NAVENDA NÛÇEYAN – Endama Komalên Jinên Ciwan Avaşîn Kurtay Dîrok derbarê tecrîda a girankirî ya li ser Rêberê Gelan Abdullah Ocalan ji ajansa me re axivî.
Endama Komalên Jinên Ciwan Avaşîn Kurtay Dîrok diyar kir ku Rêberê Gelan Abdullah Ocalan ji bo jinan nasnameyek nû û îradeyê derxistiye holê û bi wan gotinan berdewam kir: “Wek tê zanîn pêngava ‘Dem Dema Azadiya Serokatiya me ye’ hatiye destpê kirin. Divê hemû ciwan û jinên ciwan jî cihê xwe nava vê pêngavê de bigre. Raste, ciwan her roj li qadane, bi awayekî aktîf di nava pêngavê de ye. Ciwan dibêjin ‘Em fedayiyên Rêber APO ne’. Em wan ciwanan ji çiyayên azad silav dikin. Rêber APO ji bo me hemûyan nasnameyek nû derxistiye holê, divê em jî li gorî vê tev bigerin.”
GELÊ KURD BI YEK DENGÎ GOTIN ‘WÛN NIKARIN ROJA ME TARÎ BIKIN’
Endama KJC Avaşîn Kurtay Dîrok di berdewama axaftina xwe de bal kişand ser wan mijaran: “Dijmin dixwaze bi komployê me ji Rêberê me qut bike. Lê dijmin xwe dixapine. Ev komplo bixwe vala derket. Bi esîr girtina Rêberê me, nikaribûn me ji Rêberê me qut bikin. Em vê komployê ne jibîr dikin û ne jî didin jibîrkirin. Ji ber êdî dema azadiya fîzîkî yê Rêberê me hatiye. Em berxwedaniya Gerîla li çiyayên azad dibînin. Em hertim mînaka hevala Nazelin didin. Bi bedena xwe a ciwan ji bo Rêbertî bû mertalek. Vê îradeyê Rêber APO ava kiriye. Ji roja Rêber APO hatiye esir girtin, Gelê Kurd bi yek dengî dibêje ‘Wûn nikarin roja me tarî bikin’.
EM BERÊ XWE BIDIN ÇIYAYÊN AZAD
Avaşîn Kurtay Dîrok diyar kir ku sala 2021’an wê bibe sala azadiya fîzîkî a Rêber APO û wan lê zedê kir: “Dijmin îro ji Bakur û Rojavayê Kurdistanê êrîşên xwe befireh dikin. Ev êrîş ne tenê wusa êrîşî dijî cend kesane. Ev êrîş ji ber tirsa Rêber APO ku li ser dijmin daye ava kirin ve tê. Ji ber Rêber APO gelê Kurd aniye zanebûnekê, hebûna wan parastiye. Em jî wek ciwan û jinên ciwan pêwistin girêdayinbuyîna xwe ji bo Rêber APO bidin îspat kirin. Vê jî em dikarin bi hatina xwe ya çiyayên azad pêk bine. Em di sala 2021’an azadiya fîzîkî a Rêberê xwe dixwazin. Êdî tenê bila tecrîd rabe, an jî bila hevditîn çêbibe, ev têra nake. Îro di zindanan de berxwedaniyek mezin heye, grevên birçîbûnê didomin. Dijmin li Bakurê Kurdistanê hemû kesê serî hildide dixwaze tune bike. Ev jî nîşaneya tirsa dijminê meye. Gelê Kurd li kiderê dibe bila bibe, li Ewrûpa, Bakur heta Rojavayê Kurdistanê ferq nake, divê tevlî pêngava KCK’ê a ‘Dem Dema Azadiyê’ bibe.
Endama Komalên Jinên Ciwan Avaşîn Kurtay Dîrok nirxandina xwe bi vê gotinê bidawî kir: “Divê êdî hemû ciwan û jinên ciwan ji bo azadiya Rêber APO berê xwe bidin çiyayên azad.”
NC//Serhildan Garzan
