NAVENDA NÛÇEYAN – Endamê Însiyatîfa Azadî ji Abdullah Ocalan re Haşim Hiso got, “Ji bo azadiya Rêber Apo her kes erkdare ku têkoşîn bike” û anî ziman ku hemû gelên azadîxwaz wê di vê çarçoveyê de xebatê xwe bidin meşandin.
‘RÊBER APO ÎNSANÊN KU KARBIN AZAD JIYAN BIKIN Û AFIRÎNERÊ CIVAKA XWE BE AFIRAND’
“Li ser hesabê êş û azariya însan modernîteyekî nû, xwe bi hêz kir û xort kir, ji vê sîstemê du çîn çêbûn. Yek ji van çînan bû çîna feqîran çîna ku hertim rastî destdirêjiyê tê, û çîna din jî çîneke dewlemend û serdest e. Ji ber vê yekê jî vê sîstemê ser jinê jî bandor kir, destê xwe dirêjî jinê jî kir, ev sîstem modernîteya kapîtalîst jin ji bo berjewandiyên xwe yên desthildariyê bikaranîn. Jina ku di dîrokê de xwedawend bû, anî roja îro kirin koleya herî mezin. Ji ber vê jî tenê Rêber Apo li hember vê sîstemê derket, li dijî wê konfedralîzma demoqratîk ava kir. Di nava vê sîstema ku Rêber Apo bi pêşxistî de her însan wekî hev du, her însan wê azad jiyan bike. Di nava vê sîstemê de ne ji mafê tu kesî ye ku serdestiyê bide meşandin. Rêber Apo însanên ku karbin azad jiyan bikin û afirînerê civaka xwe be afirand. Rêber Apo ji bo bê exlaqiya ku li ser civakê hatî ferz kirin, pîvanên nû yên jiyana azad pêşkêş kir.”
‘SÎSTEMA RÊBER APO TAM LI DIJÎ SÎSTEMA MODERNÎTEYA KAPÎTALÎSTE’
“Rêber Apo ji malbetekî feqîr bû, di malbetekî ku eşîrên wê yên mezin nîn bû de jiyan dayîk bûye. Ji ber vê jî Rêber Apo rastiya însanên feqîr naskir û li kêleka wan de her ma. Bi kar, mêjî, rih û dilê xwe ji bo însaniyetê xizmet kir. Rêber Apo her tiştî dike, ji bo ku însanên bindest bike xwedî hêz û nirxên wan bide destê wan. Sîstema Rêber Apo tam dijî sîstema modernîteya kapîtalîst e. Ji ber vê jî dîtin ku Rêber Apo dixwaze yekbûna gelan ava bike, çînên bindest bike xwedî îrade û hêz, ji ber vê jî Rêber Apo qebûl nekirin, ew dîl girtin.”
‘JI BER KU RÊBER APO JI BO MIROVAHIYÊ MEZIN FIKIRÎ, EW DÎL GIRTIN’
“Rastî ji bo azadiya Rêber Apo, dema ku însan xwedî exlaq û wijdan be, ger ku li gel însanekî tiştên paqij û rast hebe, wê demê ewê bi îradeya xwe û xwezayî xwedî li Rêber Apo derbikeve. Îsanên drûst wê ji bo azadiya Rêber Apo kar û xebat bide meşandin. Rêber Apo her tiştê xwe daye gelê Kurd û cîhanê. Ji ber vê jî komploya ku ser Rêber Apo bi pêşketî, ji dîrokê de heya roja me ya îro tiştekî wisa bi carekê jî nehatiye kirin. Çima wisa kirin? Ji ber ku Rêber Apo mezin difkirî, ji bo gelên bindest û feqîr xwedî fikrên azad e. Ji ber vê yekê jî ji her mirovekî tê xwastin, û ev jî wekî barekê li ser milê me ye, berdêla wê çibe, divê em bidin. Ji bo azadiya Rêber Apo ya fîzîkî em her tiştî bikin. Ji ber vê jî tevahî însanên zane, rewşenbîr, azadîxwaz û ên diyar di nava civakê de ji bo azadiya Rêber Apo ya fîzîkî têkoşîn bikin û bixebitin.”
‘ÎRO KEDA RÊBER APO WEKE DAYÎNEKÊ LI STÛYA MIROVÊN AZADÎXWAZE’
“Ji bo vê jî dawî dibêjim, hemû îsanên azadîxwaz û bi taybet jî jin, ji bo azadiya Rêber Apo têkoşîn bikin. Ji ber ku Rêber Apo ji bo ku jinê azad bike, bi salan têkoşîn kir. Îro jî ev keda Rêber Apo wekî deynekê li stûyê tevahî mirovên azadîxwaze, ji ber vê jî erka me ya sereke azadiya Rêber Apo ye.”
NC// Mazlûm Kobanê
