NAVENDA NÛÇEYAN – Koordînasyona Tevgera Jinên Ciwan ên Tekoşer ji bo salvegera komkujiya Parîsê daxuyaniyek nivîskî weşand.
Daxuyanî waha ye:
Ji qirkirina jinê re “Em dibêjin NA” Bi rihe Sara, Rojbîn û Ronahî ku di her jinên ciwan şîn dibe dê bizivire “Tolhildana me ya herdemî”
Li pey komkujiya Parîsê 8 sal derbas bu. Di destpek şoreşgerên pêşeng Şehîd Sara
Rojbîn û Ronahî bi rêz û mînetdarî bibîrtînin. Pevajoya 2013 ku di bin nave ‘pêvajoya çarêseriyê’ devleta Tirk bi rejima qirker û faşîst rejîma AKP-MHP hevdîtinên ku bi Rêber APO re meşandin, bingeha ‘plana binpêkirinê -çöktürme planı’ hatibu hazirkirin. Di vir de wek gava yekemin ya dewleta Tirk di serî de hedefgirtina 3 jinen şoreşger Sara, Rojbîn û Ronahî bû. Bi awayeki hovane li Parîsê di 9 çile ya 2013 bi fermana rasterast ye diktator Tayip Erdogan ji aliye kese bi navê Ömer Güney ve hatin qetilkirin. Dema di sala 2017 de bi nave operasyona “tolhildana Sakine Cansiz” de 2 reveberiyên MIT hatin girtin di îtrafên xwe de gotin ku fermana komkujiya Parîsê ji aliye Erdogan ve hatiye dayin. Bi belgeyên ku hatin destxistin ev hate piştrast kirin. Mina komploya navdewletî de dewleten wek Fransa ku heta roja iro de ruxme ku delilên sucen Dewleta Tirk derketiye hole, bi mirina guman ya Omer Guney de doz hate girtin. Dewleta Fransa ji ve rewşê agahdar bû û heya roja me ya îro hesabê ve nedaye, hem ji ber para xwe di ve buyere de heye û ji aliyê din ne ronikirina buyerê ser esasen berjewendiyên her du welatan pêk tê.
Hem bi kuştina Sarayan, di heman demê de qirqirinên ku hêjî her roj berdewam dike, ku hima bêjin her roj jineke Kurd tê qetilkirin sedema xwe ji pergala baviksalarî digre. Hêzên ku naxwazin azadî, jiyaneke demokratîk bê avakirin bi şiklekî xwezaya civakê ango jin qetildikin û weke buyere normal e me didin qebûlkirin. Lê belê em weke jinên ciwan vê tepisandinê bi kampanya me ya bi navê “Em dibejîn NA” ve pir vekirî red dikin. Bi tekoşîna xwe ve emê vê tepisandinê hilweşînin. Tekoşîna Sarayan ji xwe re dikin mînaka herî mezin.
Kesayeta Şehîd Sara, Rojbîn û Ronahî ji bo tevgera me tekoşerên peşeng bûn. Di her behna xwe li ser esasê legerîna jiyana azad pek anîn. Bi hezaran jinen ciwan li ser şopa her sê hevalan iro di nava tekoşînê de cih digirin û rihe SARA, ROJBÎN û RONAHÎ xwe mina teqînekî li tevahiya Kurdistanê belav buye. Herî dawî bi berxwedana sedsalê ku li Heftanîn bi pêşengtiya gerilayen YJA-Star ve tê meşandin tolhidana xwe distenin. Berxwedana kolanan de, berxwedana di çiyayên azad de tê meşandin bi mîrasa Sarayan ve pêk tê. Em weke jinên ciwan xeta Şehîd Sara (Sakine Cansiz) ku ji bo me bingeha tekoşîna jinê daye avakirin, em xeta Şehîd Rojbîn (Fidan Doğan) ku nasname û tekoşîna jina Kurd giştî cihanê belav kiriye û gerdunî buye, em xeta Şehîd Ronahî (Leyla Şaylemez) hem xeta tekoşîna jinên ciwan ku ne weke nasname dihate dîtin ne jî weke vîn dihate qebûlkirin hilweşand, di heman demê de dinamîzma guhertina civakê li ser esasê civakeke ehlaqî û polîtîk de, di armanca jiyana azad de israrkirinde bûn mînakê herî mezin ji bo me.
Wek Jinen ciwan em di 8. salvegera komkujiya Parisê de dubare dikin ku ev roj we roja hesabpirsina be. Bi rihe tekoşina peşengên Tevgera Azadiyê em weke Tevgera Jinên Ciwan ên Tekoşer bi hercureyên çalakiyan ve bi rêxistinbuyîna xwe, bi xeta tekoşîna xwe bibin bersiveke herî mezin ji bo her sê şoreşgeran. Di şexsê Heval Sara, Rojbîn û Ronahî de felsefe û ramanê Rêber APO ku xeta birdoziya jina azad daye avakirin de rol û misyoneke mezin bileyzin. Li ser van bingehan di serî de em weke jinên ciwan di kampanyaya me ya bi navê “Em dibêjin NA” de ji qirkirin, tundî, taciz, tecawiz, vina jinê nenaskirin, xwastina qirqirina civakekî li ser jinê de meşandin, her cureyên şerê taybet ên li ser jinê, jinê weke meta dîtin re dibêjin “NA”. Bangawaziya me ew e ku hemû jinên ciwan bi dînamizma xwe xwedî nasnameya xwe, tekoşîna xwe derkevin. Ji ber vê yekê jî pêwiste qad bi tîlîlî û dengên jinên ciwan re bihejîn.
Sara, Rojbîn, Ronahî Jin Jiyan Azadî,
Bijî Serok APO
Koordînasyona Tevgera Jinên Ciwan ên Tekoşer
