NAVENDA NUÇEYAN- ENKS ku di her warî de li dijî gelê kurd bi dewleta Tirk a dagirker re di nava hevkariyê de ye vê carê jî dest davêje zarokan. Bi taybetî ev hevkariya ENKS’ê li Efrîn, Girê Spî û Serêkaniya dagirkirî heye.
Li gorî agahiyan MÎT’a Tirk bi riya ENKS’ê zarokan dixapîne û tevlî komên çeteyan dike. Piştî wê jî ENKS’ê di bi navê ku ciwanên şoreşger zarokan direvîne de malbatên wan zarokan li dijî ciwanan sor dike.
Encûmena Niştimanî ya Kurdî li Sûriyê, ENKS ku hevparê polîtîkayên qirêj ên dewleta Tirk a dagirkere, heroj îxanet li ser îxanetê li gelê Kurd û doza Kurdistanê dike. Bi taybetî jî ev kiryarên ENKS’ê yê di xeta îxanetê de li Efrîn, Girê Spî û Serêkaniya dagirkirî derdikeve pêş.
ENKS’ê bi riya MÎT’a Tirk zarokan tevî çeteyan dike
Li goî agahiyan ENKS bi perspektîfa MÎT’a Tirk zarokên ciwan dixapîne û tevî komên çeteyan dike. Lekolin.org ragihand MÎT’ê di 24’ê Adara 2024’an de bi rêya ENKS’ê zarokekî 16 salî xapandiye û tevî nava çeteyan kiriye. Gorî agahiyan ew zarokê ku hatiye xapandin navê wî Melêk Mistefa Qedûr e û ji Til Rifet ê ye. Lekolin.org ê ragihand ku çeteyan ew zarok birine Ezazê. Li gorî agahiyên ku me bi dest xistine, hate gotin ku beriya 3 hefteyan birayê Melêk Cafer bi wesayîtekê Melêk biriye Ezazê û di nava komên çete de bi cih kiriye.
ENKS dixwaze gel li dijî şoreşa Rojava sor bike
Hate diyarkirin ku wê demê bavê Melêk bi pêşengiya ENKS’ê çûye navenda Ciwanên Şoreşger û îdia kiriye ku zarokê wî ji aliyê wan ve hatiye revandin. Bi vê re eşkere dibe ku ENKS’ê ji bo afirandina têgihiştinek ku Tevgera Ciwanên Şoreşger ji şoreşa Rojava û vir ve zarokan direvîne di nava tevgerê de ye. ENKS’ê ji bavê zarokê bi navê Melêk xwastiye ku ciwanên şoreşger bi sûcê revandina zarokê xwe tewanbar bike. Lê tevlîheviya ku ENKS’ê dixwest li Til Rifet çêbike encam negirt. Hate hînbûn ku Melêk bi bavê xwe re têkilî daniye û gotiye ku ew li Ezazê tevlî komên çeteyan bûye.
Zarokên ku ENKS û MÎT tevlî çeteyan dikin di şer de têne kuştin
Ji xwe raporên çavdêrya mafê mirvan a Sûriyê (SOHR) tekez kir ku dewleta Tirk a dagirker zarokên Sûriyê yên di bin 18 saliyê de bi kar tîne. Di raporê de tê diyar kirin zarokê ku tevlî çeteyan tê kirin ji bo çihên ku şer heye tê şandin. Li gorî rêxistinê nêzî 200 zarokên ku çeteyan şandine Lîbyayê, di operasyonên leşkerî de hatin kuştin. Bi vê yekê re hem îxaneta ENKS’ê hem jî sûcên dewleta Tirk a dagirker û çeteyên wê careke din bi zelalî derkete holê.
Çavkani : Ronahi Tv
