NAVENDA NÛÇEYAN –
Ji Bîranîna Gerîla……
Heval û Zînê wexta ku bi hevdu re diaxifîn Sîsê jî qet rehet nedisekinî. Her kanalê televîzyonê diguherand. Çend caran dayika Sîsê jê re got, “Keça min wisa neke, ûz (rû girtin) nabe. Tu heval bêzar dikî.” Lê Sîsê qet nedisekinî.
Ji neçarî Zinê, kûmandaya televîzyonê ji dest Sîsê girt. Sîsê mirûzê xwe tirş kir, li ser kursî rûnişt. Di wê kêliyê de Zana ket hundir. Ber bi heval çû, bi hemû hêza xwe destê heval girt û hembêz kir. Ji parsûyên heval dengê qirçeqirçê hat; lê heval ji nêzikatiya Zana pir kêfxweş û dilşad bû.
-Ji zû ve tu nehatibû cem me. Ji bo te em ketin nava fikaran. Lê belê me tu dît. Bi dîtina te em pir kêfxweş bûn. Hûn çawan e? Heval çawan in? Bi taybet şêrên serê çiyan çawan e?
-Spas heval Zana. Vê gavê hemû bê bela ne. Li hemberî neyaran jî gelek serkeftin bi dest xistine. Hevalên gerîla duh şev bi telefonê bi min re axifîn.
-Ew êrîşa ku gerîlayên azadiyê li dîjî Oremarê pêk anîne, piştre li Zapê têkçûna hêzên leşkerî yên dewleta Tirk, li hember hemû dagirkerên Kurdistanê serkeftinên mezin û dîrokî ne ji bo gelê Kurd. Ev serkeftin dê bandoreke êrenî li ser dagirkerên me jî bike. Ez bawer dikim ku li ser dagirkerên parçeyê me jî kir.
-Bi gotina te ye bira, ez jî wek te difikirim. Êrîla Oremarê, destana ku gerîla li Zapê bi xwîn û ked nivisandiye wê bandorê li dagirkeran bike. Bi taybet wê bandorê li dewleta dagirker a Îranê bike. Di vê mijarê de ez jî wek te difikirim.
-Ez bawer dikim ku Îran di dema pêş de wê siyaseta xwe ya di derheqê PKK’ê de di pêş çavan re derbas bike, paşê jî biguhere.
-Gotina te ye birayê min ê ezîz, Zana.
-Ez bawer dikim; piştî ku Serok Apo dîl hate girtin û radestî dewleta Tirk hate kirin, Îranê bawer kir ku PKK dê tesfiye bibe. Lê belê êdî Îran jî dibîne ku PKK her bi hêz dibe… Ji ber vê yekê ez dibêjim, Îran dê siyaseta xwe ya halê hazir a di derheqê PKK’ê de di pêş çavan re derbas bike, dê siyaseteke nerm bide meşandin, heval.
-Nirxandinê te dibe ku rast û durist bin. Mijara nirxandina siyaseta Komara Îslamî qet ne eşkere ye… Lê, ez bawer nakim wek berê Îran nêzîkî me bibe. Dibe ku siyasetên hişk jî bide meşandin yan nerm jî…
-Ji bo çi wek berê nêzîkî me nabe, heval?
-Wexta ku têkiliyên me û Îranê xurt bûn, PJAK nehatibû ava kirin. Ji ber vê yekê êdî Îran wek berê nêzîkî me nabe. Di derheqê me de wê her di nava şik û gumanan de be…
-Parçeyekî Kurdistanê; hem jî parçeyê piştî Bakurê Kurdistan, parçeyê Kurdistanê yê mezin di bin dagirkeriya Îranê de ye. Heta bi sed salane di bin dagirkeriya Îranê de ye… Ji hilweşandina dewleta Medan û wir de, di bin dagirkeriya Îranê de ye…
-Belê, bi sed salane parçeyekî welatê me di bin dagirkeriya Îranê de ye. Îran, ji bo berjewendiyên xwe gelek caran bi tevgerên Kurdên parçeyên dîtir ên Kurdistanê re alîkarî kiriye. Lê belê ji bo ku Kurd azad bibin ev alîkarî tu caran nekiriye. Ji bo ku cîranê xwe yên wek Iraqê, wek Tirkiye lewaz bike, ev alikarî kiriye. Wexta ku, tevgerên Kurdan, kijan tevger dibe bila bibe, ber bi serkeftinê çûye, Îranê bi dewletên wek Iraq, wek Tirkiye, bi dewletên dagirker re peyman îmze kiriye, bi hevdu re tevgerên Kurdan tesfiye kirine….
Dê berdewam bike….
