NAVENDA NÛÇEYAN – Mirov dikare bi pênaseyek kurt bêje komplo ewe ku bi armanca xistinê pilan tê kirin, dema ku kesek an jî ne tenê kes komek jî dibe, bixwazibin kesên li hember wan dibin asteng têkbibin, ji neçariyê vê rêbazê bi pêş dixin. Mînaka wê jî gelekin. Mirov dikare mînaka herî zêde ber bi çav bide ev komploya navnetewî ya di şexsê Rêber Apo de li ser hemû gelê kurd û bi taybet jî, li ser jinê bipêşketiye bide. Dema ku em li van hemûyan meyîze bikin emê fêm bikin ku ev komplo di nav demên dirêj de hatiye pilan kirin. Dema ku em nirxandinên serokatî jî bixwînin, bi awayekî berferih her tiştî vedike û rastiyê vê komployê dibêje.
Nirxandina Rêber Apo ya ji bo komploya navnetewî…
Ji ber ku min hevkarî qebûl nekir:
“Hêzên hegemon ên sîstema kapîtalîst Îngilîstan û DYA, ku hewl didin li ser hemû dewlemendiyên ser û binê erdê, petrol, civak û rêveberiyên Rojhilata Navîn serdest bin, dewlet, civak, rêxistin û kesayetên hevkariya vê polîtîkayê nakin îmha û tasfiye dikin. Vê yekê ji berê ve weke rêbazekê bi kar tînin. Em ji destpêkê ve di xeta azadîparêzî û serxwebûna gelên Rojhilata Navîn de israr dikin, lewma em bûn hedefa van polîtîkayên tasfiyeyê û komployê. Dema ku em li Şamê bûn, Îngilîstanê û Dewletên Yekbûyî yên Amerîkayê (DYA) qasidên xwe şandin û gotin ku divê em li gorî polîtîkayên wan ên Rojhilata navîn tevbigerin, naxwe wê me tasfiye bikin. Min pêşniyara wan a ji bo hevkariyê red kir. Min ji wan re got ku em ê dev ji xeta serxwebûn û azadîparêziya gelan bernedin. Piştre Talabanî hat û ji min re got, “Ocalan te çi kir, te serê xwe xist nava belayê!” û xwest ku ez biryara xwe ji nû ve binirxînim. Hewl da ku min îqna bike ji bo bi van hêzan re hevkariyê bikim. Lê min pêşniyar qebûl nekir. Min got, “Ez mirovekî xwedî pîvan im, xeta min ji bo gelan e. Ez şervanekî azadiyê me ku utopya wekhevî û azadiyê ya hezaran salan a gelan temsîl dikim, nabim şervanê kesî.” Ji ber vê yekê biryar dan ku min tasfiye bikin. Hesabê wê yekê dikirin ku bi tasfiyekirina min re PKK bê serî bimîne yan na.”
Piştî pêvajoya 1999´an yanê piştî ku Rêber Apo dîl hate girtin, hemû şer û pevçûnên me me bûn pevçûn û şerekî dîrokî, di pêvajoya ku Rêber Apo tê de dîl hate girtin her derê kurdistanê de agir pêketin li derdora Rêber Apo xelekek ji agir çêbû. Piştî ku hêrs û kîna kurdan û tevahî gelê bindest li hember vê komployê çêbû, her ku çû dijmin dagirkeriya xwe kûrtir kir û bi ser de hat, mirov dikare bêje ku ev harbûna wê jî bi awayekî pilankirî bû, ger ku tiştek demdirêj amadekariya wê an jî pilanên wê nehatibe amade dikirin wê demê Pêkanîna wê jî zehmet dibe. Lê belê dema em li pilanên ku li ser Rêbertî hatine xêzkirin emê vê yekê baş fam bikin. Lê dijmin çiqas pilan bike gihîştina armancê xwe wê zehmet be, ji ber ku sekn, helwest û îradeya Rêbertî ne mumkîne ku vê yekê vala dernexîne. Gelê kurd jî îro li ser vê sekn, helwest û îradeyê ve jiyan dike û berxwedide.
Taybetmendiyên ku xwe didin pêş di vê komployê de yêê de derdikeve pêş hêzên hegomanîk û deshildare. Bi hezaran salan li ser gelê kurd her cure komplo ji bo winda kirina çand, nasname, hebûn, dîrok û heya dawiyê pir tişt hene. Her kardikin ji bo ku vê kurdiyatiyê winda bikin. Dema em rûpelên dîrokê jî vedikin em dibînin ku her serhildanên kurdan hatine perçiqandin û di ser wan de hatiye giritin, ev hemû jî her car ji hêla hêzên hegemon û desthildar ve tê dubare kirin, yanê mirov dikare bêje dîrokê xwe di şexsê kurdan de dubare kiriye. Lê belê ev komploya ku di şexsê serokatî de li ser tevahî mirovahiyê bi pêşketî, hem hêzên ku ev komplo bi pêşxstine cuda bûne ev cudabûna wan ne di aliyê zihniyetê de ye di aliyê kûrbûna wê de dibêjin û hem Jî sekna vînî ya Rêber Apo ev komplo vala derxist.
Piştî ku Rêber Apo ev sekn raber kir hemû hêzên hegemon li ser tune kirina tevgera azadiyê li hev hatin. Bi hemû derfetên xwe yên heyî û bi rêbazên cur bi cur xwastin tevgera azadiyê ya gelê kurd tesfiye bikin û van rêbazên xwe heya niha jî berdewam dikin. Çawa dikin nakin nikarin bi ser bikevin, heta bîle tecrîda ser Rêber Apo giran dikin û ji her hêlê ve êrîşî tevgera azadiyê û gelê kurd ve dikin lê dîsa jî ne mumkîne encam bigirin, ji ber ku Rêber Apo ji dîroka kurdan tecrûbeyek derxistiye, û xalên ku tê de kêm mane nikarîbûne bibin bersiv Rêbertî ew hemû xwandin û li ser van esasan bingehê şoreşê li kurdistanê çêkir, û li ser gotina “kurdistan mêtîngehe” dest bi têkoşînê kir û bi hezar însan bi vê gotinê re tevlî xwe kirine, û her kesî ji vê felsefeyê û îdeolojiyê ve bawer kir.
Ji ber vê yekê kes nikare hêz û îradeya vê gelê bişkîne.
Gelê kurd bi tevahî di wê berwariyê de ku ev hêzên emperyalîst wê ji vê komployê qezenc nekin, ji ber ku êdî gelê kurd rastiya xwe dît û xeta ku pê têkoşîn bike jî dîtiye û êdî bûye gelekî şerker kes nikare wan bisekinîne wê heya dawiyê di xeta rastiya serokatî de berxwebidin û heya azadiya fîzîkî ya Rêber Apo bi dest nexin û dagirkeriyê tune nekin wê her li qadan bin.
