NAVENDA NÛÇEYAN – Komîteyên zindanê yên PKK û PAJK’ê diyar kirin, girtî li zindanan têne qetilkirin û got, “Divê kes bêdeng nemîne, divê li her qadê çalakiyên girseyî werin kirin. Şehadeta hevalên me divê bibe sedema geşkirina berxwedanê.”
Daxuyaniya Komîteyên zindanê yên PKK û PAJK’ê wisa ye;
“Li hemberî berxwedana dîrokî ya ku bi pêşengiya berxwedana Îmraliyê ya Rêber Apo, gerîlayên me yên qehreman, gelê me û hevalên me yên li zindanan, desthilatdariya faşîst a AKP û MHP’ê ketiye nav têkçûneke gelekî mezin. Desthilatdariya AKP û MHP’ê ji bo sekinandina hilweşandina xwe û êrîşên xwe yên qirkirinê bigihîne encamê, li her qadê êrîşî gel û têkoşîna me dike. Ji bo ku di vî şerî de bi ser bikeve, di şexsê Rêber Apo de gelê Kurd dixe nav pergala êşkence û tecrîdê, çekên kîmyewî û taktîk nukleer bi kar tîne, sivîlan qetil dike, hemû daristanên Kurdistanê dişewitîne, her cure rê û metodên qirêj ên sûcê mirovayetiyê dike.
Faşîzma AKP û MHP’ê li hemberî têkoşîna di warê leşkerî, siyasî û civakî de xitimiye, dixwaze tolê ji girtiyên di zindanan de bistîne, hemû polîtîkayên xwe yên zindanê li ser bingeha tolhildanê bi êşkence û qirkirinê dike. Bi destê rêveberiya zindanê û xebatkarên wê yên nijadperest, faşîst û dijminatiya Kurdan dikin ên ku kadroyên AKP û MHP’ê ne, pergaleke êşkence û qetlîamê hatiye avakirin. Li ser bi deh hezaran hevalên me her roj êşkence tê kirin, hevalên me yeko yeko tên qetilkirin.
Her roj ji zindanan nûçeyeke qetlîamê tê. Ev nûçeyên qetlîamê yên ku berê salê çend caran dihatin, a niha bi rejîma faşîst a AKP û MHP’ê re zêdetir bû û bûye polîtîkayeke rojane. Dijmin dixwaze van qetlîaman bike tiştekî rojane û bi vî awayî wê berfirehtir bike. Heke nerazîbûn tunebe, mirov nekeve nav berxwedanê û xwedî li zindanan dernekeve, ev tê wateya ku zemîn ji vê polîtîkayê re tê avakirin. Heke şehadeta hevalên me veguhere serhildanê wê demê ew ê dijmin dev ji vê kirinê berde. Divê xwedî li vê peywira welatparêzî, demokratî û mirovayetiyê were derketin.
A niha ewlehiya can a tu hevalên me yên li zindanan tune. Dibe ku rejîma faşîst û dijminê Kurdan hevalê me qetil bikin. Divê li hemberî vê rewşê tu kes bêdeng nemîne, li her qadê çalakiyên girseyî bike, divê şehadeta hevalên me bikin sedema geşkirina têkoşînê. Di serî de malbatên me yên girtiyan û gelê me yê welatparêz, divê hemû derdor û saziyên demokrat û welatparêz xwedîlêderketina girtiyan wekî deynekî rûmetê bibîne, hêrsa xwe ya li hemberî faşîzmê divê li qadan nîşan bide. Divê ciwanên Kurd çalakiyên cezakirin û tolhildanê yên li dijî xebatkarên zindanê û gardiyanên ku çeteyên AKP û MHP’ê ne zêdetir bikin, divê nîşan bidin ku tişta ku ev çete dikin wê ji wan re nemîne.
Di şexsê heval Îbrahîm Yildirim ê ku di 14’ê Tebaxê de li Girtîgeha Xarpêtê û Mehmet Canpolat ê ku di 15’ê Tebaxê de li Zindana Gîresûnê hatibûn qetilkirin, em hemû şehîdên xwe yên zindanê bi rêz û hurmet bi bîr tînin, sersaxiyê ji van hevalên xwe yên girtî û gelê xwe re dixwazin, em soza xwe dubare dikin ku em ê bîranîna wan bigihînin serfiraziyê û tola wan bistînin.”
