ŞEHBA – Cenazeyê Şehîd Sosin Bîrhat (Sosin Mihemed) li Heleb û Şehbayê ji aliyê bi hezaran kesî ve hate veşartin.
Cenazeyê ji Fermandarên YPJ’ê Sosin Bîrhat ku di êrîşa dewleta Tirk a dagirker a li ser Til Temirê de şehîd bûbû, li taxa Şêx Meqsûd a Helebê ji aliyê bi hezaran kesî ve hate pêşwazîkirin. Konvoya cenaze ber bi Şehbayê ve ket rê.
Li Kantona Şehbayê jî li ser wesyeta Şehîd Sosin Bîrhat gel bi dihol û zirneyê, alên YPG û YPJ’ê hate pêşwazîkirin.
Girseya ku cenazeyê Bîrhat ji Nexweşxaneya Avrîn a bajarokê Fafînê girtin, li Şehîdgeha Şehîdên Berxwedana Serdemê veşartin.
