ŞEHBA – Piştî ku dewleta Tirk ya dagirker bi hevkariya PDK’ê li ser Herêmên Parastina Medyayê êrîşên dagirkeriyê da despêkirin, heya roja îro jî, bi tevî hemû teknîk û çekên kîmyawî berdewam dike, lê belê dîsa jî li hember wê ji aliyê Gerîlayên Azadiya Kurdistanê ve berxwedaneke bê hempa tê raber kirin, gerîla çûnkê wan daye erdê. Ji ber vê jî hêzên faşîst û qirker dixwazin binkeftin û windahiyên xwe bi êrîşên li ser gelê Kurd re veşêre, dixwaze bi van êrîş û planan vîn û hêza gelê Kurd û tevahî gelê herêmê lawaz bike. Lê belê gelên herêmê ku xwe li ser esasê stratêjiya Şerê Gelê Şoreşgerî bi rêxistin dikin, hemû êrîş û planan vala derdixin.
Li ser vê bingehê ji ciwanên şoreşger ku ew jî di xebatên rêxistin kirina gel ya li ser esasê Şerê Gelê Şoreşgerî de cihê xwe digire, diyar kir ku wê bi riya Şerê Gelê Şoreşgerî serkeftinên mezin bi dest bixin û got; “Bila tevahî hêzên dagirker bizanibin ku gelekî welatparêz li vê derê ye, gelekî xwedî îrade, xwedî hêz li vê derê ye. Dijmin çiqas bibêje, emê êrîşî Şehba bikin, ew tu carî nikare me bitirsîne. Em bi biryarin ku emê serkftinên mezin bi dest bixin û dagirkeriyê têk bibin.”
Bi temamî axaftina berdevkê Tevgera Ciwanên Şoreşger Xalid wiha ye;
“EM BI BIRYARIN KU DAGIRKERIYÊ TÊK BIBIN”
“Navê min xalid, ez berdevka Tevgera Ciwanên Şorşeger ya herêma Efrînê me. Ji dema ku em ji Efrînê koçberî Şehbayê bûne de, dewleta Tirk hertim dibêje, ezê êrîşî Şehbayê bikim, dixwaze gel bitirsîne. Lê belê em weke Tevgera Ciwanên Şoreşger li hember êrîşên dagirkeriyê amadekariyên xwe dikin, em hêza ciwanan bi pêşdixînin, ev bû du mehin me xebatên perwerdeyê daye destpêkirin. Armanca me ji van perwerdeyan ewe ku ciwan xwe di her alî de ji bo vî şerî amade bikin û zanabûna wan di her aliyê jiyanê de hebe. Ji ber vê em dibêjin ger dema êrîşên dagirkeriyê destpêbike, em amade ne. Emê li hemberî dagirkeriyê, ji bo parastina welat û gelê xwe ve, bedêlên giran bidin, ger şer çiqas dijwar jî be, emê di çepera pêş de cihê xwe bigirin, bersivên tûj bidin dagirkeran. Em bi biryarin ku vê carê dagirkeriyê têk bibin û serkeftinên mezin bi dest bixin, ev şer wê bibe şerê dawiyê.”
“EMÊ GEL LI SER ESASÊ ŞERÊ GELÊ ŞOREŞGERÎ BI RÊXISTIN BIKIN”
“Piştî ku me dewreyên xwe yên perwerdê bi dawî kir, wê tevahî xebatê me li ser esasê Şerê Gelê Şoreşgerî bê meşandin. Emê weke ciwan derbasî nava gel bibin û gel li ser esasê Şerê Gelê Şoreşgerî bi rêxistin bikin û perwerde bikin. Emê ji zarokan heya kesên temen mezin hemûyan bi rêxistin bikin û wan tevlî vê şerî bikin. Emê rastiya dijmin bi wan bidin naskirin.”
“TU CARÎ MORAL Û HÊZA ME LAWAZ NABE”
“Armanca dijmin ji van êrîşên dagirkeriyê ewe ku ciwanan tune bike û gel qir bike, em jî weke ciwan vê yekê qebûl nakin, wê red dikin. Bila tevahî hêzên dagirker bizanibin ku gelekî welatparêz li vê derê ye, gelekî xwedî îrade, xwedî hêz li vê derê ye. Dijmin çiqas bibêje, emê êrîşî Şehba bikin, ew tu carî nikare me bitirsîne. Ji ber ku ji dema koçberbûna me heya roja îro, ew her carê li herêmekê dide. Her dem şehîd û bîranîndarên me çêdibin. Lê tu carî moral û hêza me lawaz nabe.”
“CIWAN FEDAYÊ WELATÊ XWE NE”
“Em weke Tevgera Ciwanên Şoreşger soz didin ku, emê tu carî dev ji axa xwe ber nedin, emê dagirkeriyê di Kurdistanê de têk bibin. Em soza xwe ji Rêber Apo, şehîdên xwe û gelê xwe re dubare dikin, emê heya dawiyê têkoşîn bikin, em weke Tevgera Ciwanên Şoreşger fedayê vê welatî ne.”
NC// Baran Mawa
