BEHDÎNAN – Koordînasyona KJK’ê peyameke bibîranînê ya nivîskî weşand û got, ”Di şexsê hevrê Bêrîtan (Gulnaz Karataş) de ku li dijî dagirkeriya faşîst a dewleta Tirk û nokeriya teslîmiyetkar, milletgiriya hoveber di şerê başûr ê 1992’an de bi lehengî li ber xwe dayî û şehîd bûyî, hemû şehîdên me yên berxwedêr ên jin û mêr, bi bîrîkirin, minet bi bîr tînin, ji bo bîranîna şehîdên me yên mezin em sond dixwin ku têkoşîna azadiyê geş bikin.”
Di peyamê de bi berdewamî wiha hate gotin:
”Hevrê Bêrîtan, keça dilêr, esîl û birûmet a Dersimê, bi jiyan û çalakiya xwe bersiva herî mezin daye dîroka qirkirinê ya li ser gelê Kurd û jinên Kurd. Li dijî dagirkeriya faşîst a TC’ê û xeta nokeriya Kurd û teslîmiyetkar heta bi guleya xwe ya dawî şer kiriye, ji bo ku teslîm nebe xwe ji kendavan avêtiye. Dîroka berxwedana bêhempa a Besêyan ku 1938’an li dijî TC’ê ya qirker heta bi guleya xwe ya dawî şer kirî û ji bo ku teslîm nebin ji xwe kendalan avêtî, ji bo ku di destê artêşa Osmanî de nebi hêsîr jinên Kurd ên Êzîdî xwe avêtin Çemê Êlih û Dîclê, di kesayat, jiyan û çalakiya xwe de pêk aniye. Ev helwesta ku dîrok û kêliyê di kesayat û çalakiya xwe de tîne cem hev, bûye sembola lixwevegerînê ji bo jinên Kurd, jinên Elewî ku bi tercîha azad û xwehişmendiyê ji pergalê qût dibin û li dijî polîtîkayên qirker disekinin. Li Dersimê ji Besêyan heta bi Zarîfeyan, Sarayan, Bêrîtanan, Zîlanan ev xeta berxwedanê û ev çand kiriye ku dijmin jî jê re hurmetdar be, artêşa azadiyê ya mezin a jinê ava kiriye, tevgera vê ava kiriye û bûye şoreşa jinê.
Giyanê berxwedanê yê heval Bêrîtan her wiha nîşan daye li Dersimê Elewiyên Kurd li dijî asîmîlasyon, qirkirinê ya dewleta TC’ê divê çawa têkoşîn were dayin, berxwedaniyeke çawa were kirin, bi helwesta azadiyê ev hatiye nîşandan. Rizgariya Dersimê, geşkirina xebatên Kurdistana azad û jinên azad, bi xurtkirina yekîtiya netewî wê pêkan be. Xeta heval Bêrîtan her wiha bûye sembol ku gelê me yê Elewî wê çawa li xwe vegere.
Di şerê xiyanetê û dagirkirina Başûr ê sala 1992’an de xeta nokerî û teslîmkariyê bi xeta berxwedan û azadiyê ya hevala Bêrîtan hate pûçkirin. Piştî 29 salan ev xeta noker li dijî Kurdîtiya azad, li dijî tevgerê û gerîla ketiye nava konsepteke nû ya tunekirin. Di serî de li Herêmên Parastinê yên Medyayê û tevahiya Başûrê Kurdistanê ji bo pêşî li jiyana Kurdên azad bigire, bi rêbazên siyasî, leşkerî û şerê qirêj êrişî tevgera me ya azadiyê û gerîla dike, şehîd dixîne, ji bo dagirkeriya dewleta Tirk a mêtinger, qirker û faşîst bê bicihkirin ji bo tasfiyekirina tevgera me her tiştî dike. Lê belê xeta azadî û berxwedanê ya hevala Bêrîtan îro jî li Avaşîn, Zap û Metînayê, li dijî vê xiyanetê û qirkeriya dewlet Tirk, weke bi sed hezaran Besêyan gerîlatiya jin a serdemê ber bi serketinê ve dimeşe. Li dijî şer-teknîka herî barbar a cîhanê, li dijî teknîka hov û çekên kîmyewî, milîtanên YJA Starê yên bi îrade û dilxwaziya azadiyê, pêşengiyê ji gerîlatiya serdemê re dikin, derbên mezin li dijmin dixin, wasiyeta hevala Bêrîtan, pîvanên wê bi cih tînin û welatê me ji dagirkeran re nahêlin.
Xeta xweparastinê ya jinê ku di şexsê fermandara mezin hevala Bêrîtan de pêk hat û li deşt û çiyê veguherî şertê hebûnê yê jinê, êdî ji bo jinan hemûyan ên ku êriş li ser tercîha azadiyê, jiyan û têkoşîna jinê tê kirin, bûye çavkanî û hêvî. Çarenûsa xitimî û lanetbûyî ya Rojhilata Navîn têk biriye.
Hevala Bêrîtan bi xeta xwe ya azadiyê, jiyan û çalakiya xwe nayê jibîrkirin. Lêgerîneriya wê ya azadiyê ya bêdawî, kûrahiya wê ya li hişmendiya jinê û dîrokê, milîtaniya jinê ya hevgirtî ku li ser xeta Rêbertî pêk anî, jiyana wê ya esîl divê bibe xeta jinan hemûyan û mêrên bi rûmet. Misogeriya hebûna azadiyê, azadiya jinê û civakê bi azadiya Rêber Apo pêkane ku Rêber Apo afirînerê vê xetê ye. Wezîfeya me ya rûmetê ye ku armancên şehîdên xwe ku nirxên me yên herî mezin e pêk bînin.
“Em ê xeta berxwedanê ya Bêrîtan bi serketinê tacîdar bikin”
Di serî de li dijî sîstema tecrîda giran û dîlgirtina Rêbertî, li dijî her cûre êrişên înkar û tunekirinê yên li ser gelê Kurd û jinan, li hemberî nokerî, xiyanet û teslîmkariya tê ferzkirin, em ê xeta berxwedanê ya Bêrîtan bi serketinê tacîdar bikin.
Di serî de jinên li dijî sîstema qirker, li dijî hêzên noker û faşîzma dewleta Tirk, em bang li her kesên dilxwazên azadiyê dikin ku li dora Rêbertî bicivin, li çiyayên azad tevlî nava refên gerîla bibin, bi Bêrîtanbûnê bibin milîtanên xeta Bêrîtan.
Em bang li her kes û tevgerên demokratîk dikin ên ku dixwazin li nava civaka demokratîk jiyaneke azad biafirînin, ku tevlî avakirina civaka azad, mirovên azad, jin a azad ku bi pêşengiya jinan li Kurdistanê pêk tê. Bang dikin ku li dijî şerê qirkirinê yê qirêj ê dewleta Tirk ku çekên kîmyewî jî bi kar tîne, deng û çalakiyên xwe bilind bikin.”
