DÎLOK – Li Girtîgeha Girtî ya Îslahiyeyê girtî Îlhamî Îşçî, Ûgûr Urun, Zennar Demîr û Hîccet Ûmûî yê ji Rojhilatê Kurdistanê, li dijî binpêkirina mafên mirovan di 6’ê Nîsanê de dest bi greva birçîbûnê ya bêdem-bêdorveger kirin.
Girtiyên ku beriya niha bi demekê ji Mêrdînê veguhastin Girtîgeha Girtî ya Îslahiyeyê ya Dîlokê, li ketina girtîgehê bi rengekî tazî li wan hatibû gerîn.
Li gorî parêzeran, rêveberiya girtîgehê şekir, xwê û lîmon ku pêwîstiyên zerûrî ne nadin girtiyan. Lewma jî çalakiya greva birçîbûnê weke “rojiya mirinê” dewam dike.
Rêveberên ÎHD’ê yên Dîlokê wê 18’ê Nîsanê biçin girtîgehê û tê payin ku bi girtiyan û rêveberiya girtîgehê re hevdîtinê bikin.
