NAVENDA NÛÇEYAN
12 Hezîran 2018
Hacî Esvet Şenyaşar û kurên xwe 25 sal in Sûka Tenzîlatê ya Stenbolê bi rê ve dibin.
Namzetê AKP’ê Yildiz ji bo gera bajêr ya xebatên hilbijartinê diçe dikana li Kolana Bîr Mîlyoncu ya Şaredariya Pirsûsê. Ji Hacî Esvet Şenyaşar daxwaz dike ku di hilbijartinan de dengê xwe bide wî û Hacî Esvet Şenyaşar jî diyar dike ku ew dengê xwe nade wan.
Piştî wê jî Hacî Esvet Şenyaşar bi rojan rastî sexta AKP’yiyan tê.
14 Hezîran 2018
Namzetê AKP’ê Îbrahîm Halîl Yildiz 10 roj beriya hilbijartinê dîsa bi xizm û cerdevanên xwe re derket rê. Ji bo ku dengê wan jî li ser hilbijartinê zêde bikin, lê dîsa Şenyaşar û kurên wî diyar dikin ku dengê xwe nadin AKP’ê.
Piştre jî birayên Ferît Şenyaşar Adil û Celal ji aliyê namzetê AKP’ê Yildiz û hevalên wan ve bi debançe û tiştên cuda rastî êrîşan tên.
Bazirganê ku dikana wî li kêleka dikana Şenyaşar e;
Namzet û xizmên AKP’ê li rûyê hevalên me xistin û nîqaş mezin bû.
Agir ji nişka ve hat derket. Celal û Adil bi daran hewl didan ku xwe biparêzin. Ev hemû li ber çavê polîsan qewimîn, lê wan cil û bergên sivîl li xwe kiribûn. Piştre birîndar rakirin nexwaşxaneyê.
2 kurên Hacî Esvet Şenyaşar Adil û Celal Şenyaşar ên di êrîşê de birîndar bibûn rakirin Nexweşxaneya Dewletê ya Pirsûsê. Kurê wî yê sêyemîn Ferît rakirin Nexweşxaneya Dewletê ya Balikligol a Rihayê ya li navenda bajêr.
Li ser teşwîqkirina namzeta AKP’ê xizmên Îbrahîm Halîl Yildiz destpêkê kamerayên ewlehiyê yên nexweşxaneyê şikandin û piştre ew kuştin û piştre jî kurê Hacî Esvet Şenyaşar birin beşa lezgîn a nexweşxaneyê. Kurek wan jî li ber Nexweşxaneya Dewletê ya Pirsûsê hat qetilkirin.
Xebatkarê tenduristiyê yê Nexweşxaneya Dewletê ya Pirsûsê:
Esvet Şenyaşar bi meş hat nexweşxaneyê. Li qada ketina odeya lezgîn a ku bi rengê zer hatiye nîşankirin, endamên malbata Yildiz hewl dan bikevin nexweşxaneyê. Esvet Şenyaşar benc kirin û bi lûleya oksîjenê li serê wî xistin. serê wî teqiya û xwîna wî li her derê rijîya. Heman şevê cih baş paqij kirin û boxay kirin. Wê demê kamîrayên ewlehiyê li odeya lezgîn rakiribûn. Derdora saet 02:00’an de dozger hate nexwaşxaneyê.
15 Hezîran 2018
Di 15’ê Hezîranê de dema kurên wî li Pirsûsê hatibûn definkirin Hacî Esvet Şenyaşar jiyana xwe ji dest da.
Piştî cînayetên tirsnak ên Pirsûsê, medyaya dewleta Tirk bi sûcdariya PKK’ê re bertek nîşan da.
17 Hezîran 2018
Fadil Şenyaşar jî bi giranî birîndar bibû. Piştî ku ji nexweşxaneyê derket piştî demekî kurt li Amedê ji aliyê polîsan ve hat destgîrkirin û heta niha di girtîgehê de ye.
09 Adar 2021
Piştî têkoşîna malbata Şenyaşar a bi salan ji bo maf û edaletê, dayîk Emîne Şenyaşar bi kurê xwe Ferît Şenyaşar re dest bi nobeta edaletê kirin e. Edaleta li ber edliya Rihayê heta îro dewam dike.
15 Hezîran 2022
4 sal piştî qetilkirina ferdên malbata Şenyaşar, îro jî malbata Şenyaşar nobeda edaletê didomîne.
Heta ku Fadil Şenyaşar azad bibe û kujer bên cezakirin di têkoşîna xwe de bi biryar in.
“Têkoşîna me ya edaletê hîn neqediyaye…”
