QAMIŞLO – Di bin dirûşmeya “LI DIJÎ DAGIRKERÎ Û ÎXANETÊ, WERIN CENGA AZADIYÊ” Komîteya Ragihandinê ya Ciwanên Şoreşger civîna xwe ya du mehan li bajarê Qamişloyê li darxistin.
Di bin dirûşmeya “LI DIJÎ DAGIRKERÎ Û ÎXANETÊ, WERIN CENGA AZADIYÊ” Komîteya Ragihandina Ciwanên Şoreşger civîna xwe ya du mehan li bajarê Qamişloyê li darxistin. Civînê bi deqeyek rêzgirtinê dest pêkir, piştî xwendina raporan ya her qadekê beşa rewşa rêxistinî hate vekirin û rewşa siyasî ya herêmên Bakur-Rojhilatê Sûriyeyê û pêve girêdayî, ewlehiya herêmê û gefxwarinên dewleta Tirk ya dagirker û çeteyên girêdayî wê, çawaniya tevgerkirina li gorî wê pêvajoyê bû rojeva civînê.
Di axaftinan de encamên civînê, çareserî û çawaniya pêşxistina asta kar û xebat nîqaş kirin, her wiha êrîşên ku li ser çiyayên Kurdistanê pêk tên ji bo wê soza pêşxistin û bilindkirina asta kar û xebat hate dayîn. Li ser wê bingehê wê bi rihê berxwedana gerîla li dijî dagirkerî têkoşînekî bê hempa were meşandin.
Piştî qedîna rewşa rêxistinî û siyasî gelek nîqaş, pişniyar û pilansazî ji bo demên pêş hatin girtin û li ser wê bingehê pilansaziya kar û xebat hate diyar kirin. Di çarçoveya civînê de endamên RAC yên pêkhateyên Ereb û Kurd ji ajansa me re axivîn.
Destpêkê ciwanê bi navê Ehmed Hesen wiha axivî û behsa girîngiya xebatê ragihandinê kir; “Navê min Ehmede, ez kar û xebata ragihandinê ya Tevgera Ciwanên Şoreşger a kantona Efrîn-Şehba dikim. Îro me civîna xwe ya ragihandinê li darxist, destpêkê kar û xebatê ku li hemû herêman hatî kirin hate nirxandin, di heman demê de jî kêmasiyên ku derbas bûne di ber çavan re hatin derbaskirin û çareseriyên guncav ji bo wan pirsgirêkan hatin dîtin. Di derbarê vê yekê de rewşa herêmên Bakur-Rojhilatê Sûriyê, rewşa Sûriyê de bi giştî nîqaş hate kirin. Bi gelemperî rewşa herêmê di çi astê de ye, gefxwarinên dewleta Tirk li ser herêmên me di heman demê çi pilanên ku li ser gelê Bakur-Rojhilatê Sûriye tê kirin ev jî bû mijarên me yên nîqaşê. Ya dîtir plansaziyên ku di demên pêş de werin kirin çêbûn, bi giştî mirov dikare bêje bi giştî kar û xebat hate nîqaşkirin û karê ku hatiye kirin kete nîqaşê de her wiha li gorî wê pêvajoyê jî were tevgerkirin. Di heman demê de jî li gorî perspektîvên Şerê Gelê Şoreşgerî were tevgerkirin. Çawa li kêleka gerîla cihê xwe di vê pêvajoyê de jî bigrin hate nîqaş kirin. Bi giştî mirov dikare bêje ku civîna me ji bo kar û xebata me wê bibe perspektîvekî xort.”
Her wiha ji pêkhateya Ermen jina ciwan ya bi navê Sara Gurbiyan jî bal kişand ser misyona vê civînê û got; “Navê min Sara Gurbiyan e, ji civaka Ermenim, weke endama Ragihandinê ya Tevgera Ciwanên Şoreşger kar dikim. Îro civîna me bû, em weke pêkhateya Ermen derbasî vê civînê bûn, ji pêkhateya kurd û Ereb ev civîn çêbû. Piştî du mehan em civîna xwe çêdikin me pilansaziyên kar derxistin, ku em jî weke ciwan li ser çi kar bikin. Civîna me serkeftî derbas bû. Me ji bo xwe û pêşerojê ve encamên girîng jê derxistin.”
Heman demê de endama Ragihandina Tevgera Ciwanên Şoreşger û endama RAC jina ciwan ya bi navê Fatîma Hîlal wiha axivî; “Îro me civîna giştî ya ciwanên şoreşger a li ser asta Bakur-Rojhilatê Sûriyeyê li darxist bi giştî mijara civînê di derbarê êrîşên dawî yên dewleta Tirk ya dagirker de bû, bêguman ev êrîş encama lawazbûna dewleta Tirk e. Êrîşa wî ya dawî jî li ser heval Ferhad Şibilî bû. Armanc girtina Ferhad Şibilî armancgirtina Şoreşa Rojava û şoreşa Rêveberiya Xweser giştî ye. Em weke Ragihandina Ciwanên Şoreşger vê êrîşê bi tundî şermezar dikin û em teqez dikin ku emê li dijî vê yekê li berxwe bidin. Em di israrbûna xwe de tekûzin û berxwedana me bi vê şoreşê re heya dawiyê ye. Ev êrîş me lawaz nakin berovajî wê hîn zêdetir me bi hêz dikin, berxwedan, hêz û israra me zêde dike.”
Di dawiyê de civîna ciwanan bi soza mezinkirina şoreşê û bilindkirina têkoşînê bi dawî bû.
