NAVENDA NÛÇEYAN – Dewleta Tirk ya dagirker 24’ê Nisanê de li hember qadên gerîla êrişeke dagirkeriyê da destpêkirin.
Erişên dewleta faşist taybet li ser Metîna, Avaşîn û Zapê zêde bûn. Heman şevê de artêşê hewilda ku bi helîkopteran ve leşkerên xwe dayne qadê.
Le hesabê faşîzmê dîsa negirt. Ji ber ku gerîlla amade bû. Di Heman demê de Gerila bersivên êrişan da û heta niha dehan kuştî û birîndar jî du xwe hîştine.
Ji bo piştgiriya gerîla TCŞ û YJC li Bakûr û Rojhilatê Suryê bi şiyara “Bi Ciwanên Bûne Baz, ber bi Serkeftina Zagrosan ve” çalekiyên hemwext pêkanîn.
Ciwan her derê Rojava bi heman armancê ve daketin qadan û meşên meşaleyî pêk anîn. Çalakiyên hemwext de daxuyaniyên ciwanan jî yek deng bû.
Ciwanan daxuyaniya xwe de wiha got:
“BI CIWANÊN BÛNE BAZ, BER BI SERKEFTINA ZAGROSAN VE
Ev zêdetirî sed salE dewleta Tirk a faşîst û qirker bi hemî rêbazên gemar û qirêj dixwaze qira kurdan bîne. Dixwaze axa Kurdistanê giştî dagir bike. Armanca wê, li kuderê daxwaza azadiyê hebe, li wir komkujiyan pêk bîne, her cure rêbazê kar tîne. Dewleta TC’ê ku bi faşîstiya xwe navdar, hîmê xwe li ser pergala îmhayê ya qirker ava kiriye.
Bi pêşengiya Şoreşa Azadiya Kurdistanê PKK’ê, dema vejîn û rizgariya Kurdan dest pê kiriye. Tam dema ku nêz bûbû Kurd û Kurdistan bi temamî were îmhakirin, rabûna PKK’ê hemû planên qirkirin û dagirkeriyê têk biriye. Têkoşîna Rêber APO tevgereke ku têkçûna xwe ne pêkan û bi hezaran keç û xortên leheng, ku şerê şeref û rûmetê gihandine zirveyê avakir. Û vê jî hêviyên dagirkeriyê ya dagirkeran tar û mar kiriye.
Ji bo bikare qirkirina kurdan ku xewna faşîzma Tirk a sedsalane bibe serî û dagirkeriya Kurdistanê û rojhilata navîn, bi avakirina Osmaniya nû bi encam bike. Dixwaze PKK ya ku garantiya şoreşa azadiyê ye tasfiye bike. Hewildana dagirkirinê ya Herêmên Parastinê yên Medyayê parçeyek ji vê ye.
Artêşa herî mezin a NATO’yê, an jî bi pênaseyeke din ve ‘’arteşa ku li Garê şikest’’, li ber çavê cîhanê hatiye şikandin. Faşîzma dewleta Tirk ku têkçûna xwe qebûl nake, niha ketiye pey nixumandina vê têkçûnê û rûmeta xwe ya şikiyayî.
Ev hewldana dagirkeriyê ku 23’yê Nîsanê hatî destpêkirin jî bi vê armancê ye. Êrîşê vê carê birin ser Metîna, Avaşîn û Zapê yên Qadên Parastinê yên Medyayê ku gerîlayên azadiyê berevaniyê lê dikin. Dewleta faşîst a Tirk ku bi derbeya li Garê xwariye gêjelanî bûye, dixwaze têkçûna xwe bi vê awayî berevajî bike.
Ev êrîşa dagirker jî bi destek, tifaq û pejirandina hêzên navnetewî û hukumeta Başûrê Kurdistanê dibe. Di van êrişên dagirkeriyê de KDP weke her car rola hevkarî û îxanetê dilîze. Lê plana dewleta faşîst a Tirk jibo qirkirina gelan dîsa ji ber hev ketiye û weke her carê dîsa asê bûye û berê xwe dide hêzên NATO’yê. Di ber hesabên gemarî yên siyasî de, bi hin tawîzan parsektiya alîkariyê dike. Li dijî van êrişên komploya navnetewî a nujen kirî, Gerîlla berxwedaniyeke bê hempa û dîrokî dike. Mîna her carê niha jî li dijî van êrişan bi rengekî fedayî li ber xwe didin.
Yekane encama ku faşîstên dewleta Tirk û hevkarên wî ji vê êrişa dagirkeriyê wergirin wê bibe Garêyeke nû. Wê sîleya berxwedana fedaiyên azadiyê bixwin. Ev berxwedan hetanî qelandina koka faşîzma dewleta Tirk, wê li her derê belav bibe û dewam bike.
Em bang li ciwanan tevahî dikin, ku dest bi seferberiya berxwedanê bikin.
Ciwanên Kurdistanê fedayiyên Rêber Apo ne. Bi bawerî, hişmendî û îradeya Rêber Apo xwe xemilandine. Li dijî van êrişên dagirkeriyê, ciwanên Apoyî bêdeng namînin. Dewleta Tirk a faşîst ku li pey wê yekê ye li Metîna, Avaşîn û Zapê derbê lê bixe, di serî de li Rojava wê li her derê Kurdistanê derbên herî mezin bixwe. Têkoşîn û hêrsa ciwanên şoreşger û welatparêz ên Kurdistanê wê bi berxwedana lehengane a gerîlayên Zagrosê re bibe yek û faşîzma dewleta Tirk bicirifîne. Faşîstên barbar ên dewleta Tirk wê poşman bibin ku ketine Metîna, Avaşîn û Zapê.
Ji bo ciwanên Kurdistanê her der navenda lêdana derbê û hesabpirsîna ji dijminê faşîste. Wê her der bibe Metîna, Avaşîn û Zap. Faşîstên dewleta Tirk, alîgir û nokerên wan, li her deverê wê bibin hedefa ciwanên Kurdistanê. Faşîzma Dewleta Tirk wê nikaribe binkeftineke nû ya mîna Garê rizgar bibe.”
Qamişlo:
Dirbesiyê:
Şehba:
Kobanê:
Tebqa:
Efrin:
