û gerillayên PKK yê ku li rûyê erdê bûye yekane alternatifbûyina jiyana azad nekarine asteng bikin. Çi Komploya 15 Sibat’ê, çi di serî de DYA êrişên tevahî hêzên emperyalistan, çi êrîşên dewleta faşîst, metinger, dagirker TC yê ku bûye bela serê mirovatiya Rojhilata Navîn, çi jî ferzkirinên şebekeyên xiyanet û hevkartiyê meşa pîroz yê PKK nekariye bide sekinandin. Meşa azadiyê ku 40 sal bere ji aliyê ciwanên Şoreşger û Welatparêz hatibû destpêkirin îro gihiştiye asta serkeftinê. Ev rewş him dewletên faşist û emperyalist him jî xeta xiyanetker ku bûne kuklayên wan berteref kiriye. Lê belê mixabin em dibînin ku YNK ya ku xwe wekê partiyekê Kurdan dibîne bi biryarê xwe ya girtina Navenda Tevgera Azadiyê dixwaze ku xeta hevkartiya neyar ji nû ve zindî bike. Wek Ciwanên Welatparêz û Şoreşger yê Kurdistan’ê em dizanin ku ev biryar bi rêya fermana dewleta dagirker û faşist TC ve hatiye girtin. YNK bi vê biryarê xwe li ber dewleta dagirker TC serî tewandiye. Bêguman em dizanin ku biryara DYA ku ji bo sê pêşengê me girtiye û ev biryara ku bi fermana TC ve hatiye girtin bi hev û du re têkildar e. Em di ferqê de ne ku ev êrîşên ku tên kirin di nav konseptekê de ye û em ne bîyaniya wan êrîşanin jî. Çawa me bere van komployên qirêj vala derxistibe bila gumana tu kesî nebe ku emê van êrîşan jî dîsa vala derxînin.
Bi vê vesîleyê em bangawazî dikin ku li hember her leyîstokên xiyanetker bi şiara SERÎ HILDE di serî de Ciwanên Başûr û tevahî ciwanên sosyalîst, şoreşger, dijber biryara ku YNK girtiye helwestek nişan bidin û têkoşînê bilind bikin. Dîsa em bang dikin ku tevahî ciwanên ku di pêkhateyên Partiyên Kurdîstanî de cih digireli heöber vê xeta xiyanetker û biryara YNK’ê re helwestek nîşan bidin.
Em dizanin ku di axa Kurdistanê de wê tu carî xeta xiyanetker sernekeve. Yê ku serbikeve têkoşîna azadiya Kurdistanê ku bi pêşengtiya ciwanên welatparêz yên ku bi şiara SERÎ HILDE berxwe didin e.
