BEHDÎNAN – KJC’ê di der heqê komploya navnetewî ya 15’ê Sibatê de daxuyaniyeke nivîskî da.
Daxuyanî wiha ye
“Jİ RAGİHANDİN Û RAYA GİŞTÊ RE!
Em dikevin 23’emîn salvegera komploya 15’ê Sibatê ya ku bi dîl girtina Rêber Apo re jenosîda Kurd hate ceribandin, em careke din hemî hêzên komploger şermezar dikin, û em di kesayeta rêhevalên pêşeng a ciwanan Evrim Demir û Mustafa Malçok de, ku bi têkoşina xwe ev komplo têk birine, hemû çalakwanên “Hûn nikarin roja me tarî bikin” bi rêzdarî bibîr tînin.
Dewletên kolonyalîst û emperyalîst difikirin ku ew ê bi rehîn girtina Rêber Apo re gelê Kurd tune bikin. Nexşeyek qirkirinê ji 15’ê Sibata 1999’an vir ve ji bo gelê Kurd tê meşandin. Di roja me îro de rêvebirina vê planê de serî de hikûmeta faşîst a AKP-MHP ye. Serokê faşîst Erdogan talîmatan dide, û hêzên serdest jî dixin pratîkê. Ev hukûmet bi qedexekirina zimanê me, qirkirina bi hezaran ciwanan di zindanan de, têkiliya bi kesayetiya tacîz û destavêtinê ya li dijî jinên ciwan, dagirkirina her parçeyek axa me, qirkirina civakî, siyasî, çandî û laşî ferz dike.
Faşîzmê ji bilî qirkirinê tiştek ji mirovan re neanî ye. Ev hikûmeta faşîst îro jî van pêkanînên qirkirinê li ser gel, ciwan û jinên Kurd ferz dike. Tepisandina berxwedanên ciwanên xwendekar, ji ber nasnameya xwe ya siyasî avêtina bi hezaran ciwanên bi di zîndanan de, û êrişên dagirkirinê yên ku li Garê têne kirin perçeyekî ji van pêkanînan in. Li ser peyama tunekirinê ya ku dixwest bi komployê were dayîn, Rêbertî bi berxwedana xwe a di pergala îşkenceya Îmraliyê de ji me re nişan da ku em çawa têbikoşin.
Dîsa, bi vê komployê re, têkoşîna me ya azadiya jin, ku Rêbertî wekî “Projeya min a nîv ma ye” pênase kir, jî hate hedef girtin. Bi hezaran jinên ciwan ên ku Rêbertî naskirine bi bandora ramanên wî riya xwe veguheztin refên têkoşînê. Rêbertî me fêr kir ku em di rêça jiyanek azad de bimeşin, dema ku hêzên komploger qirkirina zayendî ji bo jinên ciwan wekî tiştek hewce dibînin. Em ji Rêbertî fêr bûn ku wekî jin, bi raman û vîna xwe ya azad, bi hêza xwe ya rêxistinbûyî, bi nirxên xweyên welatparêzî ve girêdayî li dijî dagirkeriyê bisekinîn. Ji ber vê sedemê, pergala serdest a mêr ji bo ku polîtîkayên tunekirinê li ser jinên ciwan bide meşandin Rêberê me dîl girtiye. Jinên ciwan re tê ferz kirin ku celadî xwe re bibin evîndar, maddeyên hişbir û fuhuşê dejenere bibin, û ji nirxên xwe yên çandî dûr bikevin. Bi komploya 15’ê Sibatê re bîrdoziya azadiya jin a Rêber Apo ku tevahî jinên cîhanê şiyar kir û jinên ciwan ên Kurdistanê şiyar kir, hate hedef girtin, lê encamek negirt.
Em bi giraniya ku nekarin azadiya fîzîkî ya Rêber Apo dest bixin 15’ê Sibatêkî din jî pêşwazî dikin. Weke jinên ciwan, em nema dikarin van pêkanînên qirkirinê û pergala rehînkirinê a Îmraliyê tehemûl bikin. Heya ku em hikûmeta faşîst a AKP-MHP hilweşînin, hilweşandina pergala Îmraliyê jî ne mumkune. Ji ber vê yekê, bi vesileya 15ê Sibatê, em bang li hemî jinên ciwan û ciwanan dikin ku li dijî faşîzmê li berxwebidin.
Îro ji xwe dîwarên berxwedanê gav bi gav têne avakirin. Berxwedana xwendekarên Zanîngeha Boğaziçi yên ku li dijî qayimên AKP li berxwedidin mînakek vê yekê ye. Ger hemû xwendekarên li Kurdistanê beşdarî vê berxwedanê bibin, dibe ku bingehên faşîzmê werin hejandin. Dîsa, berxwedana ya li dijî operasyona dagirkirinê ya ku li Garê hate destpêkirin bi rastî ji rojên xweyê yekem destanek nivîsand. Ciwan û jinên ciwan ên Kurd ên bi rûmet û welatparêz dikarin cihê xwe di van eniyên berxwedanê de bigirin û derbeya herî mezin li faşîzmê bixin.
Azadiya fîzîkî ya Rêber Apo di heman demê de azadiya jinên ciwan e. Azadî tenê bi ketina tevgerê re were bidest xistin. Ji ber vê yekê em bang li hemû jinên ciwan dikin ku li dijî faşîzmê berxwebidin. Wekî ku Rêberê me diyar kir, “Yên şer dikin azad dibin, yên azad dibin xweşiktir dibin.” Werin em li her qada ku tê de têkoşîn heye cîhê xwe bigirin, bi tevlîbûyînekî radîkal a din a nava çalakîyên 15’ê Sibatê de pergala qirkirina Kurd bişkînin!
Silav û Rêzên Şoreşgerî
Kordinasyona Komalen Jinen Ciwan”
