Li navçeya Kelarê hêzên asayîşê rê nadin Tevgera Azadî ya Civaka Kurdistanê li dijî biryara hikûmeta Herêma Kurdistanê ya ji bo girtiya ofîsên Tevgera Azadî çalakiyê pêk bîne. Asayîşê êrîşî endamên Tevgera Azadî kir û 3 kes birîndar bûn.
KELAR-Li navçeya Kelar a Germiyan wê îro Tevgera Azadî ya Civaka Kurdistanê li dijî biryara hikûmeta Herêma Kurdistanê ya ji bo girtina ofîsa partî û rêxistinên siyasî û binçavkirina 4 endamên Tevgera Azadî yên li baregeha Kelarê di saet 09.00’an de şermezar bikiriya. Lê hêzên asayîşê êrîşî çalakgeran kir û rê nede çalakiya şermezarkirinê pêk were.
Hêzên asayîşê bi giranî li endamên Tevgera Azadî ya Civaka Kurdistanê ên li baregehê dan û 3 endamên Tevgera Azadî rakirin Nexweşxaneya Lezgîn a Şehîd Hezar a Kelar.
Herwiha 4 endamên Tevgera Azadî yên li baregeha Kelarê ji aliyê asayîşê ve derî li ser wan hatiye girtin.
Tevgera Azadî ya Civaka Kurdistanê ji bo çalakiya xwe pêk bîne bi israre. Hêzên asayîşê li derdorê belav bûne û rê nadin çalakger kom bibin.
