NAVENDA NÛÇEYAN – Mirovek çima tê tecrîd kirin û bi rêbazên herî ne mirovane nêzîkatî raber dike. Mirov dikare bi çend sedeman diyar bike. A herî maqûl û aqilane ku mirov nîşanbide; ji wî mirovî ditirse. Ji hizir, raman û hêzbûna wî ditirse. Ji hebûna wî ditirse. Ji guherîn û veguherînên ku bike bandorê li ser wan bike, ditirse.
Yek ji xalên din ew e ku xwedî kêrhatî û îradeyeke xurt a têkoşînê û dijberiya wan e. Ev di warê hêz dibe, di warê fikir û îdeolojîk dibe. An jî dijî kiryarên ku ew dikin be. Însaneke hemû kiryarên aliyê dijber qebûl nake, li ber radibe, têkoşîn dike û rêxistinê li dijî vê çêdike.
Yek ji xalên din tu aliyê lewaz û zefî xurt dikî, ji ketinê radikî. Bi taybet dema zilm li ser gel û civakê hebe. Ev yek dihêle ku hêzên desthilatdar bi zilmane nêzîkatî li gel wan kes û koman bike. Tevger Azadî ya ku bi pêşengtiya Rêber Apo serî hilda xwedî van taybetmendiyên ku li dijî zilm û zordar, mêtinger û qirkeran rabûn. Ji bo wê ewqas bi bê rehmane nêzîk dibin.
Rêber Apo ku yek ji felsefevan û ramanbîrê vê serdemê ku gelek ji mirin, kolekirin, xwezaya wê ji qirkirin û mêtingeriya di serî de dewleta Tirk û hêzên hevkarê wê şiyar kir. Pêşî li qirkirinê girt û serde ew gelê mirî kir îrade û hêz li ber wê rakirin. Ev hemû û dîsa derxistina jin û ciwanan a gihandina pêşengîtî kirin ji bo azadiya gelê xwe, hêla ku bibe hedefa dijminên ku heta niha li ser gelan xwe didan jiyîn. Raman û felsefeya ku Rêber Apo danî û ji bo wê şer kir, hêza ji gel ku zarokên wê pêk tîne, kir ku ne tenê ji bo Kurdan ji bo hemû gelên bindest ên cîhanê û heta hemû gelên cîhanê bibe modeleke nû ya jiyanê. Ev yek hemû cîhanê tirsand, ev yek sîstema cîhanê serobin kir. Hêzên serdet û berjenwendîparêz ên xwe li ser bingehê sîstema modern kapitalîst avakirine û her gavê ji gel digirin û gel mêtinger û dagir dikin, gihiştin wê yekê ku ev modela ku Rêber Apo pêş xistî wisa bikeve nava civakê dawiya wan tîne. Ji bo wê bi komployekê dîl girtin û nêzî 24 sal in her kêlî her roj di bin êşkence û sîstemeke tecrîd û îzalasyonê ya giran de ye.
Tevî her tiştî jî Rêber Apo bi ruhê û felsefeya xwe ya civan ku bi gotina ‘Me bi ciwantî destpê kir, em ê bi ciwantî serbixin’ her kêlî, her saet û her rojê li ber xwe dide. Ew ruhê ciwan ê berxwedêr û serhildêr ku dilê wan ji bo azadiyê lê dide, dike ku li ber her cûre êşkence, zilm û zordariyê li ber xwe bide.
Ji bo wê ye ku divê ciwan jî vî ruhî û vê têkoşînê bibîne. Ruhê îro dihêle ku Rêber Apo li ber xwe bide û têkoşînê bike her ev ruhê ciwantî yê serhildêre. Ji bo wê ye ku divê ne tenê ciwanên Kurd, hemû ciwanên dilê wan ji bo azadiyê lê dide, vê ruhî ji bo xwe esas bigire.
Enceq ev ruh dikare di serî de wan û netewa wan azad bike. Ev ruh karî Kurdan ji mirinê zindî bike, ev ruh karî pêngava 14’ê Tîmehê pêk were; ev ruh karî 15’ê Tebaxê ruhê Şerê Gel ê Şoreşgerî biafirîne. Di dîroka nêz de vî ruhê Rêber Apo yên ciwanên fedayî û milîtan hilgirtibûn li Kobanê li Bakur û Rojhilatê Sûriyeyê bi hemû pêkhateyên wê ve li dijî reşeroma DAÎŞ’ê li ber xwe bidin û ser kevin. Vî ruhî Rêveberiya Xweser ku hemû nasname, ol, bawerî û çandî li hev nêzîk bike û bi hev re bijî.
Di roja îro de ev ruh li Zap, Avaşîn û Metînayê li dijî her cûre çekên qedexe û kîmewî ciwan li ber xwe didin. Eger ku ev ruhê azadiyê yê Rêber Apo nebûna, ne mimkun bû ku mirov ewqasî xwe li ber vê zilm û hovîtiyê bigire. Eger ku ev çada fedayîtî ya PKK’ê ku bila hevalê min bijî, bila ez biçim nebûna îro me nedikarî bi vî rengî bijî.
Ji bo vê ye divê ne tenê ciwanên Kurd, ciwanên Ereb, Fars, Tirk, enternasyonalîst û her kesê ji bo azadî û aştiyê ji bo gel û netewa xwe dixwaze têkoşînê bike, divê rastiya Rêber Apo û PKK’ê bibîne û vê çandê li nava xwe bicih bike. Eger ku vê neke nikare bibe şoreşgerek gel ê rasteqîne. Dikare şer bike, dikare bibe pêşeng, lê kêm dimîne. Ji ber ku dijminê gelan ewqasî hov û sînsî nêzîk dibe, ne bi îdeolojîk û felsefî û bîrdozî be mirov dikeve û ji rastiya xwe dûr dikeve. Bi hezaran mînakên wiha di nava şoreşan de pêk hatine.
PKK ev 50 sal in tevî hemû lîstik û komployan, nekarî bê tinekirin. Rojne bi tonak çekên kîmyewî û gazên jehrî li ser tunelên berxwedanê tên barîn, nexwe ev ruh û ev îdeolojîk neba, kê dikarî rojekê kêliyekê xwe li ber vê bigire. Ev ruh mirovan ava dike, mirovan dike têkoşer û şoreşger di her şert û mercî de rêya berxwedanê dibîne.
Ciwan û jinên ciwan divê li ser vê rastî û heqîqetê tim di nava lêgerîn û lêkolînê de be. Eger karî vê yekê bi ser bixin, teqez serketin û azadî ya gelan be. Bikare rola xwe bilîze û pêşengtiyê ji gel û civakê re bike.
Weysî Tallî Ji Bo Ajansa Nûçe Ciwan Nivîsandî……..
