NAVENDA NÛÇEYAN –
Dîroka kurdistanê, dîrokeke ji berxwedanî, qehremantî , û destanî ye. ji Gutiyan heta bi Luluyan, ji Hurî, Hîtîtan, Mîtaniyan, Xaldî, Naîrî, heta bi Medan, û ji wir heta bi Apociyan bi rêbertiya Rêber Ocelan, hertim eniya pêş ya parastina mirovatiyê û şerê li dijî zordariyê bûne û hînajî wisa berdewam û mezin dibe.
Tevahiya Împeratoriyên dîrokê yên zalim, ji Akadiyan, Babiliyan, Aşuriyan, Îskenderê Mekedonî, Emewiyan, Ebasiyan, Moxol, xaçperestan û heta bi osmanî, îngliz û firensyan, di roja îro de jî bi pêşengtiya Rêber Apo, Kurd li beramber pergala kapîtalîzmê, Nato û çar dagirkeran li berxwedidin û azadî û nirxên mirovatiyê diparêzin.
Newroz, yek ji wan rojên serkeftinên Kurdan e, yek ji hezaran rojên ku Kurdan dujminên herî zalim li ser rûyê erdê têkbirine, mîna cejna têkbirina DAIŞ ku dujminê mirovatiyê bû û şaxek ji şaxên çetetiya faşîzma Turk ya turanî bû.
Newroz cejna berxwedanê ya serkeftin û rizgerbûna ji împeratoriya zalim Dehaq bû, ji ber wê jî efsaneya kawayê hesinkar bû.
Di wê rojê de Kurdan ne tenê xwe; gelên Fars, Belûç, Efgan, Azer, Ereb û gelên din jî ji zulm û metirsya Dahaqê Aşûr xilaskirine. Em bala xwe bidinê îro jî Kurd xwe hem tevahiya gelan ji faşîzma Turk , DAIŞ, û Îxwanî muslimîn û El qaîde diparêzin ku bûne bela serê tevahî gelan. Ev çîroka newroza me ku bi navên cuda cuda xwe di berxwedana Kurdan de dide berdewamkirin, bi pêşengiya APOCIYAN, ev çîroka dîroka me Kurdan, bê navber xwe wek kabûsa xewna zaliman domandiye.
Berya ku Rêber Apo li Kurdistanê derkeve, Newroz wer bibû mîna cejnek ji rêzê. Tevî ku li Kurdistanê roj û şev zulma herî mezin dibarî, qirkirin, komkujî, îhanet, talan, tecawûz, mişextkirin û her wiha.
Yanî Kurd xwedî cejnek ya berxwedanê bûn lê tevî ewqas zulm ew cejin nekaribûn vê bixinbingehê berxwedanê. Lê belê bi çalakiya fedayî ya Şehîd Mezlûm Dogan, ku piştî berxwedanek dem dirêj di zîndana Amedê , de pêkhat û pişta artêşa turk û nato da erdê û berê dîrokê cardin zîvirand berxwedanê. Bi duruşmeya “Berxwedan Jiyan e” di şeva newrozê de bi agirê bedena xwe zindan û derveyê zindanê rakir berxwedanê. Şevên tarî ronîkirin, mîna ew şeva ku Kawayê Hesinkar agir bi destê xwe hilda, Mezlûm Dogan , ew agir bi bedena xwe hilda. Newroz ji nûvde vejand, têkçûna ruhî ya artêşa turk ragihand. Mîna ku agirê newrozê, têkçûna Dahq ragihand. Di heman demê de Zekiye û Reşan jî bi bedena xwe agirê newrozê geşkirin li ser şopa Kawayê hemdem, Mezlûm Dogan û vejîna Newrozê, temam kirin. Bi keda serok û xwedî derketina wî wisa, cardin Kurd bûn Newroz û Newroz jî bû kurd. ji wê demê û virve, yanî ji salên heştêyan ve êdî gelê kurd bi ruh û hestên şewata Mezlûm Dogan, Zekiye û Rehşan, bi cesaret û fedayîtiya wan tevî hemû terora dewletê jî pîroz dikin.
Di salên 90 de li Cizîra botan û li Nisêbînê dujmin komkujî jî pêkanî lê nekarî newrozan asteng bike. ji ber ku êdî Mezlûm Dogan newroz li hîmê ” berxwedan jiyane vegerand!
Li Rojava jî, li Reqa jî tevî şehadeta 4 mihemedan jî, gel li ser vê şopê dev ji Newrozê berneda.Tişta herî girîg dema em qala Newrozê dikin bersiva van pirsane. Dema ku welatê te çar parçe be, di dest dagirkeran de be, zulm û talan û tecawûz di van astan de be, li dor te tujî çete û terorîstên mîna DAIŞ, Elqaîde, Îxwan muslimîn û Cebhet El Nusra û Heşdî Şaibî be, hemû jî sonda qetlîam û tecawîzan li Kurdan dixwune, ma gelo ev hemû têrê nakin ku ji bo parastina xwe û gel û welatê xwe tu seferber bibî? jiyana xwe ya şexsî ku bê watekirine deynî milekî û wek Mezlûm Dogan û Kawayê Hesinkar, serê faşît û çeteyan biperçiqînî?
Gelo ma rêbertiyeke te ya mîna Rêber Apo, ku tu gelan rêberek ewqas kedkar û fedakar û girêdayî gelê xwe nedîtine hebe û 24 çar salin di yek odeyekê de di bin tecrîda giran de li ber xwedide heye. Ev newroz ji te naxwaze ku tu hezaran newrozên din çêkî, qiyametê rakî gelan dostan û dujminan matkî?
Harun Apoyî
